०७

यमगीता

श्रीमैत्रेय उवाच

यथावत् कथितं सर्वं
यत् पृष्टोऽसि मया गुरो ।
श्रोतुम् इच्छाम्य् अहं त्व् एकं
तद् भवान‍् प्रब्रवीतु मे ॥ १ ॥

यथावत्कथितं सर्वं यत्पृष्टोऽसि मया गुरो ।
श्रोतुमिच्छाम्यहं त्वेकं तद्भवान‍्प्रब्रवीतु मे ॥ १ ॥

श्रीमैत्रेयजी बोले—हे गुरो! मैंने जो कुछ पूछा था वह सब आपने यथावत् वर्णन किया । अब मैं एक बात और सुनना चाहता हूँ, वह आप मुझसे कहिये ॥ १ ॥

सप्त द्वीपानि पाताल-
विधयश्च महामुने ।
सप्त-लोकाश् च येऽन्तःस्था
ब्रह्माण्डस्यास्य सर्वतः ॥ २ ॥
स्थूलैः सूक्ष्मैस् तथा सूक्ष्म-
सूक्ष्मात् सूक्ष्मतरैस् तथा ।
स्थूलात् स्थूलतरैश् चैव
सर्वं प्राणिभिर् आवृतम् ॥ ३ ॥

सप्त द्वीपानि पातालविधयश्च महामुने ।
सप्तलोकाश्च येऽन्तःस्था ब्रह्माण्डस्यास्य सर्वतः ॥ २ ॥
स्थूलैः सूक्ष्मैस्तथा सूक्ष्मसूक्ष्मात्सूक्ष्मतरैस्तथा ।
स्थूलात्स्थूलतरैश्चैव सर्वं प्राणिभिरावृतम् ॥ ३ ॥

हे महामुने! सातों द्वीप, सातों पाताल और सातों लोक—ये सभी स्थान जो इस ब्रह्माण्डके अन्तर्गत हैं, स्थूल, सूक्ष्म, सूक्ष्मतर, सूक्ष्मातिसूक्ष्म तथा स्थूल और स्थूलतर जीवोंसे भरे हुए हैं ॥ २-३ ॥

अंगुलस्याष्टभागोऽपि
न सोऽस्ति मुनि-सत्तम ।
न सन्ति प्राणिनो यत्र
कर्म-बन्ध-निबन्धनाः ॥ ४ ॥

अंगुलस्याष्टभागोऽपि न सोऽस्ति मुनिसत्तम ।
न सन्ति प्राणिनो यत्र कर्मबन्धनिबन्धनाः ॥ ४ ॥

हे मुनिसत्तम! एक अंगुलका आठवाँ भाग भी कोई ऐसा स्थान नहीं है जहाँ कर्म-बन्धनसे बँधे हुए जीव न रहते हों ॥ ४ ॥

सर्वे चैते वशं यान्ति
यमस्य भगवन् किल ।
आयुषोऽन्ते तथा यान्ति
यातनास् तत्-प्रचोदिताः ॥ ५ ॥

सर्वे चैते वशं यान्ति यमस्य भगवन् किल ।
आयुषोऽन्ते तथा यान्ति यातनास्तत्प्रचोदिताः ॥ ५ ॥

किंतु हे भगवन्! आयुके समाप्त होनेपर ये सभी यमराजके वशीभूत हो जाते हैं और उन्हींके आदेशानुसार नरक आदि नाना प्रकारकी यातनाएँ भोगते हैं ॥ ५ ॥

यातनाभ्यः परिभ्रष्टा
देवाद्यास्व् अथ योनिषु ।
जन्तवः परिवर्तन्ते
शास्त्राणाम् एष निर्णयः ॥ ६ ॥

यातनाभ्यः परिभ्रष्टा देवाद्यास्वथ योनिषु ।
जन्तवः परिवर्तन्ते शास्त्राणामेष निर्णयः ॥ ६ ॥

तदनन्तर पाप-भोगके समाप्त होनेपर वे देवादि योनियोंमें घूमते रहते हैं—सकल शास्त्रोंका ऐसा ही मत है ॥ ६ ॥

