पुराणे विश्वासटिप्पन्यः

सूत उवाच-

विश्वास-प्रस्तुतिः

नानारत्नैः सुदीप्ताङ्गो हाटकेनापि सर्वतः
राजमानो गिरिश्रेष्ठो यथा सूर्यः स्वरश्मिभिः ॥ १ ॥

मूलम्

विश्वास-प्रस्तुतिः

छायामशोकां सम्प्राप्य शीतलां सुखदायिनीम्
ध्यायन्ति योगिनः सर्वे उपविष्टा दृढासने ॥ २ ॥

मूलम्

विश्वास-प्रस्तुतिः

क्वचित्तपन्ति मुनयः क्वचिद्गायन्ति किन्नराः
सन्तुष्टा ऋषिगन्धर्वा वीणातालकराविलाः ॥ ३ ॥

मूलम्

विश्वास-प्रस्तुतिः

तालमानलये लीनाः स्वरैः सप्तभिरन्वितैः
मूर्च्छनारत्निसंयुक्तैर्व्यक्तं गीतं मनोहरम् ॥ ४ ॥

मूलम्

विश्वास-प्रस्तुतिः

तस्मिन्वै पर्वतश्रेष्ठे चन्दनच्छायसंश्रिताः
गन्धर्वा गीततत्वज्ञा गीतं गायन्ति तत्पराः ॥ ५ ॥

मूलम्

विश्वास-प्रस्तुतिः

नृत्यन्ति योषितस्तत्र देवानां पर्वत्तोत्तमे
पापहा पुण्यदो दिव्यः सुश्रेयसां प्रदायकः ॥ ६ ॥

मूलम्

विश्वास-प्रस्तुतिः

वेदध्वनिः समधुरः श्रूयते पर्वतोत्तमे
चन्दनाशोकपुन्नागैः शालैस्तालैस्तमालकैः ॥ ७ ॥

मूलम्

विश्वास-प्रस्तुतिः

वटैस्तु मेघसङ्काशै राजते पर्वतोत्तमः
सन्तानकैः कल्पवृक्षै रम्भापादपसङ्कुलैः ॥ ८ ॥

मूलम्

विश्वास-प्रस्तुतिः

नगेन्द्रो भाति सर्वत्र नाकवृक्षैः सुपुष्पितैः
नानाधातुसमाकीर्णो नानारत्नचयो गिरिः ॥ ९ ॥

मूलम्

विश्वास-प्रस्तुतिः

नानाकौतुकसंयुक्तो नानामङ्गलसंयुतः
वेदवृन्दैः सुसञ्जुष्टो ह्यप्सरोगणसङ्कुलः ॥ १० ॥

मूलम्

विश्वास-प्रस्तुतिः

ऋषिभिर्मुनिभिः सिद्धैर्गन्धर्वैःपरिभातिसः
गजैश्चाचलसङ्काशैः सिंहनादैर्विराजते ॥ ११ ॥

मूलम्

विश्वास-प्रस्तुतिः

शरभैर्मत्तशार्दूलैर्मृगधूर्तैरलङ्कृतः
वापीकूपतडागैश्च सम्पूर्णैर्विमलोदकैः ॥ १२ ॥

मूलम्

विश्वास-प्रस्तुतिः

हंसकारण्डवाकीर्णैः सर्वत्र परिशोभते
कनकोत्पलैश्च श्वेतैश्च रक्तोत्पलैर्विराजते ॥ १३ ॥

मूलम्

विश्वास-प्रस्तुतिः

नदीस्रवणसङ्घातैर्विमलैश्चोदकैस्तथा
शालतालैश्च रूपैश्च सगजैः स्फाटिकैस्तथा ॥ १४ ॥

मूलम्

विश्वास-प्रस्तुतिः

विस्तीर्णैः काञ्चनैर्दिव्यैः सूर्यवह्निसमप्रभैः
शिलातलैश्च सम्पूर्णः शैलराजो विराजते ॥ १५ ॥

मूलम्

विश्वास-प्रस्तुतिः

विमानैर्देवतानां च प्रासादैः पर्वतोत्तमैः
हंसचन्द्रप्रतीकाशैर्हेमदण्डैरलङ्कृतः ॥ १६ ॥

