पुराणे विश्वासटिप्पन्यः

व्यास उवाच-

विश्वास-प्रस्तुतिः

श्रुत्वा महेश्वराद्वाक्यं देवाः शक्रपुरोगमाः
दुद्रुवुर्दैत्यसङ्घांस्तान्सर्वे सर्वान्समन्ततः॥ १ ॥

मूलम्

विश्वास-प्रस्तुतिः

आजगाम महाबाहुः कुम्भो नाम महासुरः
नैर्ऋतो यक्षराजानं गदया चाहनद्भृशम्॥ २ ॥

मूलम्

विश्वास-प्रस्तुतिः

गुह्यकेशो गदापातैर्जघान भृशमुत्तमम्
ततोन्योन्यं गदायुद्धमभवद्भीषणं तयोः॥ ३ ॥

मूलम्

विश्वास-प्रस्तुतिः

चक्रबन्धं महाबन्धं पुरोवध्यनिबन्धनम्
प्राचुरं भीषणं यानं स्फोटतैलाभिवास्तिकम्॥ ४ ॥

मूलम्

विश्वास-प्रस्तुतिः

तेन कृत्वा महायुद्धमवसाने धनेश्वरः
पातयामास तं स्फोटं तस्य कुम्भस्य चोरसि॥ ५ ॥

मूलम्

विश्वास-प्रस्तुतिः

भग्नदंष्ट्रस्ततः कुम्भो निपपात महीतले
स्यन्दनस्थो महावीर्यो जम्भो हरिहयं तदा॥ ६ ॥

मूलम्

विश्वास-प्रस्तुतिः

जघानशरसङ्घैश्च तथैवैरावणं भृशम्
वासवो भिदुरेणैव सम्बिभेदासुरोत्तमम्॥ ७ ॥

मूलम्

विश्वास-प्रस्तुतिः

स पपात धरापृष्ठे गतासुर्लोहितोक्षितः
तथारण्यं सुघोरं च अघोरं घोरमेव च॥ ८ ॥

मूलम्

विश्वास-प्रस्तुतिः

चतुरो गणमुख्यांश्च शक्त्या बिभेद संयुगे
सेनान्यश्चैव प्रत्येकं पातयामास लाघवात्॥ ९ ॥

मूलम्

विश्वास-प्रस्तुतिः

सौरभं शरसङ्घैश्च जयन्तो वशमानयत्
शक्तिहस्तं च संह्रादं यमदण्डं नरान्तकम्॥ १० ॥

मूलम्

विश्वास-प्रस्तुतिः

हत्वा च पातयामास स भस्मीकृतविग्रहः
कालश्च खड्गपातेन पातयामास बाभ्रवम्॥ ११ ॥

मूलम्

विश्वास-प्रस्तुतिः

शक्त्या मृत्युर्बिभेदाश्वं तथा निर्घृणकं रणे
अग्निना दह्यमानाश्च सप्तैते च महाबलाः॥ १२ ॥

मूलम्

विश्वास-प्रस्तुतिः

भद्रबाहुर्महाबाहुः सुगन्धो गन्ध एव च
भौरिको वल्लिको भीम एते सेनाग्रगामिनः॥ १३ ॥

मूलम्

विश्वास-प्रस्तुतिः

रणे सन्दग्धदेहाश्च पेतुरुर्व्यां गतासवः
पाशबद्धा महावीर्या वरुणस्य महात्मनः॥ १४ ॥

मूलम्

विश्वास-प्रस्तुतिः

पेतुरुर्व्यां महासत्वाः शूराः शूरभयानकाः
शूरस्य रश्मिजालेन निहताः पञ्चदानवाः॥ १५ ॥

मूलम्

विश्वास-प्रस्तुतिः

तुरुतुम्बुरुदुर्मेधस्साधका साधकाभिधाः
क्रूर क्रौञ्च रणेशान मोदसम्मोद षण्मुखाः॥ १६ ॥

मूलम्

विश्वास-प्रस्तुतिः

शरैर्निपातिता दैत्याः संयुगे मातरिश्वना
नैर्ऋतो गदया भीमं पातयामास भूतले॥ १७ ॥

मूलम्

विश्वास-प्रस्तुतिः

शूलपातैश्च रुद्राणां शतशो दैत्यदानवाः
निपेतुः संयुगे भीताः सम्मुखा रणपण्डिताः॥ १८ ॥

मूलम्

विश्वास-प्रस्तुतिः

वसूनां शरपातैश्च शूराणां रश्मिमालिनाम्
मेघानां करकाभिश्च वज्रपातैस्सुदारुणैः॥ १९ ॥

मूलम्

विश्वास-प्रस्तुतिः

निपातिता रणे दैत्याः शतशो बलशालिनः
कुबेरस्य गदापातैर्निपतन्ति सहस्रशः॥ २० ॥

मूलम्

विश्वास-प्रस्तुतिः

शक्रस्य भिदुरेणैव भेदिता दैत्यपुङ्गवाः
असङ्ख्याताः पतन्त्युर्व्यां स्कन्दशक्त्या तथा हताः॥ २१ ॥

