मूलम्
सर्वान्नानुमतिश्च प्राणात्यये तद्दर्शनात्।
टीका
सर्वान्नानुमतिः प्राणविदः प्राणात्यये भवेत् । ब्रह्मविद्यावतां चापि तथैवान्यत्र दर्शनात् ॥ [448]
मूलम्
अबाधाच्च।
टीका
आहारशुद्धाविति च शुद्धाहारविधेर्बलात् । अबाधाय च तस्यापि तत्प्राणात्यय इष्यते ॥ [449]
मूलम्
अपि स्मर्यते।
टीका
प्राणसंशयमापन्नो योन्नमत्ति यतस्ततः । इति स्मृत्यापि तेषां वै परमापदि चोच्यते ॥ [450]
मूलम्
शब्दश्चातोऽकामकारे।
टीका
सुरां तु न पिबेच्चेति शब्दश्चापि निषेधति । कामकारं सुरापानं ततः प्राणात्यये स्मृतम् ॥ [451]