००८

अमुष्माद् अधि पर्वताद्
अवत्कम् असि भेषजम् ।
भेषजं सुभेषजं
यत् ते कृणोमि भेषजम् ॥

आद् अङ्गा कुविद् अङ्गा
शतं यद् भेषजानि ते
सहस्रं वा घ यानि ते ।
तेषाम् असि त्वम् उत्तमम्
अनास्रावम् अरोगणम् ॥

अरुस्यानम् इदं महत्
पृथिव्या अध्य् उद्भृतम् ।
तद् आस्रावस्य भेषजं
तद् उ रोगम् अनीनशत् ॥

उपजीका उद् भरन्ति
समुद्राद् अधि भेषजम् ।
अरुस्यानम् अस्य् आथर्वणं
रोगस्थानम् अस्य् आथर्वणम् ॥