०३९

या ते प्रजापिहिता पुराभूद्
ध्रुवेणाश्विनाप तं भरामि ।
अग्निष् टे तामाद्यमः पुनर् दाद्
वैश्वानरः परमस्माद् व्योम्नः ॥

त्वं पतिः शिवो ऽग्ने द्वितीयो
*ऽस्यै प्रजां जरदष्टिं सृजस्व ।
मुञ्चैनां ग्राह्या निरृतिर् यद् बन्ध-
-अग्ने प्रजां प्रजाकामायै धेहि ॥

त्वाम् अग्ने वृषभं वाशितेयम्
आच्या जानु पुत्रकामा सपर्यति ।
ताम् आ रोह सुमनस्यमानः
प्रजापतेः प्रजया सं सृजैनाम् ॥

तुभ्यं नारी पुत्रकामेयम् अग्ने
शुद्धं पूतं घृतम् आ जुहोति ।
ताम् अधि स्कन्द वीरयस्व रेतोधा
उग्रः प्रजया सं सृजैनम् ॥

पर्वताद् दिवो योनेर्
गात्राद्गात्रात् समाशृतम् ।
रेतो देवस्यदेवस्य
त्सरौ पर्णम् इवाधाम् ॥ +++(tsaru Mehendale, Henning Mem. Vol.)+++

इन्द्रस्य जातस्य प्र पपात नाभिस्
ताम् एको देवः प्रति जग्राह कामी ।
त्वया वयं ब्राह्मणाः सोमपाः
सूपयाम उत या न सूते ॥