१०९

अत्र ते कीर्तयिष्यामि कथां पापप्रणाशिनीम्
श्रुत्वा यां प्राप धर्मात्मा शिवभक्तिमनुत्तमाम् ॥ १ ॥

अत्र ते कीर्तयिष्यामि कथां पापप्रणाशिनीम्
श्रुत्वा यां प्राप धर्मात्मा शिवभक्तिमनुत्तमाम् ॥ १ ॥

इक्ष्वाकुर्नाम विप्रेन्द्रो महाविद्यो महामतिः
बहुशास्त्रप्रवीणश्च नीतिशास्त्रविशारदः ॥ २ ॥

इक्ष्वाकुर्नाम विप्रेन्द्रो महाविद्यो महामतिः
बहुशास्त्रप्रवीणश्च नीतिशास्त्रविशारदः ॥ २ ॥

न यष्टा न च दाता च न देवानां च पूजकः
न चाध्यापयिता वेदं न व्याख्याता श्रुतस्य च ॥ ३ ॥

न यष्टा न च दाता च न देवानां च पूजकः
न चाध्यापयिता वेदं न व्याख्याता श्रुतस्य च ॥ ३ ॥

न पुराणेतिहासानां श्रुतीनामागमस्य वा
यत्नाद्भोक्ता तथा देहसंस्कारैकप्रवर्तकः ॥ ४ ॥

न पुराणेतिहासानां श्रुतीनामागमस्य वा
यत्नाद्भोक्ता तथा देहसंस्कारैकप्रवर्तकः ॥ ४ ॥

तादृशस्य द्विजस्याथ समालक्ष्यायुरत्यगात्
लक्षान्तरे तथैकस्मिन्वत्सरे मासि पञ्चमे ॥ ५ ॥

तादृशस्य द्विजस्याथ समालक्ष्यायुरत्यगात्
लक्षान्तरे तथैकस्मिन्वत्सरे मासि पञ्चमे ॥ ५ ॥

तृतीय दिवसे रात्र्यां पुराणं श्रुतवानिदम्
स्वसम्पादितवित्तस्य येन दानं न वै कृतम् ॥ ६ ॥

तृतीय दिवसे रात्र्यां पुराणं श्रुतवानिदम्
स्वसम्पादितवित्तस्य येन दानं न वै कृतम् ॥ ६ ॥

दिनेदिने भुज्यमानं निःसारं स्यात्क्रमेण हि
वर्षाण्येव च तावन्ति नरके पच्यते ध्रुवम् ॥ ७ ॥

दिनेदिने भुज्यमानं निःसारं स्यात्क्रमेण हि
वर्षाण्येव च तावन्ति नरके पच्यते ध्रुवम् ॥ ७ ॥

कृमियोनिसहस्रं च अनुभूय ततः परम्
दरिद्रो व्याधितोऽबन्धुर्दुष्टभार्यो बहुप्रजः ॥ ८ ॥

कृमियोनिसहस्रं च अनुभूय ततः परम्
दरिद्रो व्याधितोऽबन्धुर्दुष्टभार्यो बहुप्रजः ॥ ८ ॥

दिनेदिने भिक्षितेन याचितेन च जीवनम्
यन्न क्वापि च बीजानां मग्नानामथ मार्गणात् ॥ ९ ॥

दिनेदिने भिक्षितेन याचितेन च जीवनम्
यन्न क्वापि च बीजानां मग्नानामथ मार्गणात् ॥ ९ ॥

लब्धेनजीवनं कर्म भृत्यानामथ जीवनम्
मध्ये श्रोत्रविहीनश्च नेत्रहीनः स्खलन्मलः ॥ १० ॥

लब्धेनजीवनं कर्म भृत्यानामथ जीवनम्
मध्ये श्रोत्रविहीनश्च नेत्रहीनः स्खलन्मलः ॥ १० ॥

एवं पुराणं श्रुत्वा साविक्ष्वाकुर्भृशदुःखितः
मनसा चिन्तयच्चेदं स्मारं स्मारं द्विजाधमः ॥ ११ ॥

एवं पुराणं श्रुत्वा साविक्ष्वाकुर्भृशदुःखितः
मनसा चिन्तयच्चेदं स्मारं स्मारं द्विजाधमः ॥ ११ ॥

रूपपुष्पैर्माहिष्मयी दुर्गापि फलवर्जिता
तथा पुराणरहिता विद्या नो गतिदर्शनी ॥ १२ ॥

रूपपुष्पैर्माहिष्मयी दुर्गापि फलवर्जिता
तथा पुराणरहिता विद्या नो गतिदर्शनी ॥ १२ ॥

बहुशास्त्रं समभ्यस्य बहुवेदान्सविस्तरान्
पुंसोश्रुतपुराणस्य सम्यग्याति न दर्शनम् ॥ १३ ॥