मूलम्

विश्वास-प्रस्तुतिः

कलशैश्चामरैर्युक्तैः प्रासादैः परिशोभितः
नानागुणप्रमुदित देववृन्दैश्च शोभितः ॥ १७ ॥

मूलम्

विश्वास-प्रस्तुतिः

देववृन्दैरनेकैश्च गन्धर्वैश्चारणैस्तथा
सर्वत्र राजते पुण्यो मेरुर्गिरिवरोत्तमः ॥ १८ ॥

मूलम्

विश्वास-प्रस्तुतिः

तस्माद्गङ्गामहापुण्या पुण्यतोया महानदी
प्रसूता पुण्यतीर्थाढ्या हंसपद्मैः समाकुला ॥ १९ ॥

मूलम्

विश्वास-प्रस्तुतिः

मुनिभिः सेव्यमाना सा ऋषिसङ्घैर्महानदी
एवङ्गुणं गिरिश्रेष्ठं पुण्यकौतुकमङ्गलम् ॥ २० ॥

मूलम्

विश्वास-प्रस्तुतिः

अङ्गश्चात्रिसुतः पुण्यः प्रविवेश महामुनिः
गङ्गातीरे सुपुण्ये च एकान्ते चारुकन्दरे ॥ २१ ॥

मूलम्

विश्वास-प्रस्तुतिः

तत्रोपविश्य मेधावी कामक्रोधविवर्जितः
सर्वेन्द्रियाणि संयम्य हृषीकेशं मनोगतम् ॥ २२ ॥

मूलम्

विश्वास-प्रस्तुतिः

ध्यायमानः स धर्मात्मा कृष्णं क्लेशापहं प्रभुम्
आसने शयने याने ध्याने च मधुसूदनम् ॥ २३ ॥

मूलम्

विश्वास-प्रस्तुतिः

नित्यं पश्यति युक्तात्मा योगयुक्तो जितेन्द्रियः
चराचरेषु जीवेषु तेषु पश्यति केशवम् ॥ २४ ॥

मूलम्

विश्वास-प्रस्तुतिः

आर्द्रेषु चैव शुष्केषु सर्वेष्वन्येषु स द्विजः
एवं वर्षशतं जातं तप्यमानस्य तस्य च ॥ २५ ॥

मूलम्

विश्वास-प्रस्तुतिः

समालोक्य जगन्नाथश्चक्रपाणिर्द्विजोत्तमम्
बहुविघ्नान्सुघोरांश्च दर्शयत्येव नित्यशः ॥ २६ ॥

मूलम्

विश्वास-प्रस्तुतिः

तेजसा तस्य देवस्य नृसिंहस्य महात्मनः
निरातङ्कः स धर्मात्मा दहत्यग्निरिवेन्धनम् ॥ २७ ॥

मूलम्

विश्वास-प्रस्तुतिः

नियमैः संयमैश्चान्यैरुपवासैर्द्विजोत्तमः
क्षीयमाणस्तु सञ्जातो दीप्यमानः स्वतेजसा ॥ २८ ॥

मूलम्

विश्वास-प्रस्तुतिः

सूर्यपावकसङ्काशस्त्वङ्ग एवं प्रदृश्यते
एवं तपःसु निरतं ध्यायमानं जनार्दनम् ॥ २९ ॥

मूलम्

विश्वास-प्रस्तुतिः

आविर्भूयाब्रवीद्देवो वरं वरय मानद
तं च दृष्ट्वा हृषीकेशमङ्गः परम निर्वृतः ॥ ३० ॥

मूलम्

विश्वास-प्रस्तुतिः

तुष्टाव प्रणतो भूत्वा वासुदेवं प्रसन्नधीः ॥ ३१ ॥

मूलम्

तुष्टाव प्रणतो भूत्वा वासुदेवं प्रसन्नधीः ॥ ३१ ॥

विश्वास-प्रस्तुतिः

अङ्ग उवाच-
त्वं गतिः सर्वभूतानां भूतभावन पावन
भूतात्मा सर्वभूतेश नमस्तुभ्यं गुणात्मने ॥ ३२ ॥

