पुराणे विश्वासटिप्पन्यः

अथ षड्विंशोऽध्यायः।
दाल्भ्य उवाच।

विश्वास-प्रस्तुतिः

अप्राप्तिर्न तथा दुःखमैश्वर्यादेर्द्विजोत्तम।
यथा मनोरथैर्लब्धैर्विच्युतिर्धर्महानिजा ॥१॥

मूलम्

विश्वास-प्रस्तुतिः

ऐश्वर्याद्वित्ततो वापि सन्ततेर्देवलोकतः।
अभीष्टादन्यतो वापि पदाद्येन न विच्युतिम् ॥२॥

मूलम्

विश्वास-प्रस्तुतिः

प्राप्नोति पुरुषो ब्रह्मन्नारी वापुण्यसङ्क्षयात्।
तन्ममाचक्ष्व विप्रर्षे दुःखमेभ्यो हि विच्युतिः ॥३॥

मूलम्

पुलस्त्य उवाच।

विश्वास-प्रस्तुतिः

सत्यमेतन्महाभाग दुःखं प्राप्तस्य सङ्क्षयः।
ऐश्वर्यादथ वित्तस्य बन्धुवर्गसुखस्य वा ॥४॥

मूलम्

विश्वास-प्रस्तुतिः

तदेतच्छ्रूयतां दाल्भ्य यथा नेष्टात्परिच्युतिः।
सर्गादेर्जायते सम्यगुपवासवतां सताम् ॥५॥

मूलम्

विश्वास-प्रस्तुतिः

द्वादशर्क्षाणि विप्रर्षे प्रतिमासं तु यानि वै।
तन्नामान्यच्युतं तेषु सम्यक् सम्पूजयेद्बुधः ॥६॥

मूलम्

विश्वास-प्रस्तुतिः

पुष्पैर्धूपैस्तथाम्भोभिरभीष्टैरपरैस्तथा।
आदितः कृत्तिकां कृत्वा कार्त्तिके मुनिपुङ्गव ॥७॥

मूलम्

विश्वास-प्रस्तुतिः

नैवेद्यं कृसरं पूर्वमन्नं मासचतुष्टयम्।
निवेदयेत्कार्त्तिकादि संयावं च ततः परम् ॥८॥

मूलम्

विश्वास-प्रस्तुतिः

आषाढादौ च देवाय पायसं वै निवेदयेत्।
तेनैवान्नेन विप्रर्षे ब्राह्मणान्भोजयेद्बुधः ॥९॥

मूलम्

विश्वास-प्रस्तुतिः

पञ्चगव्यजलस्नातस्तस्यैव प्राशनाच्छुचिः।
नैवेद्यं स्वयमश्नीयान्नक्तं सम्पूजितेऽच्युते ॥१०॥

मूलम्

एवं संवत्सरस्यान्ते ततः सुप्तोत्थितेऽच्युते।

विश्वास-प्रस्तुतिः

संयक् सम्पूज्य विप्रर्षे तमेव पुरुषोत्तमम्।
प्रणम्य प्रार्थयेद्विद्वाञ्शुचिः स्नातो यथाविधि ॥११॥

मूलम्

विश्वास-प्रस्तुतिः

नमो नमस्तेऽच्युत सङ्क्षयोऽस्तु पापस्य वृद्धिं समुपैतु पुण्यम्।
ऐश्वर्यवित्तादि सदाक्षयं मेऽक्षया च मे सन्ततिरच्युतास्तु ॥१२॥

मूलम्

विश्वास-प्रस्तुतिः

यथाच्युतस्त्वं परतः परस्मात्स ब्रह्मभूतात्परतः परात्मन्।
तथाच्युतं मे कुरु वाञ्छितं यन्मया पदं पापहराप्रमेय ॥१३॥

मूलम्

विश्वास-प्रस्तुतिः

अच्युतानन्त गोविन्द प्रसीद यदभीप्सितम्।
तदक्षयममेयात्मन्कुरुष्व पुरुषोत्तम ॥१४॥

मूलम्

विश्वास-प्रस्तुतिः

एवमन्ते समभ्यर्च्य प्रार्थयित्वा तथाशिषः।
यथावन्मुनिशार्दूल च्युतिं नाप्नोति मानवः ॥१५॥

मूलम्

विश्वास-प्रस्तुतिः

सन्ततेः स्वर्गवित्तादेरैश्वर्यस्य तथा मुने।
यद्वाभिमतमत्यन्तं ततो न च्यवते नरः ॥१६॥

मूलम्

विश्वास-प्रस्तुतिः

तस्मात्सर्वप्रयत्नेन मासनक्षत्रपूजने।
यतेताक्षयकामस्तु सदैव मुनिपुङ्गव ॥१७॥

मूलम्

इति विष्णुधर्मेषु मासर्क्षपूजा।