बहुशास्त्रं समभ्यस्य बहुवेदान्सविस्तरान्
पुंसोश्रुतपुराणस्य सम्यग्याति न दर्शनम् ॥ १३ ॥

शम्भुरुवाच-
एवं चिन्तयतस्तस्य अकालमरणं त्वभूत्
यमलोकं गतश्चाथ यमेन परिभाषितः ॥ १४ ॥

शम्भुरुवाच-
एवं चिन्तयतस्तस्य अकालमरणं त्वभूत्
यमलोकं गतश्चाथ यमेन परिभाषितः ॥ १४ ॥

यम उवाच-
अनेकपापयुक्तोसि पुण्यं नैव महत्तव
न वेदाध्यापनात्प्राप्तं पापं च विदितं तव ॥ १५ ॥

यम उवाच-
अनेकपापयुक्तोसि पुण्यं नैव महत्तव
न वेदाध्यापनात्प्राप्तं पापं च विदितं तव ॥ १५ ॥

कोटिवर्षाणि नरके तवस्थितिरिति द्विज
आयुरस्ति तवात्यल्पं गम्यतां पौर्विकीं तनुम् ॥ १६ ॥

कोटिवर्षाणि नरके तवस्थितिरिति द्विज
आयुरस्ति तवात्यल्पं गम्यतां पौर्विकीं तनुम् ॥ १६ ॥

कुरु पुण्यं हितं दानं देवतापूजनं जपम्
साङ्गमध्यापनं विप्र भोजनं भस्मधारणम् ॥ १७ ॥

कुरु पुण्यं हितं दानं देवतापूजनं जपम्
साङ्गमध्यापनं विप्र भोजनं भस्मधारणम् ॥ १७ ॥

भज विश्वेश्वरं देवं देवदेवमुमापतिम्
तस्य प्रयत्नमात्रेण मम लोकं न गच्छसि ॥ १८ ॥

भज विश्वेश्वरं देवं देवदेवमुमापतिम्
तस्य प्रयत्नमात्रेण मम लोकं न गच्छसि ॥ १८ ॥

यत्किञ्चित्प्रत्यहं पापिन्पुराणं शृणु सादरम्
ततस्तच्छ्रवणादेव नेक्षसे मम यातनाः ॥ १९ ॥

यत्किञ्चित्प्रत्यहं पापिन्पुराणं शृणु सादरम्
ततस्तच्छ्रवणादेव नेक्षसे मम यातनाः ॥ १९ ॥

यमस्य वचनं श्रुत्वा ब्राह्मणः स्वां ययौ तनुम्
अथेशपूजनकृते यत्नमास्थाय स द्विजः ॥ २० ॥

यमस्य वचनं श्रुत्वा ब्राह्मणः स्वां ययौ तनुम्
अथेशपूजनकृते यत्नमास्थाय स द्विजः ॥ २० ॥

अगमन्मुनिवर्यं तु जाबालिशिवपूजकम्
तपः स्वाध्यायसम्पन्नं श्रुतिस्मृतिविवेचकम् ॥ २१ ॥

अगमन्मुनिवर्यं तु जाबालिशिवपूजकम्
तपः स्वाध्यायसम्पन्नं श्रुतिस्मृतिविवेचकम् ॥ २१ ॥

पुराणतत्त्ववेत्तारं लक्षशिष्यसमावृतम्
जराशिथिलसर्वाङ्गं वेदवेदाङ्गपारगम् ॥ २२ ॥

पुराणतत्त्ववेत्तारं लक्षशिष्यसमावृतम्
जराशिथिलसर्वाङ्गं वेदवेदाङ्गपारगम् ॥ २२ ॥

द्रष्टुकामो ययौ शैलं मन्दरं चारुकन्दरम्
नानाविहङ्गसम्पूर्णं नानापुष्पलतावृतम् ॥ २३ ॥

द्रष्टुकामो ययौ शैलं मन्दरं चारुकन्दरम्
नानाविहङ्गसम्पूर्णं नानापुष्पलतावृतम् ॥ २३ ॥

सर्वर्तुकुसुमोपेतं नानागन्धोपशोभितम्
किन्नराणां च मिथुनैर्गीतपूर्णमहागुहम् ॥ २४ ॥

सर्वर्तुकुसुमोपेतं नानागन्धोपशोभितम्
किन्नराणां च मिथुनैर्गीतपूर्णमहागुहम् ॥ २४ ॥

अनेकरूपलावण्य वनितोषितपादपम्
लम्बमानविचित्राभिस्ताभिः शोभितपादपम् ॥ २५ ॥

अनेकरूपलावण्य वनितोषितपादपम्
लम्बमानविचित्राभिस्ताभिः शोभितपादपम् ॥ २५ ॥

रतिश्रमप्रसुप्तानां बोधनादितषट्पदम्
कूजन्ति च पिकाः कामं वियुक्तानां युजे किल ॥ २६ ॥

