+वेङ्कटार्य-वेदान्त-कारिकावली

वेदान्तार्थनितान्तचिन्तनरताः सन्त्येव सन्तो बुधास्
तेषां तोषकृते कृतेति विवृतिर् वेदान्त-पद्यावलेः ।
अन्ये मत्सरिणो मितं-पच-धियो निन्दन्तु नन्दन्तु वा
नैवातो मनसो मनागपि भवेत् सादः प्रसादोऽथवा ॥

इत्थं श्रीशैल-सच्–चक्र-वर्ति-वंश्यः सतां मतः ।
श्रीकृष्णोऽकृत वेदान्त-कारिकावलि-टिप्पणम् ॥
अनेन भगवान् विश्व-सर्गस्थित्य्-अन्तकर्मठः ।
सर्वकर्म-समाराध्यः प्रीयतां देवनायकः ॥