पुराणे विश्वासटिप्पन्यः

अथ पञ्चसप्ततितमोऽध्यायः।
शतानीक उवाच।

विश्वास-प्रस्तुतिः

भूयोऽखिलं जगद्धातुर्वासुदेवस्य भार्गव।
सम्यगाराधनायालं क्रियायोगं ब्रवीहि मे ॥१॥

मूलम्

विश्वास-प्रस्तुतिः

यत्फलं केशवस्यार्चां प्रतिष्ठाप्य लभेन्नरः।
यच्च देवकुलं विष्णोः कारयित्वा फलं लभेत् ॥२॥

मूलम्

विश्वास-प्रस्तुतिः

यद्दीपधूपपुष्पाणां गन्धानां च निवेदने।
ध्वजादिदाने यत्पुण्यं यत्पुण्यं गीतवादिते ॥३॥

मूलम्

विश्वास-प्रस्तुतिः

तथा पवित्रपठने जयशब्दाद्युदीरणे।
सम्मार्जनादौ यत्पुण्यं नमस्कारे प्रदक्षिणे ॥४॥

मूलम्

विश्वास-प्रस्तुतिः

शीर्णस्फुटितसंस्कारकरणे चापि यत्फलम्।
तन्मे विस्तरतः सर्वं भगवन्वक्तुमर्हसि ॥५॥

मूलम्

विश्वास-प्रस्तुतिः

यैश्चोपवासैर्भगवान्नरैराराध्यते हरिः।
तेषां फलं च यत्कृत्स्नं तन्ममाचक्ष्व विस्तरात् ॥६॥

मूलम्

शौनक उवाच।

विश्वास-प्रस्तुतिः

सङ्क्षेपात्पूर्वमेवैतद्भवतः कथितं मया।
विस्तरेण महाराज श्रूयतां ब्रुवतो मम ॥७॥

मूलम्

विश्वास-प्रस्तुतिः

अदितिर्नाम देवानां माता परमदुश्चरम्।
तपश्चचार वर्षाणां सहस्रं पृथिवीपते ॥८॥

मूलम्

विश्वास-प्रस्तुतिः

आराधनाय कृष्णस्य वाग्यता वायुभोजना।
दैत्यैर्निराकृतान्दृष्ट्वा तनयान्कुरुनन्दन ॥९॥

मूलम्

वृथापुत्राहमस्मीति निर्वेदात्प्रणता हरिम्।
तुष्टाव वाग्भिरिष्टाभिः परमार्थावबोधिनी।

विश्वास-प्रस्तुतिः

शरण्यं शरणं विष्णुं प्रणता भक्तवत्सलम्।
देवदैत्यनृपश्वापव्योमवाय्वादिरूपिणम् ॥१०॥

मूलम्

अदितिरुवाच।

विश्वास-प्रस्तुतिः

नमः स्मृतार्तिनाशाय नमः पुष्करमालिने।
नमः परमकल्याणकल्याणायादिवेधसे ॥११॥

मूलम्

विश्वास-प्रस्तुतिः

नमः पङ्कजनेत्राय नमः पङ्कजनाभये।
नमः पङ्कजसम्भूतिसम्भवायात्मयोनये ॥१२॥

मूलम्

नमः पङ्कजनेत्राय नमः पङ्कजनाभये।
नमः पङ्कजसम्भूतिसम्भवायात्मयोनये ॥१२॥

विश्वास-प्रस्तुतिः

श्रियः कान्ताय दान्ताय दान्तदृश्याय चक्रिणे।
नमः शङ्खासिहस्ताय नमः कनकरेतसे ॥१३॥

मूलम्

विश्वास-प्रस्तुतिः

तथात्मज्ञानविज्ञानयोगचित्तात्मयोगिने।
निर्गुणाय विशेषाय हरये ब्रह्मरूपिणे ॥१४॥

मूलम्

विश्वास-प्रस्तुतिः

जगत्प्रतिष्ठितं यत्र जगता यो न दृश्यते।
नमः स्थूलातिसूक्ष्माय तस्मै देवाय शङ्खिने ॥१५॥

मूलम्

विश्वास-प्रस्तुतिः

यं न पश्यन्ति पश्यन्तो जगदप्यखिलं नराः।
अपश्यद्भिर्जगद्यच्च दृश्यते स्वहृदि स्थितः ॥१६॥