रतिश्रमप्रसुप्तानां बोधनादितषट्पदम्
कूजन्ति च पिकाः कामं वियुक्तानां युजे किल ॥ २६ ॥

नानामुनिगणाकीर्णं प्रशान्तमृगचारिणम्
अप्सरोगणसङ्कीर्णं गन्धर्वगणसेवितम् ॥ २७ ॥

नानामुनिगणाकीर्णं प्रशान्तमृगचारिणम्
अप्सरोगणसङ्कीर्णं गन्धर्वगणसेवितम् ॥ २७ ॥

नानासिद्धमुखोद्भूतगीतपूर्णवनान्तरम्
विचित्रफलसम्पूर्णं नानादेवालयान्वितम् ॥ २८ ॥

नानासिद्धमुखोद्भूतगीतपूर्णवनान्तरम्
विचित्रफलसम्पूर्णं नानादेवालयान्वितम् ॥ २८ ॥

प्रासादशतसम्बाधं नानागृहसमन्वितम्
सिंहाननैर्गजमुखैरुलूकवदनैरथ ॥ २९ ॥

प्रासादशतसम्बाधं नानागृहसमन्वितम्
सिंहाननैर्गजमुखैरुलूकवदनैरथ ॥ २९ ॥

अमुखैर्विमुखैरुग्रैरर्द्धवक्त्रैर्मृगीमुखैः
रुरुजन्तुकगोधाहि वानरर्क्षमुखैरपि ॥ ३० ॥

अमुखैर्विमुखैरुग्रैरर्द्धवक्त्रैर्मृगीमुखैः
रुरुजन्तुकगोधाहि वानरर्क्षमुखैरपि ॥ ३० ॥

व्याघ्रवृश्चिकभल्लूष्ट्रश्वानगर्दभतुण्डकैः
समस्तजीववदनसदृशास्यैर्गणेश्वरैः
वल्लीमुखैर्वृक्षमुखैः शिलावक्त्रैरयोमुखैः ॥ ३१ ॥

व्याघ्रवृश्चिकभल्लूष्ट्रश्वानगर्दभतुण्डकैः
समस्तजीववदनसदृशास्यैर्गणेश्वरैः
वल्लीमुखैर्वृक्षमुखैः शिलावक्त्रैरयोमुखैः ॥ ३१ ॥

शङ्खमुक्तादिजलजवदनैरुपशोभितम्
अधिकाङ्गैरनङ्गैश्च जटिलैः शिखिमुण्डितैः ॥ ३२ ॥

शङ्खमुक्तादिजलजवदनैरुपशोभितम्
अधिकाङ्गैरनङ्गैश्च जटिलैः शिखिमुण्डितैः ॥ ३२ ॥

पत्रिवक्त्रैर्द्विषड्वक्त्रैस्त्रिविग्रहमुखैरपि
घण्टास्यैः शूर्पवदनकर्णपादमुखैरपि ॥ ३३ ॥

पत्रिवक्त्रैर्द्विषड्वक्त्रैस्त्रिविग्रहमुखैरपि
घण्टास्यैः शूर्पवदनकर्णपादमुखैरपि ॥ ३३ ॥

घण्टामुखैर्वेणुमुखैः किङ्किणीवदनैरपि
यादृग्वस्तु जगत्यस्ति तादृशास्यैरयोमुखैः ॥ ३४ ॥

घण्टामुखैर्वेणुमुखैः किङ्किणीवदनैरपि
यादृग्वस्तु जगत्यस्ति तादृशास्यैरयोमुखैः ॥ ३४ ॥

कैश्चिन्निभृतकन्दर्परूपलावण्यकोमलैः
कोटिसूर्यप्रतीकाशैश्चन्द्र कोटिसमप्रभैः ॥ ३५ ॥

कैश्चिन्निभृतकन्दर्परूपलावण्यकोमलैः
कोटिसूर्यप्रतीकाशैश्चन्द्र कोटिसमप्रभैः ॥ ३५ ॥

नानावर्णैर्विश्वमुखैर्विश्वरूपैश्चतुर्मुखैः
द्विमुखैः पञ्चवक्त्रैश्च त्रिमुखैः षण्मुखैरपि ॥ ३६ ॥

नानावर्णैर्विश्वमुखैर्विश्वरूपैश्चतुर्मुखैः
द्विमुखैः पञ्चवक्त्रैश्च त्रिमुखैः षण्मुखैरपि ॥ ३६ ॥

