मूलम्
सहकार्यन्तरविधिः पक्षेण तृतीयं तद्वतो विध्यादिवत्।
टीका
यज्ञदानादिवन्मौनं विद्यावत्सु विधीयते । प्रकृष्टं मननं शब्दाद्बाल्यपाण्डित्ययोः परम् ॥ [464]
मूलम्
कृत्स्नभावात्तु गृहिणोपसंहारः।
टीका
गृहिणा चोपसंहारः स खल्वेवमिति श्रुतौ । सर्वेषामपि विद्याया(ः) भावात्तेषां च लक्षकः ॥ [465]
मूलम्
मौनवदितरेषामप्युपदेशात्।
टीका
मुनौ भैक्षादिनिर्देशोऽप्यन्येषामुपलक्षकः । यज्ञादीनां च धर्माणाम् उपदेशादिति स्थितम् ॥ [466]