मूलम्

बहिर्ज्योतिषि लक्ष्यो यो लक्ष्यते ज्योतिषः परः।

विश्वास-प्रस्तुतिः

यस्मिन्नेतद्यतश्चैतद्यश्चैतदखिलं जगत्।
तस्मै समस्तजगतामाधाराय नमो नमः ॥१७॥

मूलम्

विश्वास-प्रस्तुतिः

आद्यः प्रजापतिपतिर्यः पितॄणां परः पतिः।
पतिः सुराणां यस्तस्मै नमः कृष्णाय वेधसे ॥१८॥

मूलम्

विश्वास-प्रस्तुतिः

यः प्रवृत्तैर्निवृत्तैश्च कर्मभिर्विभुरिज्यते।
स्वर्गापवर्गफलदो नमस्तस्मै गदाधृते ॥१९॥

मूलम्

विश्वास-प्रस्तुतिः

यश्चिन्त्यमानो मनसा सद्यः पापं व्यपोहति।
नमस्तस्मै विशुद्धाय परस्मै हरिमेधसे ॥२०॥

मूलम्

विश्वास-प्रस्तुतिः

यं प्रविश्याखिलाधारमीशानमजमव्ययम्।
न पुनर्जन्ममरणे प्राप्नुवन्ति नमामि तम् ॥२१॥

मूलम्

विश्वास-प्रस्तुतिः

यो यज्ञे यज्ञपरमैरिज्यते यज्ञसंस्थितिः।
तं यज्ञपुरुषं विष्णुं नमामि प्रभुमीश्वरम् ॥२२॥

मूलम्

विश्वास-प्रस्तुतिः

गीयते सर्ववेदेषु वेदविद्भिर्विदां गतिः।
यस्तस्मै वेदवेद्याय विष्णवे जिष्णवे नमः ॥२३॥

मूलम्

विश्वास-प्रस्तुतिः

यतो विश्वं समुद्भूतं यस्मिंश्च लयमेष्यति।
विश्वोद्भवप्रतिष्ठाय नमस्तस्मै महात्मने ॥२४॥

मूलम्

विश्वास-प्रस्तुतिः

ब्रह्मादिस्तम्बपर्यन्तं विना येन ततामिमाम्।
मायां नालं समुत्तर्तुं तमुपेन्द्रंनमाम्यहम् ॥२५॥

मूलम्

यमाराध्य विशुद्धेन मनसा कर्मणा गिरा।
हरत्यविद्यामखिलां तमुपेन्द्रंनमाम्यहम्।
विषादतोषरोषाद्यैर्योऽजस्रं सुखदुःखजैः।
नृत्यत्यखिलभूतस्थस्तमुपेन्द्रंनमाम्यहम्।

विश्वास-प्रस्तुतिः

योऽन्नतोयस्वरूपस्थो बिभर्त्यखिलमीश्वरः।
विश्वं विश्वपतिं विष्णुं तं नमामि प्रजापतिम् ॥२६॥

मूलम्

विश्वास-प्रस्तुतिः

मूर्तं तमोऽसुरमयं तद्वधाद्विनिहन्ति यः।
रात्रिजं सूर्यरूपी च तमुपेन्द्रंनमाम्यहम् ॥२७॥

मूलम्

विश्वास-प्रस्तुतिः

कपिलादिस्वरूपस्थो यश्चाज्ञानमयं तमः।
हन्ति ज्ञानप्रदानेन तमुपेन्द्रंनमाम्यहम् ॥२८॥

मूलम्

विश्वास-प्रस्तुतिः

यस्याक्षिणी चन्द्रसूर्यौ सर्वलोकशुभाशुभम्।
पश्येते कर्म सततं तमुपेन्द्रंनमाम्यहम् ॥२९॥

मूलम्

विश्वास-प्रस्तुतिः

यस्मिन्सर्वेश्वरे सर्वं सत्यमेतन्मयोदितम्।
नानृतं तमजं विष्णुं नमामि प्रभवाव्ययम् ॥३०॥

मूलम्

विश्वास-प्रस्तुतिः

यथैतत्सत्यमुक्तं मे भूयश्चातो जनार्दनः।
सत्येन तेन सकलाः पूर्यन्तां मे मनोरथाः ॥३१॥

मूलम्

शौनक उवाच।

विश्वास-प्रस्तुतिः

एवं स्तुतोऽथ भगवान्वासुदेव उवाच ताम्।
अदृश्यः सर्वभूतानां तस्याः सन्दर्शने स्थितः ॥३२॥

