०६३

सहस्वेदं सहमाने
अथो देवि सरस्वति ।
अथेदम् अश्विना लक्ष्म
रोहितं कृणुतं युवम् ॥

आसुरस्य मुखस्याग्ने
लक्ष्ममुखं नामासि ।
मेतो ज्यायो भूर् इत इत् कनीयो ऽसो
नश्येतः परो मा त्वा हिंसिषम् ॥

यासां पिता पर्जन्यो
भूमिर् माता बभूव ।
ह्वयामि सर्वा ओषधीर्
गोजाताः सोमजिन्वताः ॥

इदं सप्तप्रखे त्वं
किलासं नाशया त्वचः ।
निष्कृतिर् नाम वा असि
सेदं निष् कृधि भद्रया ॥

निष्कृतिर् नाम ते माता
निष्कृतिर् नाम ते पिता ।
उतो त्वम् असि निष्कृतिः
सेदं निष् कृधि भद्रया ॥