मूलम्

विश्वास-प्रस्तुतिः

गुणरूपाय गुह्याय गुणातीताय ते नमः
गुणाय गुणकर्त्रे च गुणाढ्याय गुणात्मने ॥ ३३ ॥

मूलम्

विश्वास-प्रस्तुतिः

भवाय भवकर्त्रे च भक्तानां भवहारिणे
भवोद्भवाय गुह्याय नमो भवविनाशिने ॥ ३४ ॥

मूलम्

भवाय भवकर्त्रे च भक्तानां भवहारिणे
भवोद्भवाय गुह्याय नमो भवविनाशिने ॥ ३४ ॥

विश्वास-प्रस्तुतिः

यज्ञाय यज्ञरूपाय यज्ञेशाय नमोनमः
यज्ञकर्मप्रसङ्गाय नमः शङ्खधराय च ॥ ३५ ॥

मूलम्

यज्ञाय यज्ञरूपाय यज्ञेशाय नमोनमः
यज्ञकर्मप्रसङ्गाय नमः शङ्खधराय च ॥ ३५ ॥

विश्वास-प्रस्तुतिः

नमोनमो हिरण्याय नमो रथाङ्गधारिणे
सत्याय सत्यभावाय सर्वसत्यमयाय च ॥ ३६ ॥

मूलम्

नमोनमो हिरण्याय नमो रथाङ्गधारिणे
सत्याय सत्यभावाय सर्वसत्यमयाय च ॥ ३६ ॥

विश्वास-प्रस्तुतिः

धर्माय धर्मकर्त्रे च सर्वकर्त्रे च ते नमः
धर्माङ्गाय सुवीराय धर्माधाराय ते नमः ॥ ३७ ॥

मूलम्

विश्वास-प्रस्तुतिः

नमः पुण्याय पुत्राय ह्यपुत्राय महात्मने
मायामोहविनाशाय सर्वमायाकराय ते ॥ ३८ ॥

मूलम्

विश्वास-प्रस्तुतिः

मायाधराय मूर्ताय त्वमूर्ताय नमोनमः
सर्वमूर्तिधरायैव शङ्कराय नमोनमः ॥ ३९ ॥

मूलम्

मायाधराय मूर्ताय त्वमूर्ताय नमोनमः
सर्वमूर्तिधरायैव शङ्कराय नमोनमः ॥ ३९ ॥

विश्वास-प्रस्तुतिः

ब्रह्मणे ब्रह्मरूपाय परब्रह्मस्वरूपिणे
नमस्ते सर्वधाम्ने च नमो धामधराय च ॥ ४० ॥

मूलम्

विश्वास-प्रस्तुतिः

श्रीमते श्रीनिवासाय श्रीधराय नमोनमः
क्षीरसागरवासाय चामृताय च ते नमः ॥ ४१ ॥

मूलम्

श्रीमते श्रीनिवासाय श्रीधराय नमोनमः
क्षीरसागरवासाय चामृताय च ते नमः ॥ ४१ ॥

विश्वास-प्रस्तुतिः

महौषधाय घोराय महाप्रज्ञापराय च
अक्रूराय प्रमेध्याय मेध्यानां पतये नमः ॥ ४२ ॥

मूलम्

विश्वास-प्रस्तुतिः

अनन्ताय ह्यशेषाय चानघाय नमोनमः
आकाशस्य प्रकाशाय पक्षिरूपाय ते नमः ॥ ४३ ॥

मूलम्

अनन्ताय ह्यशेषाय चानघाय नमोनमः
आकाशस्य प्रकाशाय पक्षिरूपाय ते नमः ॥ ४३ ॥

विश्वास-प्रस्तुतिः

हुताय हुतभोक्त्रे च हवीरूपाय ते नमः
बुद्धाय बुधरूपाय सदाबुद्धाय ते नमः ॥ ४४ ॥

मूलम्

विश्वास-प्रस्तुतिः

नमो हव्यायकव्याय स्वधाकाराय ते नमः
स्वाहाकाराय शुद्धाय ह्यव्यक्ताय महात्मने ॥ ४५ ॥

