१५९

स प्राचान्येन पदा प्राभ्रंशत प्रतीचान्येन ।

येन प्राचा प्राभ्रंशत सा ककुबभवत् ।

तस्मात्ककुभः पूर्वार्धेऽक्षराणि भूयिष्ठानि ।

अथ येन प्रतीचा प्राभ्रंशत सोष्णिगभवत् ।

तस्मादुष्णिहो जघनार्धेऽक्षराणि भूयिष्ठानि ।

ते वा एते छन्दसी धेनुश्चैवानड्वांश्च ।

तस्मात्पशवः पूर्वार्धेन च जघनार्धेन च भूयिष्ठं भुञ्जन्ति ।

वहन्ति पूर्वार्धेन दुह्रे च जघनार्धेन प्र च जनयन्ति ।

उभयं धेनुपयसं चानडुत्पयसं चावरुन्द्धे य एवं वेद १५९