रामानुजीये विश्वासटिप्पन्यः

विश्वास-प्रस्तुतिः

यति-पति-दिन-चर्यां यश् चकारातिभोग्यां
वर-वर-मुनि-पौत्रस् सौम्य-जामातृ-नामा।
गुरुर् अमल-गुणानां वैष्णवानां मुदे तं
गुरु-जन-वरम् ईडे गोमठाख्यान्ववायम्॥

मूलम्

यतिपतिदिनचर्यां यश्चकारातिभोग्यां
वरवरमुनिपौत्रस्सौम्यजामातृनामा।
गुरुरमलगुणानां वैष्णवानां मुदे तं
गुरुजनवर मीडे गोमठाख्यान्ववायम्॥

विश्वास-प्रस्तुतिः

१. श्रीमद्रङ्गे दिव्यधाम्नि श्रीश्रीकान्तमनोहरे।
वसन्तं गुरुमार्याणां वन्दे रामानुजं मुनिम्॥

मूलम्

विश्वास-प्रस्तुतिः

२. ब्राह्मे मुहूर्तेचोत्थाय ध्यात्वा गुरुपरंपराम्।
रहस्यत्रितयं रम्यं परव्यूहादिकांस्तथा॥

मूलम्

विश्वास-प्रस्तुतिः

३. पञ्चप्रकारांश्च हरे रर्चिरादिगतेः क्रमम्।
ध्यायन्तं कूरनाधाद्यै स्सेव्यमानं गरूत्तमैः॥

मूलम्

विश्वास-प्रस्तुतिः

४. चतुःश्लोकीं स्तोत्ररत्नं स्तोत्रं यामुनवक्तृकम्।
भक्ताङ्घ्रिरेणु श्रीसूक्तीः प्रबोधनपराश्शुभाः॥

मूलम्

विश्वास-प्रस्तुतिः

५. प्राबोधिकीश्च गोदाया स्सूक्ती र्भागवतैस्सह।
अनुसंदधतं सम्यगाश्रये यतिशेखरम्॥

मूलम्

विश्वास-प्रस्तुतिः

६. ततः प्रत्यूषसमये भक्तैश्शिष्यैर्यतीश्वरैः।
श्रीरङ्गधाम नत्वा त-दुदद्भागाश्रितां नदीम्॥

मूलम्

विश्वास-प्रस्तुतिः

७. कावेरीं श्रीमतीं गत्वा श्रीशध्यानपुरस्सरम्।
श्रीपतेराज्ञया सिद्धाः कृत्वा पौर्वाह्णिकीः क्रियाः॥

मूलम्

विश्वास-प्रस्तुतिः

८. समुपेत्य निजंधाम नत्वा स्वाराध्य मच्युतम्।
स्वमतस्थायिन स्सर्वा न्वेदपारायणेतरान्॥

मूलम्

विश्वास-प्रस्तुतिः

९. वेदान्त तर्क मीमांसा व्याख्यातॄ न्वैषणवानपि।
इतिहास पुराणादि पारायणपरानपि॥

मूलम्

विश्वास-प्रस्तुतिः

१०. कर्मयोगादिनिरतान् परव्यूहादिषु स्थितान्।
श्रीमच्छठारिमुख्यानां मुनीनां सूक्तितत्परान्॥

मूलम्

विश्वास-प्रस्तुतिः

११. सर्वानुपेत्य सस्नेहं नन्दयन्तं नमामि तम्।
ततः श्रीरङ्गराज्यस्य सेवार्थं स्वाश्रितैस्सह॥

मूलम्

विश्वास-प्रस्तुतिः

१२. प्रयान्तं मन्त्र रत्नानुसन्धानासक्त चेतसम्।
दक्षिणेन धृतश्रीम त्त्रिदण्डम्पाणिनाऽऽदरात्॥

मूलम्

विश्वास-प्रस्तुतिः

१३. अन्य पाणितल स्पृष्ट कूरनाथ कराम्बुजम्।
प्रदक्षिणीकृत्य शनैः श्रीरङ्गं धाम तन्महत्॥

मूलम्

विश्वास-प्रस्तुतिः

१४. चतुरानननामानं समेत्यानम्य गोपुरम्।
गोदां शठारिं योगीन्द्रं बलिपीठं तथैवच॥

मूलम्

विश्वास-प्रस्तुतिः

१५. प्रदक्षिणक्रमेणैव पाकशालालयां श्रियम्।
श्रीमद्रङ्गावरवरं विमानं रङ्गसंज्ञकम्॥

मूलम्

विश्वास-प्रस्तुतिः

१६. सेनापतिं च निचुलां नायिकां रङ्गिणः पदे।
वासुदेवं द्वारपालौ वैनतेयं प्रणम्य च॥