मूलम्

विश्वास-प्रस्तुतिः

व्यासाय वासवायैव वसुरूपाय ते नमः
वासुदेवाय विश्वाय वह्निरूपाय ते नमः
हरये केवलायैव वामनाय नमोनमः ॥ ४६ ॥

मूलम्

विश्वास-प्रस्तुतिः

नमो नृसिंहदेवाय सत्वपालाय ते नमः ॥ ४७ ॥

मूलम्

नमो नृसिंहदेवाय सत्वपालाय ते नमः ॥ ४७ ॥

विश्वास-प्रस्तुतिः

नमो गोविन्दगोपाय नम एकाक्षराय च
नमः सर्वाक्षरायैव हंसरूपाय ते नमः ॥ ४८ ॥

मूलम्

नमो गोविन्दगोपाय नम एकाक्षराय च
नमः सर्वाक्षरायैव हंसरूपाय ते नमः ॥ ४८ ॥

विश्वास-प्रस्तुतिः

त्रितत्त्वाय नमस्तुभ्यं पञ्चतत्त्वाय ते नमः
पञ्चविंशतितत्त्वाय तत्त्वाधाराय वै नमः ॥ ४९ ॥

मूलम्

विश्वास-प्रस्तुतिः

कृष्णाय कृष्णरूपाय लक्ष्मीनाथाय ते नमः
नमः पद्मपलाशाय आनन्दाय पराय च ॥ ५० ॥

मूलम्

विश्वास-प्रस्तुतिः

नमो विश्वम्भरायैव पापनाशाय वै नमः
नमः पुण्यसुपुण्याय सत्यधर्माय ते नमः ॥ ५१ ॥

मूलम्

विश्वास-प्रस्तुतिः

नमोनमः शाश्वतअव्ययाय नमोनमः सङ्घ नभोमयाय
श्रीपद्मनाभाय महेश्वराय नमामि ते केशवपादपद्मम् ॥ ५२ ॥

मूलम्

विश्वास-प्रस्तुतिः

आनन्दकन्द कमलाप्रिय वासुदेव सर्वेश ईश मधुसूदन देहि दास्यम्
पादौ नमामि तव केशव जन्मजन्म कृपां कुरुष्व मम शान्तिद शङ्खपाणे ॥ ५३ ॥

मूलम्

विश्वास-प्रस्तुतिः

संसारदारुणहुताशनतापदग्धं पुत्रादिबन्धुमरणैर्बहुशोकतापैः
ज्ञानाम्बुदेन मम प्लावय पद्मनाभ दीनस्य मच्छरणरूपभवस्व नाथ ॥ ५४ ॥

मूलम्

विश्वास-प्रस्तुतिः

एवं स्तोत्रं समाकर्ण्य त्वङ्गस्यापि महात्मनः
दर्शयित्वा स्वकं रूपं घनश्यामं महौजसम् ॥ ५५ ॥

मूलम्

विश्वास-प्रस्तुतिः

शङ्खचक्रगदापाणिं पद्महस्तं महाप्रभुम्
वैनतेयसमारूढमात्मरूपं प्रदर्शितम् ॥ ५६ ॥

मूलम्

विश्वास-प्रस्तुतिः

सर्वाभरणशोभाङ्गं हारकङ्कणकुण्डलैः
राजमानं परं दिव्यं निर्मलं वनमालया ॥ ५७ ॥

मूलम्

विश्वास-प्रस्तुतिः

अङ्गस्याग्रे हृषीकेशः शोभमान महत्प्रभः
श्रीवत्साङ्केन पुण्येन कौस्तुभेन जनार्दनः ॥ ५८ ॥

मूलम्

विश्वास-प्रस्तुतिः

दर्शयित्वा स्वकं देहं सर्वदेवमयो हरिः
स उवाच महात्मानं तमङ्गमृषिसत्तमम् ॥ ५९ ॥

मूलम्

विश्वास-प्रस्तुतिः

भो भो विप्र महाभाग श्रूयतां वचनं शुभम्
मेघगम्भीरघोषेण समाभाष्य द्विजोत्तमम् ॥ ६० ॥

