यस्मि॑न्वृ॒क्षे सु॑पला॒शे दे॒वैः स॒म्पिब॑ते य॒मः। अत्रा॑ नो वि॒श्पति॑ पि॒ता पु॑रा॒णाँ अनु॑ वेनति॥ १०.१३५.०१

पु॒रा॒णाँ अ॑नु॒वेन॑न्तं॒ चर॑न्तं पा॒पया॑मु॒या। अ॒सू॒यन्न॒भ्य॑चाकशं॒ तस्मा॑ अस्पृहयं॒ पुन॑॥ १०.१३५.०२

यं कु॑मार॒ नवं॒ रथ॑मच॒क्रं मन॒साकृ॑णोः। एके॑षं वि॒श्वत॒ प्राञ्च॒मप॑श्य॒न्नधि॑ तिष्ठसि॥ १०.१३५.०३

२

यं कु॑मार॒ प्राव॑र्तयो॒ रथं॒ विप्रे॑भ्य॒स्परि॑।तं सामानु॒ प्राव॑र्तत॒ समि॒तो ना॒व्याहि॑तम्॥ १०.१३५.०४

कः कु॑मा॒रम॑जनय॒द्रथं॒ को निर॑वर्तयत्। कः स्वि॒त्तद॒द्य नो॑ ब्रूयादनु॒देयी॒ यथाभ॑वत्॥ १०.१३५.०५

यथाभ॑वदनु॒देयी॒ ततो॒ अग्र॑मजायत।पु॒रस्ता॑द्बु॒ध्न आत॑तः प॒श्चान्नि॒रय॑णं कृ॒तम्॥ १०.१३५.०६

इ॒दं य॒मस्य॒ साद॑नं देवमा॒नं यदु॒च्यते॑। इ॒यम॑स्य धम्यते ना॒ळीर॒यं गी॒र्भिः परि॑ष्कृतः॥ १०.१३५.०७