पुराणे विश्वासटिप्पन्यः

सूत उवाच-

विश्वास-प्रस्तुतिः

तदादाय महात्माऽसौ निर्जगाम त्वरान्वितः
पितृभक्त्या तपोभिश्च सत्यार्जवबलेन सः ॥ १ ॥

मूलम्

विश्वास-प्रस्तुतिः

धर्ममाकृष्टवांश्चैव धर्मशर्मा ततस्तदा
समाकृष्टस्तु वै धर्मस्तपसा तस्य धीमतः ॥ २ ॥

मूलम्

विश्वास-प्रस्तुतिः

धर्मशर्माणमायातं इदं वचनमब्रवीत्
कस्मात्त्वया समाहूतो धर्मशर्मन्समागतः ॥ ३ ॥

मूलम्

विश्वास-प्रस्तुतिः

तन्मे कथय कार्यं त्वं तत्करोमि न संशयः
धर्मशर्मोवाच-
यद्यस्ति गुरुशुश्रूषा यदि निष्ठाऽचलं तपः ॥ ४ ॥

मूलम्

विश्वास-प्रस्तुतिः

तेन सत्येन मे धर्म वेदशर्मा स जीवतु
धर्म उवाच-
दमशौचेन सत्येन तपसा तव सुव्रत ॥ ५ ॥

मूलम्

विश्वास-प्रस्तुतिः

पितृभक्त्या तव भ्राता वेदशर्मा महाभुजः
पुनरेव महात्मासौ जीवनं च लभिष्यति ॥ ६ ॥

मूलम्

विश्वास-प्रस्तुतिः

तपसानेन तुष्टोस्मि पितृभक्त्या महामते
वरं वरय भद्रं ते दुर्लभं धर्मवित्तमैः ॥ ७ ॥

मूलम्

विश्वास-प्रस्तुतिः

एवमाकर्णितं तेन सुवाक्यं धर्मशर्मणा
वैवस्वतं महात्मानं समुवाच महायशाः ॥ ८ ॥

मूलम्

विश्वास-प्रस्तुतिः

देहि मे त्वचलां भक्तिं पितुः पादार्हणे पुनः
धर्मे रतिं तथा मोक्षं सुप्रसन्नो यदा मम ॥ ९ ॥

मूलम्

विश्वास-प्रस्तुतिः

तमुवाच ततो धर्मो मत्प्रसादाद्भविष्यति
एवमुक्ते महावाक्ये वेदशर्मा तदोत्थितः ॥ १० ॥

मूलम्

विश्वास-प्रस्तुतिः

प्रसुप्तवन्महाप्राज्ञो धर्मशर्माणमब्रवीत्
क्व सा देवी गता भ्रातः क्व स तातो भवेदिति ॥ ११ ॥

मूलम्

विश्वास-प्रस्तुतिः

समासेन समाख्यातं यथा पित्रा नियोजितः
समाज्ञाय ततो हृष्टो धर्मशर्मा तमब्रवीत् ॥ १२ ॥

मूलम्

विश्वास-प्रस्तुतिः

ममाद्यैव महाभाग शिरसा जीवितेन च
सम्मुखी भव वै भ्रातः कोन्यो मे त्वादृशो भुवि ॥ १३ ॥

मूलम्

विश्वास-प्रस्तुतिः

भ्रातरं चैवमाभाष्य उत्सुकः पितरं प्रति
गमनाय मतिं चक्रे भ्रात्रा च धर्मशर्मणा ॥ १४ ॥

मूलम्

विश्वास-प्रस्तुतिः

द्वावेतौ तु गतौ तत्र पितरं हृष्टमानसौ
द्वाभ्यां तत्र समास्थाय शिवशर्माणमुत्तमम् ॥ १५ ॥

मूलम्

विश्वास-प्रस्तुतिः

धर्मशर्मा तदोवाच पितरं दीप्तिसंयुतम्
ममाद्यैव महाभाग तपसा जीवितेन च ॥ १६ ॥

मूलम्

विश्वास-प्रस्तुतिः

वेदशर्मा समानीतस्तं पुत्रं प्रगृहाण भोः
शिवशर्मा ततो हृष्टो भक्तिं विज्ञाय तस्य च ॥ १७ ॥

मूलम्

विश्वास-प्रस्तुतिः

न किञ्चिदब्रवीत्तं तु पुनश्चिन्तामुपेयिवान्
पुरतो विनयेनापि वर्तमानं महामतिम् ॥ १८ ॥

मूलम्

विश्वास-प्रस्तुतिः

विष्णुशर्माणमाभाषीद्वत्स मे वचनं कुरु
इन्द्रलोकं व्रजस्वाद्य तस्मादानय चामृतम् ॥ १९ ॥

मूलम्

विश्वास-प्रस्तुतिः

अनया कान्तया सार्द्धं स्थातुमिच्छामि साम्प्रतम्
सागराद्यत्समुत्पन्नममृतं व्याधिनाशनम् ॥ २० ॥

मूलम्

विश्वास-प्रस्तुतिः

साधुनेच्छति मामेषा यथैनां तु लभाम्यहम्
तथा कुरुष्व शीघ्रं त्वमन्यथान्यं प्रयास्यति ॥ २१ ॥

मूलम्

विश्वास-प्रस्तुतिः

वृद्धं ज्ञात्वावमन्येत इयं बाला सुरूपिणी
अद्य देव्यानया सार्द्धं प्रियया भुवनत्रये ॥ २२ ॥

मूलम्

विश्वास-प्रस्तुतिः

निर्दोषो व्याधिनिर्मुक्तो यथा तात भवाम्यहम्
तथा कुरुष्व मे वत्स मद्भक्तोसि यदा भुवि ॥ २३ ॥

मूलम्

विश्वास-प्रस्तुतिः

एवमाकर्ण्य तद्वाक्यं पितुस्तस्य महात्मनः
विष्णुशर्मा तदोवाच पितरं दीप्ततेजसम् ॥ २४ ॥

मूलम्

विश्वास-प्रस्तुतिः

सर्वमेतत्करिष्यामि भवतः सुखमुत्तमम्
एवमाभाष्य धर्मात्मा विष्णुशर्मा महामतिः ॥ २५ ॥

मूलम्

विश्वास-प्रस्तुतिः

पितरं तं नमस्कृत्य पुनः कृत्वा प्रदक्षिणम्
बलेन महता सोपि तपसा नियमेन च ॥ २६ ॥

मूलम्

विश्वास-प्रस्तुतिः

अन्तरिक्षगतश्चासीद्गच्छमानस्य धीमतः
स महावायुवेगेन ऐन्द्रं सम्प्रतिगच्छति ॥ २७ ॥

मूलम्

इति श्रीपद्मपुराणे भूमिखण्डे शिवशर्मचरिते द्वितीयोऽध्यायः २