मूलम्

विश्वास-प्रस्तुतिः

तपसानेन तुष्टोस्मि वरं वरय शोभनम्
तुष्यमाणं हृषीकेशं तं दृष्ट्वा कमलापतिम् ॥ ६१ ॥

मूलम्

विश्वास-प्रस्तुतिः

दीप्यमानं विराजन्तं विश्वरूपं जनेश्वरम्
पादाम्बुजद्वयं तस्य प्रणम्य च पुनःपुनः ॥ ६२ ॥

मूलम्

विश्वास-प्रस्तुतिः

हर्षेण महताविष्टस्तमुवाच जनार्दनम्
दासोहं तव देवेश शङ्खचक्रगदाधर ॥ ६३ ॥

मूलम्

हर्षेण महताविष्टस्तमुवाच जनार्दनम्
दासोहं तव देवेश शङ्खचक्रगदाधर ॥ ६३ ॥

विश्वास-प्रस्तुतिः

वरं मे दातुकामोसि देहि त्वं वंशजं सुतम्
दिवि शक्रो यथाऽभाति सर्वतेजः समन्वितः ॥ ६४ ॥

मूलम्

विश्वास-प्रस्तुतिः

तादृशं देहि मे पुत्रं सर्वलोकस्य रक्षकम्
सर्वदेवप्रियं देव ब्रह्मण्यं धर्मपण्डितम् ॥ ६५ ॥

मूलम्

विश्वास-प्रस्तुतिः

दातारं ज्ञानसम्पन्नं धर्मतेजः समन्वितम्
त्रैलोक्यरक्षकं कृष्ण सत्यधर्मानुपालकम् ॥ ६६ ॥

मूलम्

विश्वास-प्रस्तुतिः

यज्वनामुत्तमं चैकं शूरं त्रैलोक्यभूषणम्
ब्रह्मण्यं वेदविद्वांसं सत्यसन्धं जितेन्द्रियम् ॥ ६७ ॥

मूलम्

विश्वास-प्रस्तुतिः

अजितं सर्वजेतारं विष्णुं तेजःसमप्रभम्
वैष्णवं पुण्यकर्तारं पुण्यजं पुण्यलक्षणम् ॥ ६८ ॥

मूलम्

विश्वास-प्रस्तुतिः

शान्तं तु तपसोपेतं सर्वशास्त्रविशारदम्
वेदज्ञं योगिनां श्रेष्ठं भवतो गुणसन्निभम् ॥ ६९ ॥

मूलम्

विश्वास-प्रस्तुतिः

ईदृशं देहि मे पुत्रं दातुकामो यदा वरम्
श्रीवासुदेव उवाच-
एभिर्गुणैः समोपेतस्तव पुत्रो भविष्यति ॥ ७० ॥

मूलम्

विश्वास-प्रस्तुतिः

अत्रिवंशस्य वै धर्ता विश्वस्यास्य महामते
तेजसा यशसा पुण्यैः पितरं चोद्धरिष्यति ॥ ७१ ॥

मूलम्

विश्वास-प्रस्तुतिः

उद्धरिष्यति यः सत्यैः पितरं च पितामहम्
भवान्यास्यति मे स्थानं तद्विष्णोः परमं पदम् ॥ ७२ ॥

मूलम्

विश्वास-प्रस्तुतिः

इत्युक्त्वा देवदेवेशस्तमङ्गं प्रति स द्विज
कस्यचित्पुण्यवीर्यस्य पुण्यां कन्यां विवाहय ॥ ७३ ॥

मूलम्

विश्वास-प्रस्तुतिः

तस्यामुत्पादय सुतं शुभं पुण्यावह प्रियम्
स भविष्यति धर्मात्मा मत्प्रसादान्महामते ॥ ७४ ॥

मूलम्

विश्वास-प्रस्तुतिः

सर्वज्ञः सर्ववेत्ता च यादृशो वाञ्छितस्त्वया
एवं वरं ततो दत्वा अन्तर्धानं गतो हरिः ॥ ७५ ॥

मूलम्

इति श्रीपद्मपुराणे भूमिखण्डे वेनोपाख्याने अङ्गवरप्रदानं
नाम द्वात्रिंशोऽध्यायः ३२