तस्य रथन्तरं पृष्ठं भवति ।
अन्नं वै रथन्तरम् ।
अथो हास्मिन्बह्वेव पक्वान्नं दद्यात् ।
ता एनमन्नकाशिनीः प्रजा अभ्युपावर्तन्ते ।
प्रजापतिर्यज्ञमसृजत ।
तं देवेभ्यः प्रायच्छत् ।
स यज्ञं प्रदाय रिरिचानोऽमन्यत ।
स षक्षत कथं न्वहमिमं यज्ञं पुनरुपह्वयेयेति ।
स एतेनैव यज्ञेनायजत ।
तेनैनं पुनरुपाह्वयत ।
यदुपाह्वयत तद्वेवोपहव्यस्योपहव्यत्वम् ।
तद्यं सकृदिष्टिनं यज्ञो नोपनमेत्स एतेन यजेत ।
अपक्रान्तो ह वा एतस्माद्यज्ञो भवति ।
यं सकृदिष्टिनं यज्ञो नोपनमत्येतेन हैवैनं पुनरुपह्वयते ।
उप हैनं यज्ञो नमति य एवं वेद १४९