०५६

+++(PSK 20.52.1)+++एतद् यद् अन्यत्र जिगांसथ
यद् अन्यत्र विवीषथ ।
तद् वश् चित्तम् अमूमुहं
तद् वश् चित्तम् अनीनशम् ॥

+++(PSK 20.52.3)+++अस्ति वै पथां निष्कुटं
नदीनां च निरङ्कशम् ।
तेन वश् चित्तम् अमूमुहं
तेन वश् चित्तम् अनीनशम् ॥

+++(PSK 20.52.2)+++यानि वः सप्त चेतांस्य्
अष्टौ यानि मनांसि च ।
तद् वश् चित्तम् अमूमुहं
तद् वश् चित्तम् अनीनशम् ॥

+++(PSK 20.52.4)+++इन्द्रेण मेदिना युज्- +++(yujā)+++
-आग्निना जातवेदसा ।
तेन वश् चित्तम् अमूमुहं
तेन वश् चित्तम् अनीनशम् ॥

+++(PSK 20.52.5)+++प्रतीचीनां वो अभ्य् अधाम्
अश्वम् इवाश्वाभिधान्या ।
कृण्वे वो मामके वशे
पदोर् उपानहौ यथा ॥

+++(PSK 20.52.6)+++देवानां संसद् असि
देवानां यातुर् असि ।
यया तन्वा ब्रह्म जिन्वसि
तया मा जिन्व ॥

+++(PSK 20.52.7)+++रोचे मा प्रकाशे मा
कण्वा विदन् मा गमय ।
अनु मा बुध्यन्ताम् ॥

+++(PSK 20.52.8)+++वयः सुपर्णा उप सेदुर् इन्द्रं
प्रियमेधा ऋषयो नाधमानाः ।
अप ध्वान्तम् ऊर्णुहि पूर्धि चक्षुर्
मुमुग्ध्य् अस्मान् निधयेव बद्धान् ॥

+++(PSK 20.52.9)+++अप्सु जातस्य महतस् पर्य् अश्मनः ।
स्वयंजातस्य शोचिषो
ऽद्भिः पर्वत नाशय ॥

+++(PSK 20.52.10)+++उत्तोदिनीं शिमिद्वती
दुर्गयोनिर् व्यद्वराम् ।
मृगाँ अनु प्र पातय
मरीचीर् अनु नाशय ॥

+++(PSK 20.52.11)+++अश्वस्यास्नः संपतिता +++(aśvaḥsyāstnaḥ V/122)+++
पर्णे ते वसतिष् कृता ।
असृक् पतत्रिणाम् असि
जहि वामून् प्र बाधम ॥

+++(PSK 20.52.12)+++असृक्तो अधि जातो ऽसि
पर्णे ते सदनं कृतम् ।
आण्डं पतत्रिणाम् असि
जहि वामून् प्र बाधम ॥

+++(PSK 20.52.13)+++यथा गर्दभो विवर्तनाद्
विधूय विपलायते ।
एवासौ पलायताम्
अमुष्माद् अध्य् आयतः ॥