सोऽहम् इच्छामि तच् छ्रोतुं
यमस्य वश-वर्त्तिनः ।
न भवन्ति नरा येन
तत् कर्म कथयस्व मे ॥ ७ ॥

सोऽहमिच्छामि तच्छ्रोतुं यमस्य वशवर्त्तिनः ।
न भवन्ति नरा येन तत्कर्म कथयस्व मे ॥ ७ ॥

अतः आप मुझे वह कर्म बताइये जिसे करनेसे मनुष्य यमराजके वशीभूत नहीं होता; मैं आपसे यही सुनना चाहता हूँ ॥ ७ ॥

श्रीपराशर उवाच

अयम् एव मुने प्रश्नो
नकुलेन महात्मना ।
पृष्टः पितामहः प्राह
भीष्मो यत् तच् छृणुष्व मे ॥ ८ ॥

अयमेव मुने प्रश्नो नकुलेन महात्मना ।
पृष्टः पितामहः प्राह भीष्मो यत्तच्छृणुष्व मे ॥ ८ ॥

श्रीपराशरजी बोले—हे मुने! यही प्रश्न महात्मा नकुलने पितामह भीष्मसे पूछा था । उसके उत्तरमें उन्होंने जो कुछ कहा था वह सुनो ॥ ८ ॥

भीष्म उवाच

पुरा ममागतो वत्स
सखा कालिङ्गको द्विजः ।
स माम् उवाच पृष्टो वै
मया जाति-स्मरो मुनिः ॥ ९ ॥

पुरा ममागतो वत्स सखा कालिङ्गको द्विजः ।
स मामुवाच पृष्टो वै मया जातिस्मरो मुनिः ॥ ९ ॥

भीष्मजीने कहा—हे वत्स! पूर्वकालमें मेरे पास एक कलिंगदेशीय ब्राह्मण-मित्र आया

तेनाख्यातम् इदं सर्वम्
इत्थं चैतद् भविष्यति ।
तथा च तद् अभूद् वत्स
यथोक्तं तेन धीमता ॥ १० ॥

और मुझसे बोला—‘मेरे पूछनेपर एक जातिस्मर मुनिने बतलाया था कि ये सब बातें अमुक-अमुक प्रकार ही होंगी ।’ हे वत्स! उस बुद्धिमान‍्ने जो-जो बातें जिस-जिस प्रकार होनेको कही थीं वे सब ज्यों-की-त्यों हुईं ॥ ९-१० ॥

तेनाख्यातमिदं सर्वमित्थं चैतद्भविष्यति ।
तथा च तदभूद्वत्स यथोक्तं तेन धीमता ॥ १० ॥

स पृष्टश् च मया भूयः
श्रद्दधानेन वै द्विजः ।
यद् यद् आह न तद् दृष्टम्
अन्यथा हि मया क्वचित् ॥ ११ ॥

स पृष्टश्च मया भूयः श्रद्दधानेन वै द्विजः ।
यद्यदाह न तद्दृष्टमन्यथा हि मया क्वचित् ॥ ११ ॥

इस प्रकार उसमें श्रद्धा हो जानेसे मैंने उससे फिर कुछ और भी प्रश्न किये और उनके उत्तरमें उस द्विजश्रेष्ठने जो-जो बातें बतलायीं उनके विपरीत मैंने कभी कुछ नहीं देखा ॥ ११ ॥

एकदा तु मया पृष्टम्
एतद् यद् भवतोदितम् ।
प्राह कालिङ्गको विप्रस्
स्मृत्वा, तस्य मुनेर् वचः ॥ १२ ॥
जातिस्मरेण कथितो
रहस्यः परमो मम ।
यम-किङ्करयोर् योऽभूत्
संवादस् तं ब्रवीमि ते ॥ १३ ॥

एकदा तु मया पृष्टमेतद्यद्भवतोदितम् ।
प्राह कालिङ्गको विप्रस्स्मृत्वा तस्य मुनेर्वचः ॥ १२ ॥
जातिस्मरेण कथितो रहस्यः परमो मम ।
यमकिङ्करयोर्योऽभूत्संवादस्तं ब्रवीमि ते ॥ १३ ॥

