प्रति॒ स्तोमे॑भिरु॒षसं॒ वसि॑ष्ठा गी॒र्भिर्विप्रा॑सः प्रथ॒मा अ॑बुध्रन्। वि॒व॒र्तय॑न्तीं॒ रज॑सी॒ सम॑न्ते आविष्कृण्व॒तीं भुव॑नानि॒ विश्वा॑॥ ७.०८०.०१

ए॒षा स्या नव्य॒मायु॒र्दधा॑ना गू॒ड्वी तमो॒ ज्योति॑षो॒षा अ॑बोधि। अग्र॑ एति युव॒तिरह्र॑याणा॒ प्राचि॑कित॒त्सूर्यं॑ य॒ज्ञम॒ग्निम्॥ ७.०८०.०२

अश्वा॑वती॒र्गोम॑तीर्न उ॒षासो॑ वी॒रव॑ती॒ सद॑मुच्छन्तु भ॒द्राः। घृ॒तं दुहा॑ना वि॒श्वत॒ प्रपी॑ता यू॒यं पा॑त स्व॒स्तिभि॒ सदा॑ नः॥ ७.०८०.०३