पुराणे विश्वासटिप्पन्यः

अथैकोनपञ्चाशोऽध्यायः।
युधिष्ठिर उवाच।

विश्वास-प्रस्तुतिः

कीदृग्विधास्ववस्थासु दत्तं दानं जनार्दन।
इहलोकेष्वनुभवेत्पुरुषस्तद्ब्रवीहि मे ॥१॥

मूलम्

विश्वास-प्रस्तुतिः

गर्भस्थास्याथवा बाल्ये यौवने वार्द्धकेऽपि वा।
अवस्थां कृष्ण कथय परं कौतूहलं हि मे ॥२॥

मूलम्

भगवानुवाच।
वृथाजन्मानि चत्वारि वृथादानानि षोडश।

विश्वास-प्रस्तुतिः

अपुत्राणां वृथा जन्म ये च धर्मबहिष्कृताः।
परपाकं च येऽश्नन्ति परदाररताश्च ये ॥३॥

मूलम्

विश्वास-प्रस्तुतिः

पर्यस्थानं वृथा दानं सदोषं परिकीर्तितम्।
आरूढपतिते चैव अन्यायोपार्जितं च यत् ॥४॥

मूलम्

विश्वास-प्रस्तुतिः

व्यर्थं चाब्राह्मणे दानं पतिते तस्करे तथा।
गुरोश्चाप्रीतिजनके कृतघ्ने ग्रामयाजके ॥५॥

मूलम्

विश्वास-प्रस्तुतिः

ब्रह्मबन्धौ च यद्दत्तं यद्दत्तं वृषलीपतौ।
वेदविक्रयिणे चैव यस्य चोपपतिर्गृहे ॥६॥

मूलम्

विश्वास-प्रस्तुतिः

स्त्रीनिर्जितेषु यद्दत्तं व्यालग्राहे तथैव च।
परिचारके च यद्दत्तं वृथादानानि षोडश ॥७॥

मूलम्

विश्वास-प्रस्तुतिः

तमोवृतस्तु यो दद्याद्भयात्क्रोधात्तथैव च।
वृथा दानं तु तत्सर्वं भुङ्क्ते गर्भस्थ एव तु ॥८॥

मूलम्

विश्वास-प्रस्तुतिः

सेर्ष्यामन्युमनाश्चैव दम्भार्थं चार्थकारणात्।
यो ददाति द्विजातिभ्यः स बालत्वे तदश्नुते ॥९॥

मूलम्

यः शुद्धिः प्रयतो भूत्वा प्रसन्नमानसेन्द्रियः।
प्रददाति द्विजातिभ्यो यौवनस्थस्तदश्नुते।

विश्वास-प्रस्तुतिः

देशे देशे च पात्रे च यो ददाति द्विजातिषु।
मनसा परितुष्टेन यौवनस्थस्तदश्नुते ॥१०॥

मूलम्

विश्वास-प्रस्तुतिः

तस्मात्सर्वास्ववस्थासु सर्वदानानि पार्थिव।
दातव्यानि द्विजातिभ्यः स्वर्गमर्गमभीप्सता ॥११॥

मूलम्

इति विष्णुधर्मेषु वृथादानानि।