०७८

न वै पुण्यजनाश् चन कामम् आपुर्
न गन्धर्वाप्सरसो न सर्पाः ।
ततस् त्वम् असि ज्यायान् विश्वहा महांस् +++(Bhatt. jyāyāṃ)+++
तस्मै ते काम नम इत् कृणोमि ॥

यावती द्यावापृथिवी वरिम्णा
यावद् आपः सिष्यदुर् यावद् अग्निः । +++(Bhatt. śiṣyadur)+++
ततस् त्वम् असि ज्यायान् विश्वहा महांस् +++(Bhatt. jyāyāṃ)+++
तस्मै ते काम नम इत् कृणोमि ॥

यावतीर् दिशः प्रदिशो विषूचीर्
यावतीर् आशा अभिचक्षणा दिवः ।
ततस् त्वम् असि ज्यायान् विश्वहा महांस् +++(Bhatt. jyāyāṃ)+++
तस्मै ते काम नम इत् कृणोमि ॥

यावतीर् भृङ्गा जत्वः कुरूरवो
यावतीर् वघा वृक्षसर्प्यः ।
ततस् त्वम् असि ज्यायान् विश्वहा महांस् +++(Bhatt. jyāyāṃ)+++
तस्मै ते काम नम इत् कृणोमि ॥

यास् ते शिवास् तण्वस् काम भद्रा
याभिः सत्यं भवति यद् वृणीते ।
ताभिष् ट्वम् अस्मान् उप सं विशस्व- +++(Bhatt. ṭam)+++
-अन्यत्र पापीर् अप वेशया धियः ॥