पव॑स्व दक्ष॒साध॑नो दे॒वेभ्य॑ पी॒तये॑ हरे।म॒रुद्भ्यो॑ वा॒यवे॒ मद॑॥ ९.०२५.०१
पव॑मान धि॒या हि॒तो॒ऽभि योनिं॒ कनि॑क्रदत्।धर्म॑णा वा॒युमा वि॑श॥ ९.०२५.०२
सं दे॒वैः शो॑भते॒ वृषा॑ क॒विर्योना॒वधि॑ प्रि॒यः।वृ॒त्र॒हा दे॑व॒वीत॑मः॥ ९.०२५.०३
विश्वा॑ रू॒पाण्या॑वि॒शन्पु॑ना॒नो या॑ति हर्य॒तः।यत्रा॒मृता॑स॒ आस॑ते॥ ९.०२५.०४
अ॒रु॒षो ज॒नय॒न्गिर॒ सोम॑ पवत आयु॒षक्।इन्द्रं॒ गच्छ॑न्क॒विक्र॑तुः॥ ९.०२५.०५
आ प॑वस्व मदिन्तम प॒वित्रं॒ धार॑या कवे।अ॒र्कस्य॒ योनि॑मा॒सद॑म्॥ ९.०२५.०६