विश्वो॑ दे॒वस्य॑ ने॒तुर्मर्तो॑ वुरीत स॒ख्यम्।विश्वो॑ रा॒य इ॑षुध्यति द्यु॒म्नं वृ॑णीत पु॒ष्यसे॑॥ ५.०५०.०१
ते ते॑ देव नेत॒र्ये चे॒माँ अ॑नु॒शसे॑।ते रा॒या ते ह्या॒पृचे॒ सचे॑महि सच॒थ्यै॑॥ ५.०५०.०२
अतो॑ न॒ आ नॄनति॑थी॒नत॒ पत्नी॑र्दशस्यत।आ॒रे विश्वं॑ पथे॒ष्ठां द्वि॒षो यु॑योतु॒ यूयु॑विः॥ ५.०५०.०३
यत्र॒ वह्नि॑र॒भिहि॑तो दु॒द्रव॒द्द्रोण्य॑ प॒शुः।नृ॒मणा॑ वी॒रप॒स्त्योऽर्णा॒ धीरे॑व॒ सनि॑ता॥ ५.०५०.०४
ए॒ष ते॑ देव नेता॒ रथ॒स्पति॒ शं र॒यिः। शं रा॒ये शं स्व॒स्तय॑ इष॒स्तुतो॑ मनामहे देव॒स्तुतो॑ मनामहे॥ ५.०५०.०५