पुराणे विश्वासटिप्पन्यः

कुञ्जल उवाच-

विश्वास-प्रस्तुतिः

किं विज्वल त्वया दृष्टमपूर्वं भ्रमता महीम्
आश्चर्येण समायुक्तं तन्मे कथय सुव्रत ॥ १ ॥

मूलम्

विश्वास-प्रस्तुतिः

इतः प्रयासि कं देशमाहारार्थं तु सोद्यमी
यद्य दृष्टं त्वया चित्रं समाख्याहि सुतोत्तम ॥ २ ॥

मूलम्

विश्वास-प्रस्तुतिः

विज्वल उवाच-
अस्ति मेरुगिरेः पृष्ठे आनन्दं नाम काननम्
दिव्यवृक्षैः समाकीर्णम्फ लपुष्पमयैः सदा ॥ ३ ॥

मूलम्

विश्वास-प्रस्तुतिः

देववृन्दैः समाकीर्णं मुनिसिद्धसमन्वितम्
अप्सरोभिः सुरूपाभिर्गन्धर्वैः किन्नरोरगैः ॥ ४ ॥

मूलम्

विश्वास-प्रस्तुतिः

वापीकूपतडागैश्च नदीप्रस्रवणैस्तथा
आनन्दकाननं पुण्यं दिव्यभावैः प्रभासते ॥ ५ ॥

मूलम्

विश्वास-प्रस्तुतिः

विमानैः कोटिसङ्ख्याभिर्हंसकुन्देन्दुसन्निभैः
गीतकोलाहलैः रम्यैर्मेघध्वनिनिनादितम् ॥ ६ ॥

मूलम्

विश्वास-प्रस्तुतिः

षट्पदानां निनादेन सर्वत्र मधुरायते
चन्दनैश्चूतवृक्षैश्च चम्पकैः पुष्पितैर्वृतम् ॥ ७ ॥

मूलम्

विश्वास-प्रस्तुतिः

नानावृक्षैः प्रभात्येवमानन्दवनमुत्तमम्
नानापक्षिनिनादेन बहुकोलाहलान्वितम् ॥ ८ ॥

मूलम्

विश्वास-प्रस्तुतिः

एवमानन्दनं दृष्टं मया तत्र सुशोभनम्
विमलं च सरस्तात शोभते सागरोपमम् ॥ ९ ॥

मूलम्

एवमानन्दनं दृष्टं मया तत्र सुशोभनम्
विमलं च सरस्तात शोभते सागरोपमम् ॥ ९ ॥

विश्वास-प्रस्तुतिः

सम्पूर्णं पुण्यतोयेन पद्मसौगन्धिकैः शुभैः
जलजैस्तु समाकीर्णं हंसकारण्डवान्वितम् ॥ १० ॥

मूलम्

विश्वास-प्रस्तुतिः

एवमासीत्सरस्तस्य सुमध्ये काननस्य हि
देवगन्धर्वसम्बाधैर्मुनिवृन्दैरलङ्कृतम् ॥ ११ ॥

मूलम्

विश्वास-प्रस्तुतिः

किन्नरोरगगन्धर्वैश्चारणैश्च सुशोभते
तत्राश्चर्यं मया दृष्टं वक्तुं तात न शक्यते ॥ १२ ॥

मूलम्

विश्वास-प्रस्तुतिः

विमानेनापि दिव्येन कलशैरुपशोभते
छत्रदण्डपताकाभीराजमानेन सत्तम ॥ १३ ॥

मूलम्

विमानेनापि दिव्येन कलशैरुपशोभते
छत्रदण्डपताकाभीराजमानेन सत्तम ॥ १३ ॥

विश्वास-प्रस्तुतिः

सर्वभोगाविलेनापि गीयमानेथ किन्नरैः
गन्धर्वैरप्सरोभिश्च शोभमानोथ सुव्रत ॥ १४ ॥

मूलम्

विश्वास-प्रस्तुतिः

स्तूयमानो महासिद्धऋषिभिस्तत्त्ववेदिभिः
रूपेणाप्रतिमो लोके न दृष्टस्तादृशः क्वचित् ॥ १५ ॥

मूलम्

विश्वास-प्रस्तुतिः

सर्वाभरणशोभाङ्गो दिव्यमालाविशोभितः
महारत्नकृतामाला यस्योरसि विराजते ॥ १६ ॥

मूलम्

विश्वास-प्रस्तुतिः

तत्समीपे स्थिता चैका नारी दृष्टा वरानना
हेमहारैश्च मुक्तानां वलयैः कङ्कणैर्युता ॥ १७ ॥

मूलम्

विश्वास-प्रस्तुतिः

दिव्यवस्त्रैश्च गन्धैश्च चन्दनैश्चारुलेपनैः
स्तूयमानो गीयमानः पुरुषस्तत्र चागतः ॥ १८ ॥

मूलम्

विश्वास-प्रस्तुतिः

रतिरूपा वरारोहा पीनश्रोणिपयोधरा
सर्वाभरणशोभाङ्गी तादृशी रूपसम्पदा ॥ १९ ॥

मूलम्

रतिरूपा वरारोहा पीनश्रोणिपयोधरा
सर्वाभरणशोभाङ्गी तादृशी रूपसम्पदा ॥ १९ ॥

विश्वास-प्रस्तुतिः

द्वावेतौ तौ मया दृष्टौ विमानेनापि चागतौ
रूपलावण्यमाधुर्यौ सर्वशोभासमाविलौ ॥ २० ॥

मूलम्

विश्वास-प्रस्तुतिः

समुत्तीर्णौ विमानात्तावागतौ सरसोन्तिके
स्नातौ तात महात्मानौ स्त्रीपुंसौ कमलेक्षणौ ॥ २१ ॥

