मो षु व॑रुण मृ॒न्मयं॑ गृ॒हं रा॑जन्न॒हं ग॑मम्।मृ॒ळा सु॑क्षत्र मृ॒ळय॑॥ ७.०८९.०१

यदेमि॑ प्रस्फु॒रन्नि॑व॒ दृति॒र्न ध्मा॒तो अ॑द्रिवः।मृ॒ळा सु॑क्षत्र मृ॒ळय॑॥ ७.०८९.०२

क्रत्व॑ समह दी॒नता॑ प्रती॒पं ज॑गमा शुचे।मृ॒ळा सु॑क्षत्र मृ॒ळय॑॥ ७.०८९.०३

अ॒पां मध्ये॑ तस्थि॒वांसं॒ तृष्णा॑विदज्जरि॒तार॑म्।मृ॒ळा सु॑क्षत्र मृ॒ळय॑॥ ७.०८९.०४

यत्किं चे॒दं व॑रुण॒ दैव्ये॒ जने॑ऽभिद्रो॒हं म॑नु॒ष्या॒श्चरा॑मसि। अचि॑त्ती॒ यत्तव॒ धर्मा॑ युयोपि॒म मा न॒स्तस्मा॒देन॑सो देव रीरिषः॥ ७.०८९.०५