मूलम्

विश्वास-प्रस्तुतिः

१७. मङ्गलाशासनं कृत्वा तत्रतत्र यथोचितम्।
ऊरीकृत्य च तीर्थाद्यमुल्लसन्तं मुनिं भजे॥

मूलम्

विश्वास-प्रस्तुतिः

१८. छत्रोपलक्षित द्वारं तत श्श्रीमदुपेत्य च।
आद्यमर्चावताराणा माविर्भूतं यदृच्छया॥

मूलम्

विश्वास-प्रस्तुतिः

१९. इक्ष्वाकूणां कुलधन मिष्टदैवं श्रियः पतिम्।
कावेरीपुलिने रम्ये शेषपर्यङ्क शायिनम्॥

मूलम्

विश्वास-प्रस्तुतिः

२०. नाधयामुनपूर्वाणां गुरूणां कुलदैवतम्।
श्रीरङ्गराजं देवेशं दृष्ट्वाचार्य पुरस्सरम्॥

मूलम्

विश्वास-प्रस्तुतिः

२१. साष्टाङ्गं सम्यगानम्य सहशिष्यैश्च भक्तितः।
अन्तः प्रविश्य सामोद-मामोदस्तम्भ मेवच॥

मूलम्

विश्वास-प्रस्तुतिः

२२. श्रीभट्टनाथश्रीसूक्तै र्मङ्गलाशासनात्मकैः।
जितन्तास्तोत्र रत्नाभ्यां भीतिप्रीति पुरस्सरम्॥

मूलम्

विश्वास-प्रस्तुतिः

२३. मङ्गलाशासनं शौरेः कुर्वन्तं गुरुमाश्रये।
ततो विमाने प्रणवाकारे व्यक्ते स्वयंभुवि॥

मूलम्

विश्वास-प्रस्तुतिः

२४. दिव्यसिंहासने रम्ये स्थितं पद्मासनेऽग्रतः।
कस्तूरीतिलका द्रम्या त्कान्तफालतलं हरिम्॥

मूलम्

विश्वास-प्रस्तुतिः

२५. कञ्जाक्षं कान्तवदनं कमनीयाङ्गसुन्दरम्।
पाणिपद्मचतुष्केण स्वाश्रिताभीष्टदायिनम्॥

मूलम्

विश्वास-प्रस्तुतिः

२६. शङ्खचक्रेण दधतं गदामभयमुद्रिकाम्।
आसन्नाभ्यां रमाभूभ्यां पार्श्वयोः पर्युपासितम्॥

मूलम्

विश्वास-प्रस्तुतिः

२७. सर्वावयवसौन्दर्या दभिराम वराभिधाम्।
सम्प्राप्तं भट्टनाधोक्त्या तदा गोदासमर्पणे॥

मूलम्

विश्वास-प्रस्तुतिः

२८. संसेव्यानन्दभरितं संश्रये यतिशेखरम्।
तत श्श्रीरङ्गराज्यस्य श्रीमत श्शेषशायिनः॥

मूलम्

विश्वास-प्रस्तुतिः

२९. पादारविन्दे परमे भक्त्याभीष्टप्रदे शुभे।
सौवर्णकाहलाकारे जङ्घे दिव्ये च जानुनी॥

मूलम्

विश्वास-प्रस्तुतिः

३०. कदलीकाण्डकान्तोरु युगलं चातिसुन्दरम्।
काञ्चनाम्बरखण्डाभ्यां कमनीयकटीतटम्॥

मूलम्

विश्वास-प्रस्तुतिः

३१. दिव्यं सनाभिमध्यञ्च त्रिवल्या शोभितोदरम्।
लक्ष्मीकेलिगृहं रम्यं ललितं कौस्तुभश्रिया॥

मूलम्

विश्वास-प्रस्तुतिः

३२. वक्षस्थलं मनोहारि वैजयन्त्या विभूषितम्।
ग्रैवेयभूषारुचिरं कण्ठं कम्बुसमाकृतिम्॥

मूलम्

विश्वास-प्रस्तुतिः

३३. उपधानीकृतं बाहु मुत्तमाङ्गसमीपतः।
दक्षिणं च तथा जानुविश्रान्तं दक्षिणं भुजम्॥

मूलम्

विश्वास-प्रस्तुतिः

३४. पद्माभिरामवदनं पद्मपत्रेक्षणद्वयम्।
सुभ्रूयुगं सुनासं च सुकपोलतल द्वयम्॥

मूलम्

विश्वास-प्रस्तुतिः

३५. सुन्दरं चुबुकं चापि सुस्मिताधरपल्लवम्।
कान्तकुण्डलसंशोभि कर्णपाशयुगं तथा॥

मूलम्

विश्वास-प्रस्तुतिः

३६. सुललाटं च तत्रोर्ध्वपुण्ड्रं चापि ललाटिकाम्।
सर्वाधिराज्यपिशुनं सर्वदेवनमस्कृतम्॥

