०६९

जायमानो निर् अरुजत्
सपत्नान् दोधतो ऽभयान् ।
स वै सपत्नानां सभा
अवालप्स्यो अनाशयत् ॥

आराद् अरातिं कृणुते
अशस्तिम् अप बाधते ।
अवालप्स्यः स यो मणिः (Or. avālapsyasya yo)
सहस्वान् अभिमातिहा ॥

चक्षुर् अस्य सूत्रम् आसीत्
तर्द्म श्रोत्रम् उताभरत् ।
अवालप्स्यः स यो मणिः (Or. avālapsyasya yo)
सहस्वान् अभिमातिहा ॥

इमं मणिम् आवालप्स्यं
यस्मिन्न् आरोहयामसि ।
स वै सपत्नान् आ दत्ते
स एनं पातु विश्वतः
स एनं जरसे नयात् ॥