पुराणे विश्वासटिप्पन्यः

नारद उवाच-

विश्वास-प्रस्तुतिः

वाराणस्यां महाराज मध्यमेशं परात्परम्
तस्मिन्स्थाने महादेवो देव्या सह महेश्वरः ॥ १ ॥

मूलम्

विश्वास-प्रस्तुतिः

रमते भगवान्नित्यं रुद्रैश्च परिवारितः
तत्र पूर्वं हृषीकेशो विश्वात्मा देवकीसुतः ॥ २ ॥

मूलम्

विश्वास-प्रस्तुतिः

उवास वत्सरं कृष्णः सदा पाशुपतैर्युतः
भस्मोद्धूलितसर्वाङ्गो रुद्राध्ययनतत्परः ॥ ३ ॥

मूलम्

विश्वास-प्रस्तुतिः

आराधयन्हरिः शम्भुं कृत्वा पाशुपतंव्रतम्
तस्य ते बहवः शिष्याः ब्रह्मचर्यपरायणाः ॥ ४ ॥

मूलम्

विश्वास-प्रस्तुतिः

लब्ध्वा तद्वदनाज्ज्ञानं दृष्टवन्तो महेश्वरम्
तस्य देवो महादेवः प्रत्यक्षं नीललोहितः ॥ ५ ॥

मूलम्

विश्वास-प्रस्तुतिः

ददौ कृष्णस्य भगवान्वरदो वरमुत्तमम्
येऽर्चयन्ति च गोविन्दं मद्भक्ता विधिपूर्वकम् ॥ ६ ॥

मूलम्

विश्वास-प्रस्तुतिः

तेषां तदैश्वरं ज्ञानमुत्पत्स्यति जगन्मयम्
नमस्योऽर्चयितव्यश्च ध्यातव्यो मत्परैर्जनैः ॥ ७ ॥

मूलम्

विश्वास-प्रस्तुतिः

भविष्यन्ति न सन्देहो मत्प्रसादाद्द्विजातयः
येऽत्र द्रक्ष्यन्ति देवेशं स्नात्वा देवं पिनाकिनम् ॥ ८ ॥

मूलम्

विश्वास-प्रस्तुतिः

ब्रह्महत्यादिकं पापं तेषामाशु विनश्यति
प्राणांस्त्यक्ष्यन्ति ये र्मत्याः पापकर्मरता अपि ॥ ९ ॥

मूलम्

विश्वास-प्रस्तुतिः

ते यान्ति तत्परं स्थानं नात्र कार्या विचारणा
धन्यास्तु खलु ते विज्ञा मन्दाकिन्यां कृतोदकाः ॥ १० ॥

मूलम्

विश्वास-प्रस्तुतिः

अर्चयित्वा महादेवं मध्यमेश्वरमीश्वरम्
ज्ञानं दानं तपः श्राद्धं पिण्डनिर्वपणं त्विह ॥ ११ ॥

मूलम्

विश्वास-प्रस्तुतिः

एकैकशः कृतं कर्म पुनात्यासप्तमं कुलम्
सन्निहत्यामुपस्पृश्य राहुग्रस्ते दिवाकरे ॥ १२ ॥

मूलम्

विश्वास-प्रस्तुतिः

यत्फलं लभते मर्त्त्यस्तस्माद्दशगुणं त्विह
एवमुक्तं महाराज माहात्म्यं मध्यमेश्वरे
यः शृणोति परं भक्त्या स याति परमं पदम् ॥ १३ ॥

मूलम्

इति श्रीपाद्मे महापुराणे स्वर्गखण्डे वाराणसीमाहात्म्ये षट्त्रिंशोऽध्यायः ३६