मूलम्

विश्वास-प्रस्तुतिः

३७. दिव्यरत्नकिरीटं च दर्शंदर्शं पुनःपुनः।
मुनिवाहनयोगीन्द्र सूक्त्युच्चारणपूर्वकम्॥

मूलम्

विश्वास-प्रस्तुतिः

३८. आपादचूडं संसेव्य सर्वावयवभोग्यताम्।
श्रीरङ्गराजं शरणं प्रार्थयन्तं भजामि तम्॥

मूलम्

विश्वास-प्रस्तुतिः

३९. ततः श्रीरङ्गराजस्य श्रीमतीं धृतशाटिकाम्।
पाद्यतीर्थं प्रसादं च पादुकां मालिकां शुभाम्॥

मूलम्

विश्वास-प्रस्तुतिः

४०. अङ्गीकृत्य कृपामूल मनुज्ञाप्याश्रितैस्सह।
विमानं प्रणवाकारं विधायान्तः प्रदक्षिणम्॥

मूलम्

विश्वास-प्रस्तुतिः

४१. छत्रोपलक्षित द्वारात्प्राग्देशे श्रीशभक्तितः।
स्थित्वा कालं क्षणं देवमनुभूय पुनःपुनः॥

मूलम्

विश्वास-प्रस्तुतिः

४२. द्वारात्तस्मा द्बहिश्चैत्य नत्वा क्षामणपूर्वकम्।
बलिपीठं ततः प्राप्य प्रणमन्तं भजामि तम्॥

मूलम्

विश्वास-प्रस्तुतिः

४३. ततो महामण्टपं तदेत्य श्रीरङ्गशायिनः।
कैंकर्यवर्धकान् भक्तान् किङ्करांश्चानुमान्य च॥

मूलम्

विश्वास-प्रस्तुतिः

४४. श्रीरङ्गशयमुद्वेलं परामृश्यो त्तरोत्तरम्।
कलिजन्निर्मितं सम्यग्धान्यागारञ्च योगिनः॥

मूलम्

विश्वास-प्रस्तुतिः

४५. श्रीगोपुरवरासीन मानम्य नृहरिं ततः।
श्रीरङ्गराजमहिषीं सेव्यां सर्वात्मभिस्सदा॥

मूलम्

विश्वास-प्रस्तुतिः

४६. श्रीशाश्रये च जीवानां प्राप्तां पुरुषकारताम्।
जननीं सर्वलोकानां श्रियं देवीमुपेत्य च॥

मूलम्

विश्वास-प्रस्तुतिः

४७. संसेव्य शिष्यै र्भक्तैश्च मङ्गलाशास्तिपूर्वकम्।
तीर्थादिकं च स्वीकृत्य परिक्रम्य प्रदक्षिणम्॥

मूलम्

विश्वास-प्रस्तुतिः

४८. सहस्रस्तम्भसंयुक्तं नमस्कृत्वा च मण्टपम्।
स्वीयं मठं समासाद्य सच्छिष्यैः प्रेमपूर्वकम्॥

मूलम्

विश्वास-प्रस्तुतिः

४९. व्याख्यानकूटे विमले विद्वज्जन निषेविते।
पद्मासनस्थं पद्माक्षपादाब्ज न्यस्तमासनम्॥

मूलम्

विश्वास-प्रस्तुतिः

५०. प्रसन्नवदनाम्भोजं प्रफुल्लाम्बुज लोचनम्।
ऊर्ध्वपुण्ड्रै र्विराजन्त मुल्लसद्भि र्मनोहरैः॥

मूलम्

विश्वास-प्रस्तुतिः

५१. ब्रह्मसूत्रेण शुभ्रेण शोभितं ब्रह्मतेजसा।
पद्माक्षतुलसीमाला परिष्कृतभुजान्तरम्॥

मूलम्

विश्वास-प्रस्तुतिः

५२. त्रिदण्डमण्डितोरस्कं दिव्यज्ञानामृतोदधिम्।
काषायवस्त्रसंशोभि कटीतटमनोहरम्॥

मूलम्

विश्वास-प्रस्तुतिः

५३. श्रीमद्वैष्णवसिद्धान्त प्रतिष्ठापन देशिकम्।
वेदान्तविद्यां विमलां व्याकुर्वन्तं मृदूक्तिभिः॥

मूलम्

विश्वास-प्रस्तुतिः

५४. शिष्येभ्यो हितकामेभ्यः श्रीशशेषत्वबोधिनीम्।
भक्तै र्भागवतैश्चापि सेव्यमानं यतीश्वरम्॥

मूलम्

विश्वास-प्रस्तुतिः

५५. श्रीभाष्यकारं सेवेऽहं श्रीकान्तानन्दवर्धनम्।
ततः श्रीपादतीर्थै स्स्वैश्शिष्याणां च महात्मनाम्॥