एक दिन, जो बात तुम मुझसे पूछते हो वही मैंने उस कालिंग ब्राह्मणसे पूछी । उस समय उसने उस मुनिके वचनोंको याद करके कहा कि उस जातिस्मर ब्राह्मणने, यम और उनके दूतोंके बीचमें जो संवाद हुआ था, वह अति गूढ़रहस्य मुझे सुनाया था । वही मैं तुमसे कहता हूँ ॥ १२-१३ ॥

कालिङ्ग उवाच

स्व-पुरुषम् अभिवीक्ष्य पाश-हस्तं
वदति यमः किल तस्य कर्णमूले ।
परिहर मधु-सूदन-प्रपन्नान्
प्रभुर् अहम् अन्य-नृणाम् अवैष्णवानाम् ॥ १४ ॥+++(5)+++

स्वपुरुषमभिवीक्ष्य पाशहस्तं
वदति यमः किल तस्य कर्णमूले ।
परिहर मधुसूदनप्रपन्नान्-
प्रभुरहमन्यनृणामवैष्णवानाम् ॥ १४ ॥

कालिंग बोला—अपने अनुचरको हाथमें पाश लिये देखकर यमराजने उसके कानमें कहा—‘भगवान‍् मधुसूदनके शरणागत व्यक्तियोंको छोड़ देना, क्योंकि मैं वैष्णवोंसे अतिरिक्त और सब मनुष्योंका ही स्वामी हूँ ॥ १४ ॥

अहम् अमर-वरार्चितेन धात्रा
यम इति लोक-हिताहिते नियुक्तः ।
हरि+++(→)+++-गुरु-वश-गो ऽस्मि, न स्वतन्त्रः
प्रभवति संयमने ममापि विष्णुः ॥ १५ ॥

अहममरवरार्चितेन धात्रा
यम इति लोकहिताहिते नियुक्तः ।
हरिगुरुवशगोऽस्मि न स्वतन्त्रः
प्रभवति संयमने ममापि विष्णुः ॥ १५ ॥

देव-पूज्य विधाताने मुझे ‘यम’ नामसे लोकोंके पाप-पुण्यका विचार करनेके लिये नियुक्त किया है । मैं अपने गुरु श्रीहरिके वशीभूत हूँ, स्वतन्त्र नहीं हूँ । भगवान‍् विष्णु मेरा भी नियन्त्रण करनेमें समर्थ हैं ॥ १५ ॥

कटक-मुकुट-कर्णिकादि-भेदैः
कनकम् अभेदम् अपीष्यते यथैकम् ।
सुर-पशु-मनुजादि-कल्पनाभिर्
हरिर् अखिलाभिर् उदीर्यते तथैकः ॥ १६ ॥ +++(4)+++

कटकमुकुटकर्णिकादिभेदैः
कनकमभेदमपीष्यते यथैकम् ।
सुरपशुमनुजादिकल्पनाभि-
र्हरिरखिलाभिरुदीर्यते तथैकः ॥ १६ ॥

जिस प्रकार सुवर्ण भेदरहित और एक होकर भी कटक, मुकुट तथा कर्णिका आदिके भेदसे नानारूप प्रतीत होता है उसी प्रकार एक ही हरिका देवता, मनुष्य और पशु आदि नाना-विध कल्पनाओंसे निर्देश किया जाता है ॥ १६ ॥

क्षिति-तल-परमाणवो ऽनिलान्ते
पुनर् उपयान्ति यथैकतां धरित्र्याः ।
सुर-पशु-मनुजादयस् तथा ऽन्ते
गुण-कलुषेण सनातनेन तेन ॥ १७ ॥+++(5)+++

क्षितितलपरमाणवोऽनिलान्ते
पुनरुपयान्ति यथैकतां धरित्र्याः ।
सुरपशुमनुजादयस्तथान्ते
गुणकलुषेण सनातनेन तेन ॥ १७ ॥

