पुराणे विश्वासटिप्पन्यः

अथ षट्चत्वारिंशोऽध्यायः।
भगवानुवाच।

विश्वास-प्रस्तुतिः

न तथा हविषो होमैर्न पुष्पैर्नानुलेपनैः।
अग्नौ वा सुहुते राजन्यथा ह्यतिथिपूजने ॥१॥

मूलम्

विश्वास-प्रस्तुतिः

कपिलायां तु दत्तायां यत्फलं ज्येष्ठपुष्करे।
तत्फलं पाण्डवश्रेष्ठ विप्राणां पादशौचने ॥२॥

मूलम्

विश्वास-प्रस्तुतिः

द्विजपादोदकक्लिन्ना यावत्तिष्ठति मेदिनी।
तावत्पुष्करपात्रेषु पिबन्ति पितरो जलम् ॥३॥

मूलम्

देवमाल्यापनयनं द्विजोच्छिष्टापमार्जनम्।

विश्वास-प्रस्तुतिः

श्रान्तसंवाहनं चैव दीनस्य परिपालनम्।
एकैकं पाण्डवश्रेष्ठ गोप्रदानाद्विशिष्यते ॥४॥

मूलम्

विश्वास-प्रस्तुतिः

पादशौचं तथाभ्यङ्गं दीपमन्नं प्रतिश्रयम्।
ददन्ति ये महाराज नोपसर्पन्ति ते यमम् ॥५॥

मूलम्

विश्वास-प्रस्तुतिः

स्वागतेनाग्नयः प्रीता आसनेन शतक्रतुः।
पितरः पादशौचेन अन्नाद्येन प्रजापतिः ॥६॥

मूलम्

अभयस्य प्रदानेन भवेत्प्रीतिर्ममातुला।

विश्वास-प्रस्तुतिः

येषां तडागानि बहूदकानि प्रपाश्च कूपाश्च प्रतिश्रयाश्च।
अन्नप्रदानं मधुरा च वाणी यमस्य ते निर्वचना भवन्ति ॥७॥

मूलम्

सवृषं गोशतं तेन दत्तं भवति शाश्वतम्।

विश्वास-प्रस्तुतिः

पापं कर्म च यत्किञ्चिद्ब्रह्महत्यासमं भवेत्।
शोछयेत्कपिलां दत्त्वा एतद्वै नात्र संशयः ॥९॥

मूलम्

विश्वास-प्रस्तुतिः

प्रासादा यत्र सौवर्णा वसोर्धारा च स्यन्दते।
गन्धर्वाप्सरसो यत्र तत्र गच्छन्ति गोप्रदाः ॥१०॥

मूलम्

विश्वास-प्रस्तुतिः

प्रयच्छते यः कपिलां सवत्सां कांस्योपदोहां कनकाग्रशृङ्गीम्।
यान्यान्हि कामानभिवाञ्छतेऽसौ तांस्तानवाप्नोत्यमलांश्च लोकान् ॥११॥

मूलम्

यावद्वत्सस्य द्वौ पादौ शिरश्चैव प्रदृश्यते।

विश्वास-प्रस्तुतिः

तावद्गौः पृथिवी ज्ञेया यावद्गर्भं न मुञ्चति।
तस्मिन्काले प्रदातव्या विधिना या मयोदिता ॥१२॥

मूलम्

विश्वास-प्रस्तुतिः

अन्तरिक्षगतो वत्सो यावद्योन्यां प्रदृश्यते।
आवद्गौः पृथिवी ज्ञेया यावद्गर्भं न मुञ्चति ॥१३॥

मूलम्

यावन्ति तस्य रोमाणि तावद्वर्षाणि मानवः।

विश्वास-प्रस्तुतिः

हंसयुक्तेन यानेन युक्तेनाप्सरसां गणैः।
गन्धर्वाप्सरसोद्गीतैः स्वर्गलोके महीयते ॥१४॥

मूलम्

विश्वास-प्रस्तुतिः

तिलधेनुं प्रवक्ष्यामि यश्चास्या विधिरुत्तमः।
सुवर्णनाभिं यः कृत्वा सुखूरं कृष्णमार्गणाम् ॥१५॥

मूलम्

विश्वास-प्रस्तुतिः

कुतपप्रस्तरस्थां तु तिलां कृत्वा प्रयत्नतः।
तिलैः प्रस्थादि तां दद्यात्सर्वरत्नैरलङ्कृताम् ॥१६॥

मूलम्

विश्वास-प्रस्तुतिः

ससमुद्रद्रुमा चैव सशैलवनकानना।
चतुरन्ता भवेद्दत्ता पृथिवी नात्र संशयः ॥१७॥

मूलम्

कृष्णाजिने तिलां कृत्वा कृष्णां वा यदि वेतराम्।
राजतेषु तु पात्रेषु कोणेषु मधुसर्पिषी।

विश्वास-प्रस्तुतिः

प्रीयतां धर्मराजेति यद्वा मनसि वर्तते।
यावज्जीवकृतं पापं तेन दानेन पूयते ॥१८॥

मूलम्

इति विष्णुधर्मेषु गोप्रदानमिश्रदानम्।