११६

धारयन्त्यग्निं व्याधारयन्त्युत्तरवेदिम् ।

एतदेनां तत्पूर्वामग्नेराहुतिरश्नुते ।

अथैतेभ्य एतमादित्या आदित्यमेवाश्वं श्वेतं भूतमश्वाभिधान्यभिहितमानयन्निममु वै प्रतिगृह्णीतेति ।

तेऽब्रुवञ्श्रेयानु वावायमस्मन्नो वावेममुद्यंस्याम इति ।

तान्देवाश्चर्षयश्चोपसमेत्याब्रुवन्विच्छेत्स्यन्ते वा अदक्षिणा यज्ञाः प्रतिगृह्णीतेति ।

तदेषाभ्यनूच्यते

आदित्या ह जरितरङ्गिरोभ्योऽश्वं दक्षिणामनयंस्

तं ह जरितर्न प्रत्यायंस्तं ह जरितर्न प्रत्यगृह्णंस्

तामु ह जरितः प्रत्यायंस्तामु ह जरितः प्रत्यगृह्णन्न् । अहा नेदसन्नपुरोगवाणि यज्ञा नेदसन्नविचेतनासः ११६