०६७

प्रेमां मात्रां मिमीमहे
यथापरं न मासातै । +++(Bhatt. māsatai*)+++
शते शरत्सु नो पुरा ॥

उद् इमाम् (…) ॥ +++(see 1abc)+++

अपेमम् (…) ॥ +++(see 1abc)+++

निर् इमां मात्रां मिमीमहे
यथा (…) ॥ +++(see 1bc)+++

अमासि मात्रां स्वर् अगाम् +++(Bhatt. mātrāṅ)+++
आयुष्मान् भूयासम् ।
यथापरं न मासातै । +++(Bhatt. māsatai*)+++
शते शरत्सु नो पुरा ॥

प्राणो अपान उत वा व्यान
आयुश् चक्षुर् दृशे सूर्याय ।
अपरिपरेण पथा +++(Bhatt. yathā)+++
यमराज्ञः पितॄन् गच्छ ॥

ये नः पितुः पितरो ये पितामहा
य आविविशुर् उर्व् अन्तरिक्षम् ।
य आक्षीयन्ति पृथिवीम् उत द्यां
तेभ्यः पितृभ्यो नमसा विधेम ॥

ये अग्रवः शशमानाः परेषु
हित्वा द्वेषांस्य् अनपत्यवन्तः ।
ते द्याम् उदित्याविदन्त लोकं
नाकस पृष्ठे अदि दीध्यानाः ॥

उदन्वती द्यौर् अवमा
पीलूमतीति मध्यमा ।
तृतीया ह प्रद्यौर् इति
यस्यां पितर आसते ॥

इदम् इद् वा उत्तमं
दिवि पश्यति सूर्यम् ।
मात्रा पुत्रं यथा सिचा-
-अभ्य् एनं भूम ऊर्णुहि ॥ भत्त्। एमं]