मूलम्

भगवानुवाच।

विश्वास-प्रस्तुतिः

मनोरथांस्त्वमदिते यानिच्छस्यभिपूरितान्।
तांस्तान्प्राप्स्यसि धर्मज्ञे मत्प्रसादादसंशयम् ॥३३॥

मूलम्

शृणुष्व च महाभागे वरं यस्ते हृदि स्थितः।

विश्वास-प्रस्तुतिः

तं प्रयच्छामि नियतं मात्र कार्या विचारणा।
मद्दर्शनं हि विफलं न कदाचिद्भविष्यति ॥३४॥

मूलम्

अदितिरुवाच।

विश्वास-प्रस्तुतिः

यदि देव प्रसन्नस्त्वं भक्ताया भक्तवत्सल।
त्रैलोक्याधिपतिः पुत्रस्तदस्तु मम वासवः ॥३५॥

मूलम्

विश्वास-प्रस्तुतिः

हृतराज्यो हृतश्चास्य यज्ञभागो महासुरैः।
त्वयि प्रसन्ने वरद तं प्राप्नोतु सुतो मम ॥३६॥

मूलम्

विश्वास-प्रस्तुतिः

हृतं राज्यं न दुःखाय मम पुत्रस्य केशव।
सपत्नादायतिभ्रंशो बाधां नः कुरुते हृदि ॥३७॥

मूलम्

भगवानुवाच।

विश्वास-प्रस्तुतिः

कृतः प्रसादो हि मया तव देवि यथेप्सितः।
स्वांशेन चैव ते गर्भे सम्भविष्यामि कश्यपात् ॥३८॥

मूलम्

विश्वास-प्रस्तुतिः

तव गर्भसमुद्भूतः सुतस्ते ये सुरारयः।
तानहं निहनिष्यामि निर्वृता भव नन्दिनि ॥३९॥

मूलम्

अदितिरुवाच।

विश्वास-प्रस्तुतिः

प्रसीद देवदेवेश नमस्ते विश्वभावन।
नाहं त्वामुदरेणेश वोढुं शक्ष्यामि केशव ॥४०॥

मूलम्

विश्वास-प्रस्तुतिः

यस्मिन्प्रतिष्ठितं विश्वं यो विश्वं स्वयमीश्वर।
तदहं नोदरेण त्वां वोढुं शक्ष्यामि दुर्धरम् ॥४१॥

मूलम्

भगवानुवाच।

विश्वास-प्रस्तुतिः

सत्यमात्थ महाभागे मयि सर्वमिदं जगत्।
प्रतिष्ठितं न मां शक्ता वोढुं सेन्द्रादिवौकसः ॥४२॥

मूलम्

किन्त्वहं सकलांल्लोकान्सदेवासुरमानुषान्।

विश्वास-प्रस्तुतिः

जङ्गमाजङ्गमं सर्वं त्वां च देवि सकाश्यपाम्।
धारयिष्यामि भद्रंते तव गर्भशयोऽदिते ॥४३॥

मूलम्

विश्वास-प्रस्तुतिः

न ते ग्लानिर्न ते खेदो गर्भस्थे भविता मयि।
दाक्षायणि प्रसादं ते करोम्यन्यैः सुदुर्लभम् ॥४४॥

मूलम्

विश्वास-प्रस्तुतिः

गर्भस्थे मयि पुत्राणां तव योऽरिर्भविष्यति।
तेजसस्तस्य हानिं च करिष्ये मा व्यथां कृताः ॥४५॥

मूलम्

शौनक उवाच।

विश्वास-प्रस्तुतिः

एवमुक्त्वा ततः सद्यो गतोऽन्तर्धानमीश्वरः।
सापि कालेन तं गर्भमवाप कुरुसत्तम ॥४६॥

मूलम्

विश्वास-प्रस्तुतिः

गर्भस्थिते ततः कृष्णे चचाल सकला क्षितिः।
चकम्पिरे महाशैला जग्मुः क्षोभमथाब्धयः ॥४७॥

मूलम्

विश्वास-प्रस्तुतिः

यतो यतोऽदितिर्यान्ती ददाति ललितं पदम्।
ततस्ततः क्षितिः खेदान्ननाम वसुधाधिप ॥४८॥

मूलम्

विश्वास-प्रस्तुतिः

दैत्यानामपि सर्वेषां गर्भस्थे मधुसूदने।
बभूव तेजसो हानिर्यथोक्तं परमेष्ठिना ॥४९॥

मूलम्

इति विष्णुधर्मेष्वदितिस्तवः।