मूलम्

विश्वास-प्रस्तुतिः

गणेशपर्शुपातेन पतन्ति मुख्यमुख्यकाः
वैकुण्ठकरमुक्तेन चक्रेण तीव्रकर्मणा॥ २२ ॥

मूलम्

विश्वास-प्रस्तुतिः

दैत्यानां प्रवराणां च शिरांसि निपतन्ति कौ
शमनो यमदण्डेन कोटिकोटिसहस्रशः॥ २३ ॥

मूलम्

विश्वास-प्रस्तुतिः

अपातयत्तदा भूम्यां कालः खड्गेन दानवान्
मृत्युश्शक्त्या तथा दैत्यान्पाशी पाशेन चापरान्॥ २४ ॥

मूलम्

विश्वास-प्रस्तुतिः

पातेन तक्षकादीनां सुधांशोः शिशिरेण च
अश्वारोही खरोमन्योहनिपाशस्तथा गजान्॥ २५ ॥

मूलम्

विश्वास-प्रस्तुतिः

परिघेण गजं कुम्भे दैत्यानां नाशयत्ततः
एवमश्वान्गजांश्चैव लाघवात्स न्यपातयत्॥ २६ ॥

मूलम्

विश्वास-प्रस्तुतिः

एवं सिद्धैश्च गन्धर्वैरप्सरोभिर्महाबलैः
अन्याभिर्देवताभिश्च समातृगणनायकैः॥ २७ ॥

मूलम्

विश्वास-प्रस्तुतिः

निपातिता महोघोरा ये ते प्रलयदानवाः
शरैश्च खड्गपातैश्च शूलशक्तिपरश्वधैः॥ २८ ॥

मूलम्

विश्वास-प्रस्तुतिः

यष्टिपरिघकुन्तैश्च पातयन्त्यसुरान्सुराः
एवं सङ्क्षीयमाणेषु दैत्यराट्समपद्यत॥ २९ ॥

मूलम्

विश्वास-प्रस्तुतिः

आदित्यरथसङ्काशं रथरत्नविभूषितम्
शातकुम्भमयं दिव्यं घण्टाचामरभूषितम्॥ ३० ॥

मूलम्

विश्वास-प्रस्तुतिः

पताकाध्वजसम्पूर्णं रम्यं शक्ररथोपमम्
समारुह्य महावीरो हिरण्याक्षोऽसुराधिपः॥ ३१ ॥

मूलम्

विश्वास-प्रस्तुतिः

जघान शरजालैश्च दुर्निवार्यः सुरासुरैः
ससैन्यानि गजान्वीरो रथांश्च सह सैन्धवान्॥ ३२ ॥

मूलम्

विश्वास-प्रस्तुतिः

पातयामास भूमौ च शतशोथ सहस्रशः
एवं चरन्स वृन्देषु निखिलेषु दिवौकसाम्॥ ३३ ॥

मूलम्

पातयामास भूमौ च शतशोथ सहस्रशः
एवं चरन्स वृन्देषु निखिलेषु दिवौकसाम्॥ ३३ ॥

विश्वास-प्रस्तुतिः

पातयामास दैत्येन्द्रः शरौघान्मृत्युसन्निभान्
क्रमेण समरे चाथ देवसैन्यान्यमन्थत॥ ३४ ॥

मूलम्

विश्वास-प्रस्तुतिः

यथा पुष्करिणीवृन्दे गजः कञ्जवनं शितैः
शरपातैरथो वेगात्सिंहनादैः पुनः पुनः॥ ३५ ॥

मूलम्

विश्वास-प्रस्तुतिः

धरण्यां पतिता वेगात्तदा दैत्येश्वरस्य च
दशभिश्च सुतीक्ष्णाग्रैर्जयन्तं स जघान ह॥ ३६ ॥

मूलम्

विश्वास-प्रस्तुतिः

रेमन्तं पञ्चभिर्बाणैः शक्रं पञ्चदशेन तु
चित्ररथं विंशतिभिःपञ्चविंशतिभिर्गुहम्॥ ३७ ॥

मूलम्

विश्वास-प्रस्तुतिः

हेरम्बं त्रिशरेणैव चत्वारिंशच्छरैर्यमम्
तथैव कालं मृत्युं च पाणिना द्विगुणेन च॥ ३८ ॥

मूलम्

विश्वास-प्रस्तुतिः

गुह्यकेशं जगत्प्राणं दशभिर्दशभिः शरैः
षडिभश्च सप्तभिश्चैव रुद्रान्सर्वान्पृथक्पृथक्॥ ३९ ॥

मूलम्

विश्वास-प्रस्तुतिः

वसून्सर्वांश्च सशरैः सिद्धगन्धर्वपन्नगान्
दशाष्टदशभिः षडिभर्युद्धे देवान्भिनत्त्यसौ॥ ४० ॥

मूलम्

विश्वास-प्रस्तुतिः

ओजौघादतिवीर्यात्तु शीघ्रलाघवर्दशनान्
आपत्प्राप्ताः सुरा भीत्या प्रतिकर्तुं न चेश्वराः॥ ४१ ॥

