अथैते चातुर्मास्याः ।
प्रजापतिः प्रजा असृजत ।
ता अस्य सृष्टाः पराभवन् ।
तदिदं सरीसृपमभवद्यदन्यत्सर्पेभ्यः ।
स द्वितीया असृजत ।
ता अस्य परैवाभवन् ।
ते मत्स्या अभवन् ।
स तृतीया असृजत ।
ता अस्य परैवाभवन् ।
तानि वयांस्यभवन् ।
स षक्षत या इमास्त्रयीः प्रजा असृक्ष्यृते ब्रह्मण ऋतेऽन्नाद्यादृते यज्ञात्परा ता अभूवन् ।
हन्तो न्वेव ब्रह्मणोऽन्नाद्याद्यज्ञात्प्रजास्सृजा इति ।
सोऽन्नाद्यमात्मन्नधत्त ।
तदभ्यस्तनयत् ।
तत्प्राक्प्रैषत् ।
तौ स्तनावभवताम् ।
यदभ्यस्तनयत्तत्स्तनयो स्तनत्वम् ।
तदत्यक्षरत् ।
तत्क्षीरमभवत् ।
यदत्यक्षरत्तत्क्षीरस्य क्षीरत्वम् ।
व्रीहियवौ ह वाव स तदात्मन्दधे ।
तदेतद्व्रीहियवयोः क्षीरम् ।
स षक्षतालं वै तस्मा अस्मि सृजेयेत्तदन्नं लभेत यत्सृजेय हन्त सृजा इति २२८