०११

यत् कीनाशं सीरपतिर्
दण्डेन हन्ति मन्युतः ।
यत् किं च खल्यं सादान्ववम्
इन्द्रराशौ तद् आहितम् ॥

उलूखलमुसलं तानि चोदय
सूर्पं नार्य् अपविचे कृणुष्व ।
वाहाय पुत्राय गोतम
इन्द्रराशिं मधुमन्तं कृणोतु ॥

एतत् सूर्पं जरितर् आ हर-
-उलूखलमुसलं कुम्भ्य् आ गहि ।
पुत्रा नो अद्य सुदिनत्वे अह्नि
पित्तम् अश्नन्त मधुमन्तम् अंशुम् ॥

अग्निर् नो दूतः प्रहितो ऽयम् आगन्
स नः सर्वम् अन्नम् अविषं कृणोतु ।
निराविद्धम् अकृतं ब्रह्मणेतो
ऽदोमधं पित्तम् अत्त प्रसूताः ॥

स्वादो पितो मधो पित +++(Bhatt. pito)+++
उप नः पितव् आ गहि ।
शिवः शिवाभिर् ऊतिभिः ॥

सिंहो भूत्वा गा मृणात्य्
अग्निर् भूत्वा धान्यम् ।
इन्द्रराशिर् अनिर्मितो
मयारं चाव गच्छति ॥