०२७

शतवारो अनीनशद्
यक्ष्मान् रक्षांसि तेजसा ।
आरोहन् वर्चसा सह
मणिर् दुर्णामचातनः ॥

शृङ्गाभ्यां रक्षो नुदते
मूलेन यातुधान्यः ।
मध्येन यक्ष्मं बाधते
नैनं पाप्माति ?तत्रति ॥

ये यक्ष्मासो अर्भका
महान्तो ये च शब्दिनः ।
सर्वान् दुर्णामहा मणिः
शतवारो अनीनशत् ॥

शतं वीरान् अजनयच्
छतं यक्ष्मान् अपावपत् ।
दुर्णाम्नः सर्वान् हत्वा-
-अप रक्षांसि धूनुते ॥

हिरण्यशृङ्ग ऋषभः
शातवारो अयं मणिः ।
दुर्णाम्नः सर्वान् तृढ्वा-
-अव रक्षांस्य् अक्रमीत् ॥

शतम् अहं दुर्णाम्नीनां
गन्धर्वाप्सरसां शतम् ।
शतं श्वन्वतीनां
शतवारेण वारये ॥