जिस प्रकार वायुके शान्त होनेपर उसमें उड़ते हुए परमाणु पृथिवीसे मिलकर एक हो जाते हैं उसी प्रकार गुण-क्षोभसे उत्पन्न हुए समस्त देवता, मनुष्य और पशु आदि [उसका अन्त हो जानेपर] उस सनातन परमात्मामें लीन हो जाते हैं ॥ १७ ॥

हरिम् अमर-वरार्चिताङ्घ्रि-पद्मं
प्रणमति यः परमार्थतो हि मर्त्यः ।
तम् अपगत-समस्त-पाप-बन्धं
व्रज परिहृत्य यथा ऽग्निम् आज्य-सिक्तम् ॥ १८ ॥

हरिममरवरार्चिताङ्घ्रिपद्मं
प्रणमति यः परमार्थतो हि मर्त्यः ।
तमपगतसमस्तपापबन्धं
व्रज परिहृत्य यथाग्निमाज्यसिक्तम् ॥ १८ ॥

जो भगवान‍्के सुरवरवन्दित चरण-कमलोंकी परमार्थ-बुद्धिसे वन्दना करता है, घृताहुतिसे प्रज्वलित अग्निके समान समस्त पाप-बन्धनसे मुक्त हुए उस पुरुषको तुम दूरहीसे छोड़कर निकल जाना’ ॥ १८ ॥

इति यम-वचनं निशम्य पाशी
यम-पुरुषस् तम् उवाच धर्मराजम् ।

कथय मम विभो समस्त-धातुर्
भवति हरेः खलु यादृशोऽस्य भक्तः ॥ १९ ॥

इति यमवचनं निशम्य पाशी
यमपुरुषस्तमुवाच धर्मराजम् ।
कथय मम विभो समस्तधातु-
र्भवति हरेः खलु यादृशोऽस्य भक्तः ॥ १९ ॥

यमराजके ऐसे वचन सुनकर पाशहस्त यमदूतने उनसे पूछा—‘प्रभो! सबके विधाता भगवान‍् हरिका भक्त कैसा होता है, यह आप मुझसे कहिये’ ॥ १९ ॥

यम उवाच

न चलति निज-वर्ण-धर्मतो यः
सम-मतिर् आत्म-सुहृद् विपक्ष-पक्षे ।
न हरति न च हन्ति किञ्चिद्, उच्चैः
सित-मनसं तम् अवेहि विष्णु-भक्तम् ॥ २० ॥

न चलति निजवर्णधर्मतो यः
सममतिरात्मसुहृद्विपक्षपक्षे ।
न हरति न च हन्ति किञ्चिदुच्चैः
सितमनसं तमवेहि विष्णुभक्तम् ॥ २० ॥

यमराज बोले—जो पुरुष अपने वर्ण-धर्मसे विचलित नहीं होता, अपने सुहृद् और विपक्षियोंके प्रति समान भाव रखता है, किसीका द्रव्य हरण नहीं करता तथा किसी जीवकी हिंसा नहीं करता उस अत्यन्त रागादि-शून्य और निर्मलचित्त व्यक्तिको भगवान‍् विष्णुका भक्त जानो ॥ २० ॥

कलि-कलुष-मलेन यस्य नात्मा
विमल-मतेर् मलिनी-कृतस् तम् एनम् ।
मनसि कृत-जनार्दनं मनुष्यं
सततम् अवेहि हरेर् अतीव-भक्तम् ॥ २१ ॥

कलिकलुषमलेन यस्य नात्मा
विमलमतेर्मलिनीकृतस्तमेनम् ।
मनसि कृतजनार्दनं मनुष्यं
सततमवेहि हरेरतीवभक्तम् ॥ २१ ॥

जिस निर्मलमतिका चित्त कलि-कल्मषरूप मलसे मलिन नहीं हुआ और जिसने अपने हृदयमें श्रीजनार्दनको बसाया हुआ है उस मनुष्यको भगवान‍्का अतीव भक्त समझो ॥ २१ ॥

