०५३

तस्यौदनस्य बृहस्पतिः शिरो ब्रह्म मुखं
सूर्याचन्द्रमसाव् अक्ष्यौ बृहद्रथन्तरे श्रोत्रे ।
अग्निर् आस्यं विद्युज् जिह्वा
मरुतो दन्ताः पवमानः प्राणः ॥

ओषधयो लोमानि वनस्पतयः केशाः
समुद्रो मूत्रम् अश्विना प्रपदे ।
चरुं पञ्चबिलम् उखं घर्मम् अभीन्धे ॥

चक्षुर् मुसलं काम उलूखलं
दितिः शूर्पम् अदितिः शूर्पग्राही वातो अपाविनक् । +++(Bhatt. apāvinat)+++
गावस् तण्डुला अश्वाः कणा मशकास् तुषाः
कब्रु फलीकरणाः श्यामम् अयो लोहितम् अयो ऽस्य मांसम् ॥

त्रपु भस्मार्जुनम् अस्थीनि +++(Bhatt. tripu)+++
हरितं वर्णः पुष्कलं गन्धः ।
खलः पात्रम् उष्टारौ बाहू स्फ्याव् अंसौ
गुदा वरत्रा ईषानूक्यं युगानि जत्रवः ॥

ऋतं हस्ताभिषेचनं कुल्योपसेचनम्
आर्तवाः पक्तारो अग्निः प्राशीता ब्राह्मणः प्रतिग्रहीता ॥