मूलम्

विश्वास-प्रस्तुतिः

५६. सतां सफलयन्तं तं संश्रये यतिशेखरम्।
ततो माध्याह्निकं कृत्य मनुष्ठाय यथाविधि॥

मूलम्

विश्वास-प्रस्तुतिः

५७. स्वीयं कुलधनं श्रीश माराध्य करुणाकरम्।
श्रीमद्रङ्गाधिराजस्य पूजां माध्याह्निकीं शुभाम्॥

मूलम्

विश्वास-प्रस्तुतिः

५८. संजातां भक्तितः कृत्वा भक्तैर्यतिवरैस्सह।
हार्दपूरुषभोग्य ञ्चेत्यनुयागं विधाय च॥

मूलम्

विश्वास-प्रस्तुतिः

५९. प्रसादपात्रं कुर्वाणं भक्तवर्गं यथोचितम्।
प्रपद्ये भक्तवर्गाणां पारिजातं यतीश्वरम्॥

मूलम्

विश्वास-प्रस्तुतिः

६०. ततश्चैकान्त माश्रित्य सन्निविष्टं कृताञ्जलिम्।
श्रीभूपतेश्च चरणौ चिन्तयन्तं भजामि तम्॥

मूलम्

विश्वास-प्रस्तुतिः

६१. तत श्शठारियोगीन्द्र सूक्त्यर्थानुभवै र्मुहुः।
भक्तानां भगवद्भक्तिं वर्धयन्तं नमामि तम्॥

मूलम्

विश्वास-प्रस्तुतिः

६२. तत स्सायन्तनं कर्म कृत्वा श्रीरङ्गशायिनम्।
ध्यात्वा प्रपद्ये देवेश माराध्य स्वीयमच्युतम्॥

मूलम्

विश्वास-प्रस्तुतिः

६३. वेदार्थवाक्यतत्त्वार्थे र्विमलज्ञानसम्पदः।
बोधयन्तं निजान् भक्तान् पुण्यश्लोकं नमामि तम्॥

मूलम्

विश्वास-प्रस्तुतिः

६४. ततः श्रीशेषपर्यङ्के शयानं रङ्गशायिनः।
सर्वोपचारसहितं योगनिद्रात्मकं हरेः॥

मूलम्

विश्वास-प्रस्तुतिः

६५. श्रुत्वा श्रीमति पर्यङ्के सौम्ये कृष्णाजिनात्मिके।
संवाह्यमानचरणं सच्छिष्यैश्च गरूत्तमैः॥

मूलम्

विश्वास-प्रस्तुतिः

६६. पत्युः श्रियः प्रसादेन भगवद्योगमास्थितम्।
भगवत्प्राप्तिघटकं स्वाश्रितानां महात्मनाम्॥

मूलम्

विश्वास-प्रस्तुतिः

६७. श्रीभाष्यकारं यमिनं यतिराजं दयाम्बुधिम्।
प्रपन्नजसकूटस्थं प्रपद्ये भक्तवत्सलम्॥

मूलम्

विश्वास-प्रस्तुतिः

६८. शेषां शेनावतीर्णाय श्रीरामानुजयोगिने।
गुरूणां गुरवे भूया न्नित्यश्री र्नित्यमङ्गलम्॥

मूलम्

विश्वास-प्रस्तुतिः

६९. श्रीमतीं यतिराजस्य दिनचर्यामिमां पठन्।
प्राप्नुया त्परमां भक्तिं भाष्यकारपदाब्जयोः॥

मूलम्

विश्वास-प्रस्तुतिः

७०. श्रीमद्रङ्गे महति नगरे नित्यवासी महात्मा
त्रय्यन्तार्थस्थिति मुपदिश न्भूतले पुण्यकीर्तिः।
श्रीमान्रङ्गेश्वर चरणयो र्मङ्गलानि प्रयुञ्जन्
शेषांशेन प्रथितविभवो भाति रामानुजार्यः॥

मूलम्

इति यतिपतिदिनचर्या

विश्वास-प्रस्तुतिः

१. श्रीरङ्गराजकरुणा परिणामरूपः
श्रीमच्छठारिमुनिराज दयानिधानम्।
जीया दशेषहरिभक्त जनाभिवृद्ध्यै
श्रीरङ्गदिव्यनगरे यतिसार्वभौमः॥

मूलम्

विश्वास-प्रस्तुतिः

२. श्रीरङ्ग शेषगिरिवारण शैलमुख्य-
स्थानेषु सर्वेषु च वैष्णवानाम्।
वासं विधाय कृपया मदनुग्रहार्थं
भाति श्रियः पतिरिव प्रभया यतीन्द्रः॥

मूलम्