पुराणे विश्वासटिप्पन्यः

अथ त्रिपञ्चाशोऽध्यायः।
भगवानुवाच।

विश्वास-प्रस्तुतिः

दानं देवाः प्रशंसन्ति इति धर्मविदो विदुः।
नानादानविधिं तस्माच्छृणुष्व सुसमाहितः ॥१॥

मूलम्

विश्वास-प्रस्तुतिः

हिरण्यदानं गोदानं पृथिवीदानमेव च।
एतानि वै पवित्राणि तारयन्ति परत्र च ॥२॥

मूलम्

हिरण्यदानं गोदानं पृथिवीदानमेव च।
एतानि वै पवित्राणि तारयन्ति परत्र च ॥२॥

विश्वास-प्रस्तुतिः

यद्यदिष्टतमं लोके यच्चास्ति दयितं गृहे।
तत्तद्गुणवते देयं तदेवाक्षयमिच्छता ॥३॥

मूलम्

विश्वास-प्रस्तुतिः

सुवर्णदानं गोदानं पृथिवीदानमेव च।
एतत्प्रयच्छमानो वै सर्वपाऐः प्रमुच्यते ॥४॥

मूलम्

विश्वास-प्रस्तुतिः

यद्ददासि विशिष्टेभ्यो यच्चाश्नासि दिने दिने।
तत्ते वित्तमहं मन्ये शेषं कस्यापि रक्षसि ॥५॥

मूलम्

विश्वास-प्रस्तुतिः

तुल्यनामानि शस्तानि त्रीणि तुल्यफलानि च।
नित्यं देयानि राजेन्द्रगावः पृथ्वी सरस्वती ॥६॥

मूलम्

विश्वास-प्रस्तुतिः

तद्वज्जलममित्रघ्न तत्तुल्यफलनामतः।
दत्त्वा तृप्तिमवाप्नोति यत्रतत्राभिजायते ॥७॥

मूलम्

विश्वास-प्रस्तुतिः

सङ्कल्पविहितो योऽर्थो ब्राह्मणेभ्यः प्रदीयते।
अर्थिभ्यो ह्यर्थहेतुभ्यो मनस्वी तेन जायते ॥८॥

मूलम्

विश्वास-प्रस्तुतिः

सीदते द्विजमुख्याय योऽर्थिने न प्रयच्छति।
अमर्थे सति दुर्बुद्धिर्नरकायोपपद्यते ॥९॥

मूलम्

धेनवोऽनडुहश्चैव छत्त्रं वस्त्रमुपानहौ।

विश्वास-प्रस्तुतिः

देयानि याचमानेभ्यः पानमन्नं तथैव च।
एवं दानं समुद्दिष्टं व्युष्टिमत्तारकं परम् ॥१०॥

मूलम्

विश्वास-प्रस्तुतिः

एष ते विहितो यज्ञः श्रद्धापूतः सदक्षिणः।
विशिष्टः स च यज्ञेषु ददतामनसूयया ॥११॥

मूलम्

विश्वास-प्रस्तुतिः

दानविद्भिः कृतः पन्था येन यान्ति मनीषिणः।
यैर्दानैस्तर्पयिष्यन्ति श्रद्धापूतैर्द्विजोत्तमान् ॥१२॥

मूलम्

विश्वास-प्रस्तुतिः

यथा हि सुकृते क्षेत्रे फलं विन्दति क्षेत्रिकः।
एवं दत्त्वा ब्राह्मणेभ्यो दाता फलमुपाश्नुते ॥१३॥

मूलम्

विश्वास-प्रस्तुतिः

ब्राह्मणाश्चैव विद्यन्ते सत्यवन्तो बहुश्रुताः।
न ददाति च दानानि मोघं तस्य धनार्जनम् ॥१४॥

मूलम्

विश्वास-प्रस्तुतिः

उत्थायोत्थाय बोद्धव्यं किमद्य सुकृतं मया।
दत्तं वा दापितं वापि वोत्साह्यमपि वा कृतम् ॥१५॥

मूलम्

विश्वास-प्रस्तुतिः

उत्थायोत्थाय दातव्यं ब्राह्मणेभ्यो युधिष्ठिर।
आगमिष्यति यत्पात्रं तत्पात्रं तारयिष्यति ॥१६॥

मूलम्

विश्वास-प्रस्तुतिः

यच्च वेदमयं पात्रं यच्च पात्रं तपोमयम्।
असङ्कीर्णं च यत्पात्रं तत्पात्रं तारयिष्यति ॥१७॥

मूलम्

इति विष्णुधर्मेषु दानप्रशंसा।