य इन्दो॒ पव॑मान॒स्यानु॒ धामा॒न्यक्र॑मीत्। तमा॑हुः सुप्र॒जा इति॒ यस्ते॑ सो॒मावि॑ध॒न्मन॒ इन्द्रा॑येन्दो॒ परि॑ स्रव॥ ९.११४.०१

ऋषे॑ मन्त्र॒कृतां॒ स्तोमै॒ कश्य॑पोद्व॒र्धय॒न्गिर॑। सोमं॑ नमस्य॒ राजा॑नं॒ यो ज॒ज्ञे वी॒रुधां॒ पति॒रिन्द्रा॑येन्दो॒ परि॑ स्रव॥ ९.११४.०२

स॒प्त दिशो॒ नाना॑सूर्याः स॒प्त होता॑र ऋ॒त्विज॑। दे॒वा आ॑दि॒त्या ये स॒प्त तेभि॑ सोमा॒भि र॑क्ष न॒ इन्द्रा॑येन्दो॒ परि॑ स्रव॥ ९.११४.०३

२

यत्ते॑ राजञ्छृ॒तं ह॒विस्तेन॑ सोमा॒भि र॑क्ष नः।
अ॒रा॒ती॒वा मा न॑स्तारी॒न्मो च॑ न॒ किं च॒नाम॑म॒दिन्द्रा॑येन्दो॒ परि॑ स्रव॥ ९.११४.०४