तदाहुर्हिङ्कारेण वै प्रजापतिः प्रजाभ्योऽन्नाद्यमसृजत ।
यन्न हिङ्कुर्यादशनायुकाः प्रजास्स्युः ।
हिङ्कुर्यादेव ।
भूः इति ।
यन्न हिङ्कारं विसृजति तेन रेतो विच्छिनत्ति न हिङ्कारमन्तरेतीति ।
तदु वा आहुः ममृदीय इव वा अतो रेतो दारुणतर इव ।
हिङ्कारोऽपि वैनद्वालेन विच्छिन्द्यात् ।
हिङ्कारस्यैव काले हिङ्कारं मनसा ध्यायेत् ।
तन्न रेतो विच्छिनत्ति न हिङ्कारमन्तरेतीति ।
भूः इति निधनं करोति ।
प्रजापतिर्यदग्रे व्याहरत्स भूः इत्येव व्याहरत् ।
स इमामसृजत ।
स यद्भूः इति निधनं करोत्यस्यामेवैतद्रे तः प्रतिष्ठापयत्यथो एनत्तद्भूतिमेव गमयति १०१