मा प्र गा॑म प॒थो व॒यं मा य॒ज्ञादि॑न्द्र सो॒मिन॑।मान्तः स्थु॑र्नो॒ अरा॑तयः॥ १०.०५७.०१

यो य॒ज्ञस्य॑ प्र॒साध॑न॒स्तन्तु॑र्दे॒वेष्वात॑तः।तमाहु॑तं नशीमहि॥ १०.०५७.०२

मनो॒ न्वा हु॑वामहे नाराशं॒सेन॒ सोमे॑न।पि॒तॄ॒णां च॒ मन्म॑भिः॥ १०.०५७.०३

आ त॑ एतु॒ मन॒ पुन॒ क्रत्वे॒ दक्षा॑य जी॒वसे॑।ज्योक्च॒ सूर्यं॑ दृ॒शे॥ १०.०५७.०४

पुन॑र्नः पितरो॒ मनो॒ ददा॑तु॒ दैव्यो॒ जन॑।जी॒वं व्रातं॑ सचेमहि॥ १०.०५७.०५

व॒यं सो॑म व्र॒ते तव॒ मन॑स्त॒नूषु॒ बिभ्र॑तः।प्र॒जाव॑न्तः सचेमहि॥ १०.०५७.०६