एकानेकमुखैः शान्तैः सर्वदा सुखिभिर्युतम्
नानाभोगसमृद्धैश्च रतिकामसमैरपि ॥ ३७ ॥

एकानेकमुखैः शान्तैः सर्वदा सुखिभिर्युतम्
नानाभोगसमृद्धैश्च रतिकामसमैरपि ॥ ३७ ॥

लक्ष्मीनारायणमुखैरुमेशसमविग्रहैः
नानारूपधरैश्चान्यैः सेवितं मन्दराचलम् ॥ ३८ ॥

लक्ष्मीनारायणमुखैरुमेशसमविग्रहैः
नानारूपधरैश्चान्यैः सेवितं मन्दराचलम् ॥ ३८ ॥

धेनवो यत्र वेदाश्च मीमांसावत्स संयुताः
धर्मादयः सवर्ष्माणः पुराणानि च कर्मणा ॥ ३९ ॥

धेनवो यत्र वेदाश्च मीमांसावत्स संयुताः
धर्मादयः सवर्ष्माणः पुराणानि च कर्मणा ॥ ३९ ॥

स्मृतीतिहासजातानि आगमाश्च शरीरिणः
स्थिताश्च मन्दरे यत्र सशैलः पापनाशनः ॥ ४० ॥

स्मृतीतिहासजातानि आगमाश्च शरीरिणः
स्थिताश्च मन्दरे यत्र सशैलः पापनाशनः ॥ ४० ॥

तस्य मध्ये महापुण्यं पुरं परमशोभितम्
वापीतडागोपवनप्रासादशतशोभितम् ॥ ४१ ॥

तस्य मध्ये महापुण्यं पुरं परमशोभितम्
वापीतडागोपवनप्रासादशतशोभितम् ॥ ४१ ॥

सप्तप्राकारपरिखं रत्नाट्टालकसंयुतम्
गोपुरैर्नवभिर्युक्तं विचित्रगृहसंयुतम् ॥ ४२ ॥

सप्तप्राकारपरिखं रत्नाट्टालकसंयुतम्
गोपुरैर्नवभिर्युक्तं विचित्रगृहसंयुतम् ॥ ४२ ॥

यस्य चाप्रतिमं तेज उष्णशीतादिवर्जितम्
तन्मध्ये नगरी पुण्या तन्मध्ये च सभा शुभा ॥ ४३ ॥

यस्य चाप्रतिमं तेज उष्णशीतादिवर्जितम्
तन्मध्ये नगरी पुण्या तन्मध्ये च सभा शुभा ॥ ४३ ॥

तस्यां भद्रासनं मध्ये वेदपादविचित्रितम्
सर्वोपनिषदाकॢप्तं पादपीठं सुशोभनम् ॥ ४४ ॥

तस्यां भद्रासनं मध्ये वेदपादविचित्रितम्
सर्वोपनिषदाकॢप्तं पादपीठं सुशोभनम् ॥ ४४ ॥

पुराणान्यागमास्तस्य स्वस्तीति शिवपादयोः
तत्रासीनो महायोगी गोक्षीरसदृशाकृतिः ॥ ४५ ॥

पुराणान्यागमास्तस्य स्वस्तीति शिवपादयोः
तत्रासीनो महायोगी गोक्षीरसदृशाकृतिः ॥ ४५ ॥

मन्दस्मितसुचार्वास्योद्व्यष्टवर्षवयाः प्रभुः
दधान उरसामालां मणिरुद्राक्षकल्पिताम् ॥ ४६ ॥

मन्दस्मितसुचार्वास्योद्व्यष्टवर्षवयाः प्रभुः
दधान उरसामालां मणिरुद्राक्षकल्पिताम् ॥ ४६ ॥

बिभ्राण उपवीतं च कर्णिकारसमद्युतिः
सुरत्नकुण्डलो देवः किरीटकनकाम्बरः ॥ ४७ ॥

बिभ्राण उपवीतं च कर्णिकारसमद्युतिः
सुरत्नकुण्डलो देवः किरीटकनकाम्बरः ॥ ४७ ॥

नानाभूषणसंयुक्तो नानागन्धविलेपनः
वामाङ्कन्यस्तगिरिजो वीक्षमाणस्तदाननम् ॥ ४८ ॥

नानाभूषणसंयुक्तो नानागन्धविलेपनः
वामाङ्कन्यस्तगिरिजो वीक्षमाणस्तदाननम् ॥ ४८ ॥

मुग्धां च सुमुखीं बालां नवयौवनशोभिताम्
भूषितां चारुसर्वाङ्गीं बिभ्रतीं कनकाम्बुजम् ॥ ४९ ॥

मुग्धां च सुमुखीं बालां नवयौवनशोभिताम्
भूषितां चारुसर्वाङ्गीं बिभ्रतीं कनकाम्बुजम् ॥ ४९ ॥

आलिङ्ग्य वामेनकरेण देवीं दक्षेण तस्या मुखमुन्नमय्य
स्पृष्ट्वा शिरो वामकरेण तस्या दक्षेण कुर्वंस्तिलकं च देवः ॥ ५० ॥

