प्र ते॑ सो॒तार॑ ओ॒ण्यो॒ रसं॒ मदा॑य॒ घृष्व॑ये।सर्गो॒ न त॒क्त्येत॑शः॥ ९.०१६.०१
क्रत्वा॒ दक्ष॑स्य र॒थ्य॑म॒पो वसा॑न॒मन्ध॑सा।गो॒षामण्वे॑षु सश्चिम॥ ९.०१६.०२
अन॑प्तम॒प्सु दु॒ष्टरं॒ सोमं॑ प॒वित्र॒ आ सृ॑ज।पु॒नी॒हीन्द्रा॑य॒ पात॑वे॥ ९.०१६.०३
प्र पु॑ना॒नस्य॒ चेत॑सा॒ सोम॑ प॒वित्रे॑ अर्षति।क्रत्वा॑ स॒धस्थ॒मास॑दत्॥ ९.०१६.०४
२
प्र त्वा॒ नमो॑भि॒रिन्द॑व॒ इन्द्र॒ सोमा॑ असृक्षत।म॒हे भरा॑य का॒रिण॑॥ ९.०१६.०५
पु॒ना॒नो रू॒पे अ॒व्यये॒ विश्वा॒ अर्ष॑न्न॒भि श्रिय॑।शूरो॒ न गोषु॑ तिष्ठति॥ ९.०१६.०६
दि॒वो न सानु॑ पि॒प्युषी॒ धारा॑ सु॒तस्य॑ वे॒धस॑।वृथा॑ प॒वित्रे॑ अर्षति॥ ९.०१६.०७
त्वं सो॑म विप॒श्चितं॒ तना॑ पुना॒न आ॒युषु॑।अव्यो॒ वारं॒ वि धा॑वसि॥ ९.०१६.०८