पुराणे विश्वासटिप्पन्यः

मातलिरुवाच-

विश्वास-प्रस्तुतिः

यमपीडां प्रवक्ष्यामि महातीव्रां सुदारुणाम्
भुञ्जन्ति पापिनः सर्वे क्रूरास्ते ब्रह्मघातकाः ॥ १ ॥

मूलम्

विश्वास-प्रस्तुतिः

क्वचित्पापाः प्रपच्यन्ते तीव्रेण करिषाग्निना
क्वचित्सिंहैर्वृकैर्व्याघ्रैर्दंशैः कीटैश्च दारुणैः ॥ २ ॥

मूलम्

विश्वास-प्रस्तुतिः

क्वचिन्महाजलौकोभिः क्वचिदाजगरैः पुनः
मक्षिकाभिश्च रौद्राभिः क्वचित्सर्पैर्विषोल्बणैः ॥ ३ ॥

मूलम्

विश्वास-प्रस्तुतिः

मत्तमातङ्गयूथैश्च बलोत्कृष्टैः प्रमाथिभिः
पन्थानमुल्लिखद्भिश्च तीक्ष्णशृङ्गमहावृषैः ॥ ४ ॥

मूलम्

विश्वास-प्रस्तुतिः

महाशृङ्गैश्च महिषैर्दुष्टगात्रप्रबाधकैः
डाकिनीभिश्च रौद्राभिर्विकरालैश्च राक्षसैः ॥ ५ ॥

मूलम्

विश्वास-प्रस्तुतिः

व्याधिभिश्च महाघोरैः पीड्यमाना व्रजन्ति ते
महातुलां समारूढा दह्यमाना दवानले ॥ ६ ॥

मूलम्

विश्वास-प्रस्तुतिः

महावेगप्रधूतास्ते महाचण्डेन वायुना
महापाषाणवर्षेण भिद्यमानाश्च सर्वतः ॥ ७ ॥

मूलम्

विश्वास-प्रस्तुतिः

पतद्भिर्वज्रनिर्घोषैरुल्कापातैश्च दारुणैः
प्रदीप्ताङ्गारवर्षेण हन्यमाना व्रजन्ति ते ॥ ८ ॥

मूलम्

विश्वास-प्रस्तुतिः

महता पांसुवर्षेण पूर्यमाणा यमं गताः
ये नराः पापकर्माणः पापं भुञ्जन्ति दारुणम् ॥ ९ ॥

मूलम्

विश्वास-प्रस्तुतिः

एवं पापविशेषेण पापिष्ठाः पापकारकाः
नरकं प्रतिभुञ्जन्ति बहुपीडासमाकुलम् ॥ १० ॥

मूलम्

विश्वास-प्रस्तुतिः

एतत्ते सर्वमाख्यातं विवेकं पुण्यपापयोः
अन्यत्किं ते प्रवक्ष्यामि धर्मशास्त्रमनुत्तमम् ॥ ११ ॥

मूलम्

इति श्रीपद्मपुराणे भूमिखण्डे वेनोपाख्याने पितृतीर्थवर्णने ययाति-
चरिते सप्ततितमोऽध्यायः ७०