०७१

अग्निष् टे विश आ नयाद्
इन्द्रो वायुर् बृहस्पतिः ।
स ते धर्मम् अदीधरद्
धातेव भुवनेभ्यः ॥

बृहस्पते पुरएता विशाम् इह्य्
अग्निः पश्चाद् अभि नुदात्य् आयतीः ।
वायुर् एना दक्षिणतः
पूषोत्तराद् उपानुदात् ॥ (Bhatt. apānudāt+)

आ सहस्री शतरथ
आ रेवान्येतु नो विशम् । (Bhatt. viśan)
एन्द्रो वामेन विश्पतिर् (Bhatt. indro)
आ रूपेण बृहस्पतिः ॥

स्वर्जुष्टः कश्यपस्य
स राष्ट्रे जागरत् स्वे ।
ऋषभः शातमातुरः
श्वेतन्ताद् अविह्रुतो
देवान् यज्ञेन बोधयात् ॥