२६५

सा या सहस्रतम्यास विद्युद्धैव सा भूत्वा प्रजापतिं विवेश ।

तदेषाभ्यनूच्यते

अयं स शिङ्क्ते येन गौरभीवृता मिमाति मायुं ध्वसनावधि श्रिता

सा चित्तिभिर्नि हि चकार मर्त्यं विद्युद्भवन्ती प्रति वव्रिमौहत

इति ।

इमां हैव गां रूपं प्रत्युह्य विद्युदेव भूत्वा पुनः प्रजापतिं प्रविवेश ।

सैषा विद्युत्सा यदेतत्स्तनयति ददददददेति ।

ददानि ददानीति हैव तत्प्रजाभ्यो वृष्टिमन्नाद्यं प्रयच्छति ।

प्रास्मा एषा देवता वृष्टिमन्नाद्यं यच्छति य एवं वेद २६५