कनकम् अपि रहस्य् अवेक्ष्य बुद्ध्या
तृणम् इव यस् समवैति वै परस्वम् ।
भवति च भगवत्य् अनन्य-चेताः
पुरुष-वरं तम् अवेहि विष्णु-भक्तम् ॥ २२ ॥

कनकमपि रहस्यवेक्ष्य बुद्ध्या
तृणमिव यस्समवैति वै परस्वम् ।
भवति च भगवत्यनन्यचेताः
पुरुषवरं तमवेहि विष्णुभक्तम् ॥ २२ ॥

जो एकान्तमें पड़े हुए दूसरेके सोनेको देखकर भी उसे अपनी बुद्धिद्वारा तृणके समान समझता है और निरन्तर भगवान‍्का अनन्यभावसे चिन्तन करता है उस नरश्रेष्ठको विष्णुका भक्त जानो ॥ २२ ॥

स्फटिक-गिरि-शिलामलः क्व विष्णुर्
मनसि नृणां क्व च मत्सरादि-दोषः ।
न हि तुहिन-मयूख-रश्मि-पुञ्जे
भवति हुताशन-दीप्ति-जः प्रतापः ॥ ३,७.२३ ॥

स्फटिकगिरिशिलामलः क्व विष्णु-
र्मनसि नृणां क्व च मत्सरादिदोषः ।
न हि तुहिनमयूखरश्मिपुञ्जे
भवति हुताशनदीप्तिजः प्रतापः ॥ २३ ॥

कहाँ तो स्फटिकगिरि-शिलाके समान अति निर्मल भगवान‍् विष्णु और कहाँ मनुष्योंके चित्तमें रहनेवाले राग-द्वेषादि दोष? [इन दोनोंका संयोग किसी प्रकार नहीं हो सकता] हिमकर (चन्द्रमा)- के किरण जालमें अग्नि-तेजकी उष्णता कभी नहीं रह सकती है ॥ २३ ॥

विमल-मतिर् अमत्सरः प्रशान्तः
शुचि-चरितो ऽखिल-सत्त्व-मित्र-भूतः ।
प्रिय-हित-वचनो ऽस्त-मान-मायो
वसति सदा हृदि तस्य वासुदेवः ॥ ३,७.२४ ॥

विमलमतिरमत्सरः प्रशान्त-
श्शुचिचरितोऽखिलसत्त्वमित्रभूतः ।
प्रियहितवचनोऽस्तमानमायो
वसति सदा हृदि तस्य वासुदेवः ॥ २४ ॥

जो व्यक्ति निर्मल-चित्त, मात्सर्यरहित, प्रशान्त, शुद्ध-चरित्र, समस्त जीवोंका सुहृद्, प्रिय और हितवादी तथा अभिमान एवं मायासे रहित होता है उसके हृदयमें भगवान‍् वासुदेव सर्वदा विराजमान रहते हैं ॥ २४ ॥

वसति हृदि सनातने च तस्मिन्
भवति पुमान् जगतोऽस्य सौम्य-रूपः ।
+++(यथा -)+++ क्षिति-रसम् अतिरम्यम् आत्मनोऽन्तः
कथयति चारुतयैव साल-पोतः ॥ ३,७.२५ ॥

वसति हृदि सनातने च तस्मिन्
भवति पुमाञ्जगतोऽस्य सौम्यरूपः ।
क्षितिरसमतिरम्यमात्मनोऽन्तः
कथयति चारुतयैव शालपोतः ॥ २५ ॥

उन सनातन भगवान‍्के हृदयमें विराजमान होनेपर
पुरुष इस जगत‍् में सौम्यमूर्ति हो जाता है,
जिस प्रकार नवीन शालवृक्ष अपने सौन्दर्यसे ही भीतर भरे हुए अति सुन्दर पार्थिव रसको बतला देता है ॥ २५ ॥

यम-नियम-विधूत-कल्मषाणाम्
अनुदिनम् अच्युत-सक्त-मानसानाम् ।
अपगत-मद-मान-मत्सराणां
त्यज भट दूर-तरेण मानवानाम् ॥ ३,७.२६ ॥