आलिङ्ग्य वामेनकरेण देवीं दक्षेण तस्या मुखमुन्नमय्य
स्पृष्ट्वा शिरो वामकरेण तस्या दक्षेण कुर्वंस्तिलकं च देवः ॥ ५० ॥

भक्तिर्वीजयते देवं प्रणव व्यजनेन च
पूजाकान्तापि कुसुमैर्मालां देवाय बिभ्रती ॥ ५१ ॥

भक्तिर्वीजयते देवं प्रणव व्यजनेन च
पूजाकान्तापि कुसुमैर्मालां देवाय बिभ्रती ॥ ५१ ॥

ज्ञप्तिर्विरक्तिर्वनिते बिभ्रत्यौ योगचामरे
समाधिः कार्यकर्तास्य धारणायोषिदस्य च ॥ ५२ ॥

ज्ञप्तिर्विरक्तिर्वनिते बिभ्रत्यौ योगचामरे
समाधिः कार्यकर्तास्य धारणायोषिदस्य च ॥ ५२ ॥

यमाश्चनियमाश्चैव किङ्करास्तस्य कीर्तिताः
प्राणायामः पुरोधास्तु प्रत्याहारः सुवर्णधृक् ॥ ५३ ॥

यमाश्चनियमाश्चैव किङ्करास्तस्य कीर्तिताः
प्राणायामः पुरोधास्तु प्रत्याहारः सुवर्णधृक् ॥ ५३ ॥

ध्यानं च द्रविणाध्यक्षः सत्यं सेनापतिस्तथा
ब्रह्मप्रभृतिकीटान्ताः पशवस्तत्पतिः शिवः ॥ ५४ ॥

ध्यानं च द्रविणाध्यक्षः सत्यं सेनापतिस्तथा
ब्रह्मप्रभृतिकीटान्ताः पशवस्तत्पतिः शिवः ॥ ५४ ॥

पशूनां पालको धर्मः स्यादधर्मश्च तस्करः
मायापाशेन ते बद्धा मोचनी काशिका मृतिः ॥ ५५ ॥

पशूनां पालको धर्मः स्यादधर्मश्च तस्करः
मायापाशेन ते बद्धा मोचनी काशिका मृतिः ॥ ५५ ॥

नानाविधाश्च प्रमदा देवदेवमुमापतिम्
एतादृशमुमानाथं कोटिजन्तुरनुस्मरेत् ॥ ५६ ॥

नानाविधाश्च प्रमदा देवदेवमुमापतिम्
एतादृशमुमानाथं कोटिजन्तुरनुस्मरेत् ॥ ५६ ॥

इष्टान्भोगानवाप्याथ शिवलोके महीयते
ब्रह्मविष्णुमहेन्द्राद्यास्तत्पुरद्वारपालकाः ॥ ५७ ॥

इष्टान्भोगानवाप्याथ शिवलोके महीयते
ब्रह्मविष्णुमहेन्द्राद्यास्तत्पुरद्वारपालकाः ॥ ५७ ॥

लक्ष्मीसरस्वतीदेव्यौ देहल्याद्यर्च्चनेक्षितेः
नियुक्ते देवदेवस्य देवाश्च सुरयोषितः ॥ ५८ ॥

लक्ष्मीसरस्वतीदेव्यौ देहल्याद्यर्च्चनेक्षितेः
नियुक्ते देवदेवस्य देवाश्च सुरयोषितः ॥ ५८ ॥

दास्यो देवाः समस्ताश्च दासा यस्य महात्मनः
एतादृशमहाशैलमिक्ष्वाकुः सन्ददर्श ह ॥ ५९ ॥

दास्यो देवाः समस्ताश्च दासा यस्य महात्मनः
एतादृशमहाशैलमिक्ष्वाकुः सन्ददर्श ह ॥ ५९ ॥

मुनिं प्रणम्य जाबालिमिदमाह वचस्तदा
गन्तुकामो महाशैलं शक्तोस्यस्मिन्न वा मुने ॥ ६० ॥

मुनिं प्रणम्य जाबालिमिदमाह वचस्तदा
गन्तुकामो महाशैलं शक्तोस्यस्मिन्न वा मुने ॥ ६० ॥

ममायुरल्पं कथितं यमेन ज्ञानिना पुरा ॥ ६१ ॥

ममायुरल्पं कथितं यमेन ज्ञानिना पुरा ॥ ६१ ॥

नरकश्च बहुःप्रोक्तः कथं श्रेयो भविष्यति
जाबालिरुवाच-
मयापि सर्वमेतत्ते ज्ञातं दिव्येन चक्षुषा ॥ ६२ ॥

नरकश्च बहुःप्रोक्तः कथं श्रेयो भविष्यति
जाबालिरुवाच-
मयापि सर्वमेतत्ते ज्ञातं दिव्येन चक्षुषा ॥ ६२ ॥

