प्रत्यु॑ अदर्श्याय॒त्युच्छन्ती॑ दुहि॒ता दि॒वः। अपो॒ महि॑ व्ययति॒ चक्ष॑से॒ तमो॒ ज्योति॑ष्कृणोति सू॒नरी॑॥ ७.०८१.०१
उदु॒स्रिया॑ सृजते॒ सूर्य॒ सचाँ॑ उ॒द्यन्नक्ष॑त्रमर्चि॒वत्। तवेदु॑षो॒ व्युषि॒ सूर्य॑स्य च॒ सं भ॒क्तेन॑ गमेमहि॥ ७.०८१.०२
प्रति॑ त्वा दुहितर्दिव॒ उषो॑ जी॒रा अ॑भुत्स्महि। या वह॑सि पु॒रु स्पा॒र्हं व॑नन्वति॒ रत्नं॒ न दा॒शुषे॒ मय॑॥ ७.०८१.०३
उ॒च्छन्ती॒ या कृ॒णोषि॑ मं॒हना॑ महि प्र॒ख्यै दे॑वि॒ स्व॑र्दृ॒शे। तस्या॑स्ते रत्न॒भाज॑ ईमहे व॒यं स्याम॑ मा॒तुर्न सू॒नव॑॥ ७.०८१.०४
तच्चि॒त्रं राध॒ आ भ॒रोषो॒ यद्दी॑र्घ॒श्रुत्त॑मम्। यत्ते॑ दिवो दुहितर्मर्त॒भोज॑नं॒ तद्रा॑स्व भु॒नजा॑महै॥ ७.०८१.०५
श्रव॑ सू॒रिभ्यो॑ अ॒मृतं॑ वसुत्व॒नं वाजाँ॑ अ॒स्मभ्यं॒ गोम॑तः। चो॒द॒यि॒त्री म॒घोन॑ सू॒नृता॑वत्यु॒षा उ॑च्छ॒दप॒ स्रिध॑॥ ७.०८१.०६