११६

एते वै प्रियाश् चाप्रियाश् च र्त्विजः
स्वर्गं लोकं गमयन्ति यद् अतिथयः ॥

यत् क्षत्तारं ह्वयत्य् आ श्रावयति
यत् प्रतिशृणोति प्रत्य् आ श्रावयति ॥

यत् परिवेष्टार आवसथान् प्रपद्यन्ते +++(Bhatt. āvasathāṃ)+++
चमसाध्वर्यव एव ते
तेषां नैकश् चनाहोता ॥

यत् प्रातर् उपहरति
प्रातःसवनम् एव तत् ॥

यद् दीवोपहरति
माध्यंदिनम् एव तत् सवनम् ॥

यत् सायम् उपहरति
तृतीयसवनम् एव तत् ॥

यद् अतिथिपतिर् अतिथीन् परिविष्यासनं याचते +++(Bhatt. pariviśyāsanaṃ)+++
अवभृथम् एव तद् उपावैति ॥ +++(Bhatt. upāvayati)+++

यत् सभागयति दक्षिणाम् एव तत् सभागयति
यद् अनुतिष्ठत्य् उदवस्यत्य् एव तत् ॥