अथ सावित्रीप्रसवाः ।
यदिह विषुरूपमिमा नानारूपाः प्रतिपद उपागाम तन्नस्सवितृप्रसूतमसदिति ।
अथाग्निपावमान्यः ।
पथमिव वा एते यन्ति ये पावमानीभिः प्रतिपद्यन्त इति ।
अग्निर्वै पथिकृद्देवतानाम् ।
येन वै केन चाग्निनैति पन्थानमेव कुर्वन्नेति ।
तद्यदेषाग्निपावमानी प्रतिपद्भवत्यग्निनैव तत्पथिकृता पन्थानं पर्यवयन्ति ।
पवमानस्य ते कव इति पर्यासो भवति ।
एतत्पुनः पन्थानं पर्यवयन्ति ।
यो वै पृष्ठानां धुर्यं वेद धुर्य स्वानां भवति ।
वैराजं वाव पृष्ठानां धुर्यम् ।
धुर्य स्वानां भवति य एवं वेद १८६