आयुर्दशदिनं ब्रह्मन्विद्वानपि न धर्मकृत्
न तपस्ते ह्यनभ्यासान्न च योगोऽल्पकालतः ॥ ६३ ॥

आयुर्दशदिनं ब्रह्मन्विद्वानपि न धर्मकृत्
न तपस्ते ह्यनभ्यासान्न च योगोऽल्पकालतः ॥ ६३ ॥

न दानं द्रविणाभावादसामर्थ्यात्तथार्हणा
न यज्ञो न व्रतं पूर्तं न च पुण्यमनायुषः ॥ ६४ ॥

न दानं द्रविणाभावादसामर्थ्यात्तथार्हणा
न यज्ञो न व्रतं पूर्तं न च पुण्यमनायुषः ॥ ६४ ॥

न चाध्यापनतीर्थादि सेवाकालविरोधतः
तस्मात्तत्पापनाशाय प्रायश्चित्तं न विद्यते ॥ ६५ ॥

न चाध्यापनतीर्थादि सेवाकालविरोधतः
तस्मात्तत्पापनाशाय प्रायश्चित्तं न विद्यते ॥ ६५ ॥

गतिप्रदं तथा धर्मं गच्छ वा तिष्ठ वा मुने
इक्ष्वाकुरुवाच-
यावज्जीवं प्रतिज्ञाय क्रियते यो वृषो द्विज ॥ ६६ ॥

गतिप्रदं तथा धर्मं गच्छ वा तिष्ठ वा मुने
इक्ष्वाकुरुवाच-
यावज्जीवं प्रतिज्ञाय क्रियते यो वृषो द्विज ॥ ६६ ॥

तेन पापपरीहारो भविष्यति सुनिश्चितम्
तं ब्रूहि येन धर्मेण मम पापं प्रणश्यति ॥ ६७ ॥

तेन पापपरीहारो भविष्यति सुनिश्चितम्
तं ब्रूहि येन धर्मेण मम पापं प्रणश्यति ॥ ६७ ॥

केन वा पुण्ययोगेन स्वर्गतिश्च भविष्यति
शरणं भव विप्रर्षे नरकादतिबिभ्यतः ॥ ६८ ॥

केन वा पुण्ययोगेन स्वर्गतिश्च भविष्यति
शरणं भव विप्रर्षे नरकादतिबिभ्यतः ॥ ६८ ॥

सर्वधर्मफलं प्राहुः शरणागतपालनम्
जाबालिरुवाच-
सत्यं स्वल्पेन कालेन न तादृग्लभ्यते वृषः ॥ ६९ ॥

सर्वधर्मफलं प्राहुः शरणागतपालनम्
जाबालिरुवाच-
सत्यं स्वल्पेन कालेन न तादृग्लभ्यते वृषः ॥ ६९ ॥

अमृतेत्वनृते शक्यं वक्तुं स्वप्नान्तरेष्वपि
रहस्यमेकं किञ्चित्तु यस्य कस्यापि नोच्यते ॥ ७० ॥

अमृतेत्वनृते शक्यं वक्तुं स्वप्नान्तरेष्वपि
रहस्यमेकं किञ्चित्तु यस्य कस्यापि नोच्यते ॥ ७० ॥

इक्ष्वाकुरुवाच-
शरणं पालय मुने कालो मे निर्गमिष्यति
जाबालिरुवाच-
मम प्राणाधिकं विप्र रहस्यं श्रुतिचोदितम् ॥ ७१ ॥

इक्ष्वाकुरुवाच-
शरणं पालय मुने कालो मे निर्गमिष्यति
जाबालिरुवाच-
मम प्राणाधिकं विप्र रहस्यं श्रुतिचोदितम् ॥ ७१ ॥

शिवलिङ्गार्चनं नाम ब्रह्मादिभिरनुष्ठितम्
समस्तपापशमनं सर्वोपद्रवनाशनम् ॥ ७२ ॥

शिवलिङ्गार्चनं नाम ब्रह्मादिभिरनुष्ठितम्
समस्तपापशमनं सर्वोपद्रवनाशनम् ॥ ७२ ॥

भुक्तिमुक्तिप्रदं तस्माच्छिवपूजां समाचर
नातिक्रामेद्यदि मुने शिवलिङ्गार्चनं शुभम् ॥ ७३ ॥

भुक्तिमुक्तिप्रदं तस्माच्छिवपूजां समाचर
नातिक्रामेद्यदि मुने शिवलिङ्गार्चनं शुभम् ॥ ७३ ॥

यः शम्भुपूजां विच्छिन्द्यात्तेन च्छिन्नं हि मे शिरः
वरं शूलविनिक्षेपो वरं शाल्मलिकर्षणम् ॥ ७४ ॥

यः शम्भुपूजां विच्छिन्द्यात्तेन च्छिन्नं हि मे शिरः
वरं शूलविनिक्षेपो वरं शाल्मलिकर्षणम् ॥ ७४ ॥

