अग्ने देवाणां होतस्त्वं देवानां होतास्यहं मनुष्याणां स न इदं ब्रूहि यथेदं भविष्यति न साम समैति न स्तोत्र्या नो मे लोकास्सङ्क्रामन्ति वरीयान्यजमानस्य लोको भवति ।
यत्साम समेयाद्यत्स्तोत्र्यो यदिमे लोकास्सङ्क्रामेयुरंहीयान्यजमानस्य लोक स्यात् ।
गायत्रं समैति ।
प्राणो वै गायत्रम् ।
सर्वत्र ह्येव प्राणः समैति ।
यज्ञायज्ञीयं समैति ।
वाग्वै यज्ञायज्ञीयम् ।
सर्वत्र ह्येव वाक्च प्राणश्च समेतः ।
द्वे सामनी समेतो द्विपाद्यजमानः प्रतिष्ठित्यै ।
प्रतितिष्ठति य एवं वेद २६०