यमनियमविधूतकल्मषाणा-
मनुदिनमच्युतसक्तमानसानाम् ।
अपगतमदमानमत्सराणां
त्यज भट दूरतरेण मानवानाम् ॥ २६ ॥

हे दूत! यम और नियमके द्वारा जिनकी पापराशि दूर हो गयी है, जिनका हृदय निरन्तर श्रीअच्युतमें ही आसक्त रहता है, तथा जिनमें गर्व, अभिमान और मात्सर्यका लेश भी नहीं रहा है; उन मनुष्योंको तुम दूरहीसे त्याग देना ॥ २६ ॥

हृदि यदि भगवान् अनादिर् आस्ते
हरिर् असि-शङ्ख-गदा-धरो ऽव्ययात्मा ।
तद् अघ-विघात-कर्तृ-भिन्नं
भवति कथं, सति चान्धकारम् अर्के +++(यथा)+++ ॥ ३,७.२७ ॥ +++(5)+++

हृदि यदि भगवाननादिरास्ते
हरिरसिशङ्खगदाधरोऽव्ययात्मा ।
तदघमघविघातकर्त्तृभिन्नं
भवति कथं सति चान्धकारमर्के ॥ २७ ॥

यदि खड्ग, शंख और गदाधारी अव्ययात्मा भगवान‍् हरि हृदयमें विराजमान हैं तो उन पापनाशक भगवान‍्के द्वारा उसके सभी पाप नष्ट हो जाते हैं । सूर्यके रहते हुए भला अन्धकार कैसे ठहर सकता है? ॥ २७ ॥

हरति पर-धनं, निहन्ति जन्तून्,
वदति तथा ऽनृत-निष्ठुराणि यश् च ।
अ-शुभ-जनित-दुर्मदस्य पुंसः
कलुष-मतेर् हृदि तस्य नास्त्य् अनन्तः ॥ २८ ॥

हरति परधनं निहन्ति जन्तून्
वदति तथाऽनृतनिष्ठुराणियश्च ।
अशुभजनितदुर्मदस्य पुंसः
कलुषमतेर्हृदि तस्य नास्त्यनन्तः ॥ २८ ॥

जो पुरुष दूसरोंका धनहरण करता है, जीवोंकी हिंसा करता है, तथा मिथ्या और कटुभाषण करता है उस अशुभकर्मोन्मत्त दुष्टबुद्धिके हृदयमें भगवान‍् अनन्त नहीं टिक सकते ॥ २८ ॥

न सहति पर-सम्पदं विनिन्दां,
कलुष-मतिः कुरुते सताम् अ-साधुः ।
न यजति, न ददाति यश् च सन्तं
मनसि न तस्य जनार्दनो ऽधमस्य ॥ २९ ॥

न सहति परसम्पदं विनिन्दां
कलुषमतिः कुरुते सतामसाधुः ।
न यजति न ददाति यश्च सन्तं
मनसि न तस्य जनार्दनोऽधमस्य ॥ २९ ॥

जो कुमति दूसरोंके वैभवको नहीं देख सकता, जो दूसरोंकी निन्दा करता है, साधुजनोंका अपकार करता है तथा [सम्पन्न होकर भी] न तो श्रीविष्णु भगवान‍्की पूजा ही करता है और न [उनके भक्तोंको] दान ही देता है; उस अधमके हृदयमें श्रीजनार्दनका निवास कभी नहीं हो सकता ॥ २९ ॥

परम-सुहृदि बान्धवे कलत्रे
सुत-तनया-पितृ-मातृ-भृत्य-वर्गे ।
शठ-मतिर् उपयाति योऽर्थ-तृष्णां
तम् अधम-चेष्टम् अवेहि, नास्य भक्तम् ॥ ३,७.३० ॥

परमसुहृदि बान्धवे कलत्रे
सुततनयापितृमातृभृत्यवर्गे ।
शठमतिरुपयाति योऽर्थतृष्णां
तमधमचेष्टमवेहि नास्य भक्तम् ॥ ३० ॥

