पुराणे विश्वासटिप्पन्यः

सुकर्मोवाच-

विश्वास-प्रस्तुतिः

एतत्ते सर्वमाख्यातं चरित्रं पापनाशनम्
पुत्राणां तारकं दिव्यं बहुपुण्यप्रदायकम् ॥ १ ॥

मूलम्

विश्वास-प्रस्तुतिः

प्रत्यक्षं दृश्यते लोके ययातिचरितं श्रुतम्
पूरुणाप्तं महद्राज्यं दुर्गतिं गतवांस्तुरुः ॥ २ ॥

मूलम्

विश्वास-प्रस्तुतिः

पितृप्रसादात्कोपाच्च यथा जातं तथा पुनः
पुत्राणां तारकं पुण्यं यशस्यं धनधान्यदम् ॥ ३ ॥

मूलम्

विश्वास-प्रस्तुतिः

शापयुक्ताविमौ चोभौ तुरुश्च यदुरेव च
पितृमातृसमं नास्ति अभीष्टफलदायकम् ॥ ४ ॥

मूलम्

विश्वास-प्रस्तुतिः

साभिलाषेण भावेन पिता पुत्रं समाह्वयेत्
माता च पुत्रपुत्रेति तस्य पुण्यफलं शृणु ॥ ५ ॥

मूलम्

विश्वास-प्रस्तुतिः

समाहूतो यथा पुत्रः प्रयाति मातरं प्रति
यो याति हर्षसंयुक्तो गङ्गास्नानफलं लभेत् ॥ ६ ॥

मूलम्

विश्वास-प्रस्तुतिः

पादप्रक्षालनं यस्तु कुरुते च महायशाः
सर्वतीर्थफलं भुङ्क्ते प्रसादात्तु तयोः सुतः ॥ ७ ॥

मूलम्

विश्वास-प्रस्तुतिः

अङ्गसंवाहनाच्चान्यदश्वमेधफलं लभेत्
भोजनाच्छादनस्नानैर्गुरुं यः पोषयेत्सुतः ॥ ८ ॥

मूलम्

विश्वास-प्रस्तुतिः

पृथ्वीदानसमं पुण्यं तत्पुत्रे हि प्रजायते
सर्वतीर्थमयी गङ्गा तथा माता न संशयः ॥ ९ ॥

मूलम्

विश्वास-प्रस्तुतिः

बहुपुण्यमयः सिन्धुर्यथा लोके प्रतिष्ठितः
अस्मिल्लोँके पिता तद्वत्पुराणकवयो विदुः ॥ १० ॥

मूलम्

विश्वास-प्रस्तुतिः

सुकर्मोवाच-
भ्रंशते क्रोशते यस्तु पितरं मातरं पुनः
स पुत्रो नरकं याति रौरवाख्यं न संशयः ॥ ११ ॥

मूलम्

विश्वास-प्रस्तुतिः

मातरं पितरं वृद्धौ गृहस्थो यो न पोषयेत्
स पुत्रो नरकं याति वेदनां प्राप्नुयाद्ध्रुवम् ॥ १२ ॥

मूलम्

विश्वास-प्रस्तुतिः

कुत्सते पापकर्ता यो गुरुं पुत्रः सुदुर्मतिः
निष्कृतिर्नैव दृष्टा वै पुराणैः कविभिः कदा ॥ १३ ॥

मूलम्

विश्वास-प्रस्तुतिः

एवञ्ज्ञात्वाह्यहंविप्रपूजयामिदिनेदिने
मातरं पितरं नित्यं भक्त्या नमितकन्धरः ॥ १४ ॥

मूलम्

विश्वास-प्रस्तुतिः

कृत्याकृत्यं वदेच्चैव समाहूय गुरुर्मम
तत्करोम्यविचारेण शक्त्या स्वस्य च पिप्पल ॥ १५ ॥

मूलम्

विश्वास-प्रस्तुतिः

तेन मे परमं ज्ञानं सञ्जातं गतिदायकम्
एतयोश्च प्रसादेन संसारे परिवर्तते ॥ १६ ॥

मूलम्

विश्वास-प्रस्तुतिः

यच्चकिञ्चित्प्रकुर्वन्ति मानवा भुवि संस्थिताः
गृहस्थस्तदहं जाने यच्च स्वर्गे प्रवर्तते ॥ १७ ॥

मूलम्

विश्वास-प्रस्तुतिः

नागानां च इहस्थोपि चारं जानामि पिप्पल
एतयोश्च प्रसादाच्च त्रैलोक्यं मम वश्यताम् ॥ १८ ॥

मूलम्

विश्वास-प्रस्तुतिः

गतं विद्याधरश्रेष्ठ भवानर्चतु माधवम्
विष्णुरुवाच-
एवं सञ्चोदितस्तेन पिप्पलो हि स्वकर्मणा ॥ १९ ॥

मूलम्

विश्वास-प्रस्तुतिः

आनम्य तं द्विजश्रेष्ठं लज्जितोऽपि दिवं ययौ
सुकर्मासोऽपि धर्मात्मा गुरुं शुश्रूषते नृप ॥ २० ॥

मूलम्

विश्वास-प्रस्तुतिः

एतत्ते सर्वमाख्यातं पितृतीर्थानुगं मया
अन्यत्किं ते प्रवक्ष्यामि वद वेन महामते ॥ २१ ॥

मूलम्

इति श्रीपद्मपुराणे भूमिखण्डेवेनोपाख्याने मातापितृतीर्थमाहात्म्यवर्णनन्नाम चतुरशीतितमोऽध्यायः ८४