१०९

सोमारुद्रा वि वृहतं विषूचीम् +++(Bhatt. bṛhataṃ)+++
अमीवा या नो गयम् आविवेश ।
बाधेथां द्वेषो निरृतिं पराचैः +++(Bhatt. niṛtiṃ (misprint))+++
कृतं चिद् एनः प्र मुमुक्तम् अस्मत् ॥

तिग्मायुधौ तिग्महेती सुशेवौ
सोमारुद्राव् इह सु मृडतं नः ।
प्र णो मुञ्चतं दुरिताद् अवद्याद्
गोपायतं नः सुमनस्यमानौ ॥

सोमारुद्रा धारयेथाम् असुर्यं +++(thus K (and RV); Bhatt. -thāṃ vasuvīryaṃ)+++
प्र वाम् इष्ट्वा वरम् अश्नवातै ।
युवं नो धत्ताम् इह भेषजानि
प्र यच्छतं वृषणा जेत्वानि ॥

सोमारुद्रा युवम् अस्मास्व् अन्तस्
तनूषु विश्वा भेषजानि धत्तम् ।
अव स्यतं मुञ्चतं किं चिद् एनो
अङ्गेषु बद्धम् उत यदृशत्वि ॥ +++(Bhatt. yad dṛṣatte ॥ with K)+++