वरं प्राणपरित्यागो नैव पूजाव्यतिक्रमः
वरं वह्निप्रपतनं वरं चाधःशिरः कृतम् ॥ ७५ ॥

वरं प्राणपरित्यागो नैव पूजाव्यतिक्रमः
वरं वह्निप्रपतनं वरं चाधःशिरः कृतम् ॥ ७५ ॥

वरं स्वमलभुक्तिर्वा नेशपूजाव्यतिक्रमः
अपूजयित्वा चेशानं यो हि भुङ्क्ते नराधमः ॥ ७६ ॥

वरं स्वमलभुक्तिर्वा नेशपूजाव्यतिक्रमः
अपूजयित्वा चेशानं यो हि भुङ्क्ते नराधमः ॥ ७६ ॥

पापानामन्नरूपाणां तस्य भोजनमुच्यते
अनुच्चार्य पदं शम्भोर्भुङ्क्ते यदि च खादति ॥ ७७ ॥

पापानामन्नरूपाणां तस्य भोजनमुच्यते
अनुच्चार्य पदं शम्भोर्भुङ्क्ते यदि च खादति ॥ ७७ ॥

शिवेति मङ्गलं नाम यस्य वाचि प्रवर्तते
भस्मीभवन्ति तस्याशु महापातककोटयः ॥ ७८ ॥

शिवेति मङ्गलं नाम यस्य वाचि प्रवर्तते
भस्मीभवन्ति तस्याशु महापातककोटयः ॥ ७८ ॥

शिवं प्रदक्षिणीकृत्य यो नमस्यति मानवः
भूमेः प्रदक्षिणं कृत्वा यत्तत्पुण्यमवाप्नुयात् ॥ ७९ ॥

शिवं प्रदक्षिणीकृत्य यो नमस्यति मानवः
भूमेः प्रदक्षिणं कृत्वा यत्तत्पुण्यमवाप्नुयात् ॥ ७९ ॥

प्रदक्षिणत्रयं कृत्वा नमस्कारं च पञ्चधा
पुनः प्रदक्षिणं कृत्वा नत्वा मुच्येत पातकैः ॥ ८० ॥

प्रदक्षिणत्रयं कृत्वा नमस्कारं च पञ्चधा
पुनः प्रदक्षिणं कृत्वा नत्वा मुच्येत पातकैः ॥ ८० ॥

सर्ववाद्यानि यः कुर्यात्कारयेद्वा शिवालये
बलेन महता युक्तो वेदसेव्यत्र जायते ॥ ८१ ॥

सर्ववाद्यानि यः कुर्यात्कारयेद्वा शिवालये
बलेन महता युक्तो वेदसेव्यत्र जायते ॥ ८१ ॥

श्रावयेद्यः पुराणानि देवदेवं त्रिलोचनम्
सर्वपापविनिर्मुक्तो वसेच्छिवपुरे कृती ॥ ८२ ॥

श्रावयेद्यः पुराणानि देवदेवं त्रिलोचनम्
सर्वपापविनिर्मुक्तो वसेच्छिवपुरे कृती ॥ ८२ ॥

तं नित्यमादरेणेशो वक्ति वाक्यं प्रियं सदा
एतत्सङ्क्षेपतः प्रोक्तमीशपूजनमुत्तमम् ॥ ८३ ॥

तं नित्यमादरेणेशो वक्ति वाक्यं प्रियं सदा
एतत्सङ्क्षेपतः प्रोक्तमीशपूजनमुत्तमम् ॥ ८३ ॥

अल्पायुश्च भवान्विप्र शिवपूजनमाचर
त्रिकालं वा द्विकालं वा एककालमथापि वा ॥ ८४ ॥

अल्पायुश्च भवान्विप्र शिवपूजनमाचर
त्रिकालं वा द्विकालं वा एककालमथापि वा ॥ ८४ ॥

यामं यामार्धमथवा शिवपूजनमाचर
वानप्रस्थाश्रमो भूत्वा वानप्रस्थकृताश्रयः ॥ ८५ ॥

यामं यामार्धमथवा शिवपूजनमाचर
वानप्रस्थाश्रमो भूत्वा वानप्रस्थकृताश्रयः ॥ ८५ ॥

वानप्रस्थप्रसूनैश्च प्रातःपूजय शङ्करम्
श्रीफलैः शतपत्रैश्च पद्मसौगन्धिकैरपि ॥ ८६ ॥

वानप्रस्थप्रसूनैश्च प्रातःपूजय शङ्करम्
श्रीफलैः शतपत्रैश्च पद्मसौगन्धिकैरपि ॥ ८६ ॥