जो दुष्टबुद्धि अपने परम सुहृद्, बन्धु-बान्धव, स्त्री, पुत्र, कन्या, पिता तथा भृत्यवर्गके प्रति अर्थतृष्णा प्रकट करता है उस पापाचारीको भगवान‍्का भक्त मत समझो ॥ ३० ॥

अ-शुभ-मतिर् असत्-प्रवृत्ति-सक्तः
सततम् अनार्य-कुशील-सङ्ग-मत्तः ।
अनुदिन-कृत-पाप-बन्ध-युक्तः
परुष-पशुर् न हि वासुदेव-भक्तः ॥ ३,७.३१ ॥

अशुभमतिरसत्प्रवृत्तिसक्त-
स्सततमनार्यकुशीलसंगमत्तः ।
अनुदिनकृतपापबन्धयुक्तः
पुरुषपशुर्न हि वासुदेवभक्तः ॥ ३१ ॥

जो दुर्बुद्धि पुरुष असत्कर्मोंमें लगा रहता है, नीच पुरुषोंके आचार और उन्हींके संगमें उन्मत्त रहता है तथा नित्यप्रति पापमय कर्मबन्धनसे ही बँधता जाता है वह मनुष्यरूप पशु ही है; वह भगवान‍् वासुदेवका भक्त नहीं हो सकता ॥ ३१ ॥

सकलम् इदम् अहं च वासुदेवः
परम-पुमान् परमेश्वरः स एकः ।
इति मतिर् अचला भवत्य् अनन्ते
हृदय-गते, व्रज तान् विहाय दूरात् ॥ ३,७.३२ ॥

सकलमिदमहं च वासुदेवः
परमपुमान्परमेश्वरस्स एकः ।
इति मतिरचला भवत्यनन्ते
हृदयगते व्रज तान्विहाय दूरात् ॥ ३२ ॥

यह सकल प्रपंच और मैं एक परमपुरुष परमेश्वर वासुदेव ही हैं, हृदयमें भगवान‍् अनन्तके स्थित होनेसे जिनकी ऐसी स्थिर बुद्धि हो गयी हो, उन्हें तुम दूरहीसे छोड़कर चले जाना ॥ ३२ ॥

कमल-नयन वासुदेव विष्णो
धरणि-धराच्युत शङ्ख-चक्र-पाणे ।
भव शरणम् इति ईरयन्ति ये वै
त्यज भट दूरतरेण तान् अपापान् ॥ ३,७.३३ ॥

कमलनयन वासुदेव विष्णो
धरणिधराच्युत शङ्खचक्रपाणे ।
भव शरणमितीरयन्ति ये वै
त्यज भट दूरतरेण तानपापान् ॥ ३३ ॥

‘हे कमलनयन! हे वासुदेव! हे विष्णो! हे धरणिधर! हे अच्युत! हे शंख-चक्र-पाणे! आप हमें शरण दीजिये’—जो लोग इस प्रकार पुकारते हों उन निष्पाप व्यक्तियोंको तुम दूरसे ही त्याग देना ॥ ३३ ॥

वसति मनसि यस्य सोऽव्ययात्मा
पुरुष-वरस्य न तस्य दृष्टि-पाते ।
तव गतिर् अथ वा ममास्ति चक्र-
प्रतिहत-वीर्य-बलस्य, सोऽन्य-लोक्यः ॥ ३,७.३४ ॥

वसति मनसि यस्य सोऽव्ययात्मा
पुरुषवरस्य न तस्य दृष्टिपाते ।
तव गतिरथ वा ममास्ति चक्र-
प्रतिहतवीर्यबलस्य सोऽन्यलोक्यः ॥ ३४ ॥

जिस पुरुषश्रेष्ठके अन्तःकरणमें वे अव्ययात्मा भगवान‍् विराजते हैं, उसका जहाँतक दृष्टिपात होता है वहाँतक भगवान‍्के चक्रके प्रभावसे अपने बल-वीर्य नष्ट हो जानेके कारण तुम्हारी अथवा मेरी गति नहीं हो सकती । वह (महापुरुष) तो अन्य (वैकुण्ठादि) लोकोंका पात्र है ॥ ३४ ॥

