००८

ये देवा दिव्य् एकादश स्थ
ते देवासो हविर् इदं जुषध्वम् ॥

ये देवा अन्तरिक्ष एकादश स्थ
(…) ॥ (see 1b)

ये देवाः पृथिव्याम् एकादश स्थ
ते देवासो हविर् इदं जुषध्वम् ॥

असपत्नं पुरस्तात्
पश्चान् नो ऽभयं कृतम् ।
सविता मा दक्षिणत
उत्तरान् मा शचीपतिः ॥

दिवो मादित्या रक्षन्तु
भूम्या रक्षन्त्व् अग्नयः ।
इन्द्राग्नी रक्षतां मा पुरस्ताद्
अश्विनाव् अभितः शर्म यच्छताम् ।
तिरश्चीन् अघ्न्या रक्षतु जातवेदा
भूतकृतो मे सर्वतः सन्तु वर्म ॥