०६२

मुञ्चामि त्वा हविषा जीवनाय कम्
अज्ञातयक्ष्माद् उत राजक्ष्मात् ।
ग्राह्या गृभीतो यद्य् एष एतत्
तत इन्द्राग्नी प्र मुमुक्तम् एनम् ॥

यदि क्षितायुर् यदि वा परेतो
यदि मृत्योर् अन्तिकं नीत एव ।
तम् आ हरामि निरृतेर् उपस्थाद्
अस्पार्षम् एनं शतशारदाय ॥

सहस्राक्षेण शतवीर्येण
शतायुषा हविषाहार्षम् एनम् ।
इन्द्रो यथैनं जरसे नयात्य्
अति विश्वस्य दुरितस्य पारम् ॥

शतं जीव शरदो वर्धमानः
शतं हेमन्ताञ् छतम् उ वसन्तान् । +++(Bhatt. hemantāṃ)+++
शतम् इन्द्राग्नी सविता बृहस्पतिः
शतायुषा हविषाहार्षम् एनम् ॥