मूलम्

विश्वास-प्रस्तुतिः

प्रगृह्य तौ महाशस्त्रौ दम्पती तु परस्परम्
तादृशौ च शवौ तत्र पतितौ सरसस्तटे ॥ २२ ॥

मूलम्

विश्वास-प्रस्तुतिः

प्रभासे ते तदा तौ तु स्त्रीपुंसौ कमलेक्षणौ
रूपेणापि महाभाग तादृशावेव तौ शवौ ॥ २३ ॥

मूलम्

विश्वास-प्रस्तुतिः

देवरूपोपमस्तात यथा पुंसस्तथा शवः
यथारूपं हि तस्यापि तादृशस्तत्र दृश्यते ॥ २४ ॥

मूलम्

विश्वास-प्रस्तुतिः

यथारूपं तु भार्यायास्तथा शवो द्वितीयकः
स्त्रीशवस्य तु यन्मांसं शस्त्रेणोत्कृत्य सा ततः ॥ २५ ॥

मूलम्

विश्वास-प्रस्तुतिः

भक्षते तस्य मांसानि रक्ताप्लुतानि तानि तु
पुरुषो भक्षते तद्वच्छवमांसं समातुरः ॥ २६ ॥

मूलम्

विश्वास-प्रस्तुतिः

क्षुधया पीड्यमानौ तौ भक्षेते पिशितं तयोः
यावत्तृप्तिं समायातौ तावन्मांसं प्रभक्षितम् ॥ २७ ॥

मूलम्

विश्वास-प्रस्तुतिः

सरस्यथ जलं पीत्वा सञ्जातौ सुखितौ पितः
कियत्कालं स्थितौ तत्र विमानेन गतौ पुनः ॥ २८ ॥

मूलम्

विश्वास-प्रस्तुतिः

अन्ये द्वे तु स्त्रियौ तात मया दृष्टे च तत्र वै
रूपसौभाग्यसम्पन्ने ते स्त्रियौ चारुलक्षणे ॥ २९ ॥

मूलम्

विश्वास-प्रस्तुतिः

ताभ्यां प्रभक्षितं मांसं यदा तात महावने
प्रहसेते तदा ते द्वे हास्यैरट्टाट्टकैःपुनः ॥ ३० ॥

मूलम्

विश्वास-प्रस्तुतिः

भक्षते च स्वमांसानि तावेतौ परिनित्यशः
कृत्वा स्नानादिकं मांसं पश्यतो मम तत्र हि ॥ ३१ ॥

मूलम्

विश्वास-प्रस्तुतिः

अन्ये स्त्रियौ महाभाग रौद्रा कारसमन्विते
दंष्ट्राकरालवदने तत्रैवाति विभीषणे ॥ ३२ ॥

मूलम्

विश्वास-प्रस्तुतिः

ऊचतुस्तौ तदा ते तु देहिदेहीति वै पुनः
एवं दृष्टं मया तात वसता वनसन्निधौ ॥ ३३ ॥

मूलम्

विश्वास-प्रस्तुतिः

नित्यमुत्कीर्य भक्ष्येते तौ द्वौ तु मांसमेव च
जायेते च सुसम्पूर्णौ कायौ च शवयोः पुनः ॥ ३४ ॥

मूलम्

विश्वास-प्रस्तुतिः

नित्यमुत्तीर्य तावेवं ते चाप्यन्ये च वै पितः
कुर्वन्ति सदृशीं चेष्टां पूर्वोक्तां मम पश्यतः ॥ ३५ ॥

मूलम्

विश्वास-प्रस्तुतिः

एतदाश्चर्य सञ्जातं दृष्टं तात मया तदा
भवता पृच्छितं तात दृष्टमाश्चर्यमेव च ॥ ३६ ॥

मूलम्

विश्वास-प्रस्तुतिः

मया ख्यातं तवाग्रे वै सर्वसन्देहकारणम्
कथयस्व प्रसादाच्च प्रीयमाणेन चेतसा ॥ ३७ ॥

मूलम्

विश्वास-प्रस्तुतिः

विमानेनागतो योसौ स्त्रिया सार्द्धं द्विजोत्तम
दिव्यरूपधरो यस्तु स कस्तु कमलेक्षणः ॥ ३८ ॥

मूलम्

विश्वास-प्रस्तुतिः

का च नारी महाभाग महामांसं प्रभक्षति
स कश्चाप्यागतस्तात सा चैवाभ्येत्य भक्षति ॥ ३९ ॥

मूलम्

विश्वास-प्रस्तुतिः

प्रहसेते तदा ते द्वे स्त्रियौ तात वदस्व नः
ऊचतुस्तौ तथा चान्ये देहिदेहीति वा पुनः ॥ ४० ॥

मूलम्

विश्वास-प्रस्तुतिः

तेद्वेत्वं मे समाचक्ष्व महाभीषणके स्त्रियौ
एतन्मे संशयं तात छेत्तुमर्हसि सुव्रत ॥ ४१ ॥

मूलम्

विश्वास-प्रस्तुतिः

एवमुक्त्वा महाराज विरराम स चाण्डजः
एवं पृष्टस्तृतीयेन विज्वलेनात्मजेन सः ॥ ४२ ॥

मूलम्

विश्वास-प्रस्तुतिः

प्रोवाच सर्वं वृत्तान्तं च्यवनस्यापि शृण्वतः ॥ ४३ ॥

मूलम्

प्रोवाच सर्वं वृत्तान्तं च्यवनस्यापि शृण्वतः ॥ ४३ ॥

इति श्रीपद्मपुराणे भूमिखण्डे वेनोपाख्याने गुरुतीर्थे च्यवनचरित्रे त्रिनवतितमोऽध्यायः ९३