कालिङ्ग उवाच

इति निज-भट-शासनाय देवो
रवि-तनयस्य किलाह धर्म-राजः ।

मम कथितम् इदं च तेन, तुभ्यं
कुरु-वर सम्यग् इदं मयापि चोक्तम् ॥ ३,७.३५ ॥

इति निजभटशासनाय देवो
रवितनयस्स किलाह धर्मराजः ।
मम कथितमिदं च तेन तुभ्यं
कुरुवर सम्यगिदं मयापि चोक्तम् ॥ ३५ ॥

कालिंग बोला—हे कुरुवर! अपने दूतको शिक्षा देनेके लिये सूर्यपुत्र धर्मराजने उससे इस प्रकार कहा । मुझसे यह प्रसंग उस जातिस्मर मुनिने कहा था और मैंने यह सम्पूर्ण कथा तुमको सुना दी है ॥ ३५ ॥

श्रीभीष्म उवाच

नकुलैतन् ममाख्यातं
पूर्वं तेन द्वि-जन्मना ।
कलिङ्ग-देशाद् अभ्येत्य
प्रीतेन सुमहात्मना ॥ ३,७.३६ ॥

नकुलैतन्ममाख्यातं पूर्वं तेन द्विजन्मना ।
कलिङ्गदेशादभ्येत्य प्रीतेन सुमहात्मना ॥ ३६ ॥

श्रीभीष्मजी बोले—हे नकुल! पूर्वकालमें कलिंगदेशसे आये हुए उस महात्मा ब्राह्मणने प्रसन्न होकर मुझे यह सब विषय सुनाया था ॥ ३६ ॥

मयाप्य् एतद् यथा-न्यायं
सम्यग् वत्स तवोदितम् ।
यथा विष्णुम् ऋतेनान्यत्
त्राणं संसार-सागरे ॥ ३,७.३७ ॥

मयाप्येतद्यथान्यायं सम्यग्वत्स तवोदितम् ।
यथा विष्णुमृते नान्यत्त्राणं संसारसागरे ॥ ३७ ॥

हे वत्स! वही सम्पूर्ण वृत्तान्त, जिस प्रकार कि इस संसार-सागरमें एक विष्णु भगवान‍्को छोड़कर जीवका और कोई भी रक्षक नहीं है, मैंने ज्यों-का-त्यों तुम्हें सुना दिया ॥ ३७ ॥

किङ्कराः पाश-दण्डाश् च
न यमो न च यातनाः ।
समर्थास् तस्य यस्यात्मा
केशवालम्बनः सदा ॥ ३,७.३८ ॥

किंकराः पाशदण्डाश्च न यमो न च यातनाः ।
समर्थास्तस्य यस्यात्मा केशवालम्बनस्सदा ॥ ३८ ॥

जिसका हृदय निरन्तर भगवत्परायण रहता है उसका यम, यमदूत, यमपाश, यमदण्ड अथवा यम-यातना कुछ भी नहीं बिगाड़ सकते ॥ ३८ ॥

श्रीपराशर उवाच

एतन् मुने समाख्यातं
गीतं वैवस्वतेन यत् ।
त्वत्-प्रश्नानुगतं सम्यक्
किम् अन्यच् छ्रोतुम् इच्छसि ॥ ३,७.३९ ॥

एतन्मुने समाख्यातं गीतं वैवस्वतेन यत् ।
त्वत्प्रश्नानुगतं सम्यक्‍किमन्यच्छ्रोतुमिच्छसि ॥ ३९ ॥

श्रीपराशरजी बोले—हे मुने! तुम्हारे प्रश्नके अनुसार जो कुछ यमने कहा था, वह सब मैंने तुम्हें भली प्रकार सुना दिया, अब और क्या सुनना चाहते हो? ॥ ३९ ॥

इति श्रीविष्णुपुराणे तृतीयेंऽशे सप्तमोऽध्यायः ॥ ७ ॥