नीपैर्जपाभिः पुन्नागैः करवीरैश्च पाटलैः
तुलस्याच रविदलैरपराजितया तथा ॥ ८७ ॥

नीपैर्जपाभिः पुन्नागैः करवीरैश्च पाटलैः
तुलस्याच रविदलैरपराजितया तथा ॥ ८७ ॥

अपामार्गदलै रुद्र जटादमनकेन च
सर्वैरेभिः समफलैर्बिल्वपत्रैश्च धूर्तकैः ॥ ८८ ॥

अपामार्गदलै रुद्र जटादमनकेन च
सर्वैरेभिः समफलैर्बिल्वपत्रैश्च धूर्तकैः ॥ ८८ ॥

द्रोणैः शिरीषैः शक्तैश्च दूर्वया कोरकैरपि
नन्द्यावर्तैरक्षतैश्च तिलमिश्रैश्च केवलैः ॥ ८९ ॥

द्रोणैः शिरीषैः शक्तैश्च दूर्वया कोरकैरपि
नन्द्यावर्तैरक्षतैश्च तिलमिश्रैश्च केवलैः ॥ ८९ ॥

अन्यैरपि यथाशक्ति प्रातः सम्पूजयेच्छिवम्
कर्णिकारैश्च सौवर्णर्दूवर्ययापि शिवार्चनम् ॥ ९० ॥

अन्यैरपि यथाशक्ति प्रातः सम्पूजयेच्छिवम्
कर्णिकारैश्च सौवर्णर्दूवर्ययापि शिवार्चनम् ॥ ९० ॥

मुकुलैर्नार्चयेद्देवं चम्पकैर्जलजं विना
जलजानां च सर्वेषां पत्राणामक्षतस्य च ॥ ९१ ॥

मुकुलैर्नार्चयेद्देवं चम्पकैर्जलजं विना
जलजानां च सर्वेषां पत्राणामक्षतस्य च ॥ ९१ ॥

कुशपुष्पस्य रजतसुवर्णकृतयोरपि
अन्यत्कृत्वा यथा यत्तु तैलपक्वं भवेन्नृप ॥ ९२ ॥

कुशपुष्पस्य रजतसुवर्णकृतयोरपि
अन्यत्कृत्वा यथा यत्तु तैलपक्वं भवेन्नृप ॥ ९२ ॥

न तत्पर्युषितं प्रोक्तमपूपादि गमिष्यति
उक्षितं यत्फलायुक्तं तैलक्षाराम्लजीरकैः ॥ ९३ ॥

न तत्पर्युषितं प्रोक्तमपूपादि गमिष्यति
उक्षितं यत्फलायुक्तं तैलक्षाराम्लजीरकैः ॥ ९३ ॥

जले तत्प्रोक्षितं मूलफलशाकादिकं नृप
न च पर्युषितं प्रोक्तं गङ्गातोयं च सागरम् ॥ ९४ ॥

जले तत्प्रोक्षितं मूलफलशाकादिकं नृप
न च पर्युषितं प्रोक्तं गङ्गातोयं च सागरम् ॥ ९४ ॥

महानदीजलं सर्वं केदारजलमेव च
ह्रदरूपेण यत्तीर्थं कूपतीर्थेन राघव ॥ ९५ ॥

महानदीजलं सर्वं केदारजलमेव च
ह्रदरूपेण यत्तीर्थं कूपतीर्थेन राघव ॥ ९५ ॥

तडागवापीसरसां कूपेनापां च यद्भवेत्
तत्तीर्थतोयं सर्वं च न च पर्युषितं भवेत् ॥ ९६ ॥

तडागवापीसरसां कूपेनापां च यद्भवेत्
तत्तीर्थतोयं सर्वं च न च पर्युषितं भवेत् ॥ ९६ ॥

न रात्रौ जलमाहार्यं दिवा सम्पादयेज्जलम्
ससैकतं तथा धार्यं न च पर्युषितं हि तत् ॥ ९७ ॥

न रात्रौ जलमाहार्यं दिवा सम्पादयेज्जलम्
ससैकतं तथा धार्यं न च पर्युषितं हि तत् ॥ ९७ ॥

एवं विदित्वा पूजां त्वं शिवलिङ्गे समाचर
शम्भुरुवाच-
एवमुक्तोथ मुनिना इक्ष्वाकुर्ब्राह्मणप्रियः ॥ ९८ ॥

एवं विदित्वा पूजां त्वं शिवलिङ्गे समाचर
शम्भुरुवाच-
एवमुक्तोथ मुनिना इक्ष्वाकुर्ब्राह्मणप्रियः ॥ ९८ ॥

शिवपूजापरो भूत्वा दिनाष्टकमतिष्ठत
नवमेऽथ दिने प्राप्ते प्रातःकाले कृतार्चनः ॥ ९९ ॥

शिवपूजापरो भूत्वा दिनाष्टकमतिष्ठत
नवमेऽथ दिने प्राप्ते प्रातःकाले कृतार्चनः ॥ ९९ ॥