मूलम्

विश्वास-प्रस्तुतिः

महेशशूलसङ्काशैः शरैर्मर्मविभेदिभिः
ताडिता निर्जरा युद्धे मूर्च्छिता धरणीं ययुः॥ ४२ ॥

मूलम्

विश्वास-प्रस्तुतिः

तस्यैव सम्मुखे स्थातुं न शेकुः प्रवरास्सुराः
ततो देवा विनिर्धूतास्त्रिदिवेशेन संयुताः॥ ४३ ॥

मूलम्

विश्वास-प्रस्तुतिः

शरण्यं ते हरिं तत्र शरणं ताडिता ययुः
एतस्मिन्नन्तरे विष्णुः प्राह जिष्णुं खगेश्वरम्॥ ४४ ॥

मूलम्

विश्वास-प्रस्तुतिः

अधुना गच्छ दैत्यस्य सम्मुखं रणमूर्धनि
नाशाय सततस्तूर्णं गतस्तस्यान्तिकं जवात्॥ ४५ ॥

मूलम्

विश्वास-प्रस्तुतिः

सरथं मार्गणैर्भित्वा विष्णुमारोधयज्जवम्
रथस्य सम्मुखे दैत्य उवाच विष्णुमव्ययम्॥ ४६ ॥

मूलम्

विश्वास-प्रस्तुतिः

अन्य सृष्टिं करोम्यद्य हत्वा त्वां च सनिर्ज्जरम्
ततो विष्णुरुवाचेदं गर्जन्तं दैत्यपुङ्गवम्॥ ४७ ॥

मूलम्

विश्वास-प्रस्तुतिः

शक्तस्त्वं स्पर्द्धने पाप यदि युद्धे स्थिरो भव
ततः शरशतैरेव जघान विष्णुमव्ययम्॥ ४८ ॥

मूलम्

विश्वास-प्रस्तुतिः

असम्भ्रान्तः स चिच्छेद यमदण्डनिभान्शरान्
पुनः शरसहस्राणि प्रेरयामास तं रणे॥ ४९ ॥

मूलम्

विश्वास-प्रस्तुतिः

तांश्च छित्वा शरैः शौरिस्तं च विव्याध मार्गणैः
प्रगौरवादहार्याभैः संस्पर्शाद्बाडवानलैः॥ ५० ॥

मूलम्

विश्वास-प्रस्तुतिः

शरैश्च भेदकैस्तीक्ष्णैः खगमैश्च मनोजवैः
लाघवात्केशवास्त्रस्य तूलशुष्कतृणोपमैः॥ ५१ ॥

मूलम्

विश्वास-प्रस्तुतिः

हैमैः शरसहस्रैस्तु ताडितो दैत्यपुङ्गवः
बाधयाभ्यर्दितः क्रुद्धो धृत्वा शिखरिणं रणे॥ ५२ ॥

मूलम्

विश्वास-प्रस्तुतिः

जघान माधवं वेगाद्धिरण्याक्षो महाबलः
तं च सञ्चूर्णयामास गदया लीलया हरिः॥ ५३ ॥

मूलम्

विश्वास-प्रस्तुतिः

एवं पर्वतसाहस्रं पातितं तु क्रमेण हि
तथैव लाघवाच्चूर्णं हरिणा दानवारिणा॥ ५४ ॥

मूलम्

विश्वास-प्रस्तुतिः

पुनर्बाहुसहस्राणि कृत्वासौ दानवोत्तमः
शरैः शक्तिभिरत्युग्रैः शूलैः परशुकादिभिः॥ ५५ ॥

मूलम्

विश्वास-प्रस्तुतिः

ववर्ष बहुभिर्विष्णुं क्रोधाविष्टेन चेतसा
तांस्तु तेनैव प्रहितांश्चिच्छेद सुरसत्तमः॥ ५६ ॥

मूलम्

विश्वास-प्रस्तुतिः

शरैर्दीप्तैर्महाघोरैरसुराणां भयङ्करैः
विव्याध सर्वगात्रेषु शम्भुशूलोपमैश्शरैः॥ ५७ ॥

मूलम्

विश्वास-प्रस्तुतिः

दानवाधिपतिः सङ्ख्ये ह्यव्ययो हरिरीश्वरः
स च कश्मलतां गत्वा सर्वशक्तिमनुत्तमाम्॥ ५८ ॥

मूलम्

विश्वास-प्रस्तुतिः

कालजिह्वोपमां घोरामष्टघण्टासमन्विताम्
हरेरुरसि पीने च विद्रुत्या पातयद्द्रुतम्॥ ५९ ॥

मूलम्

विश्वास-प्रस्तुतिः

शुशुभे स सुरश्रेष्ठस्तडित्त्वत्सान्द्रमेघवत्
ततश्च चुक्रुशुर्दैत्या जयेति साधुवादिनः॥ ६० ॥

मूलम्

विश्वास-प्रस्तुतिः

ततश्चक्रं दैत्यसैन्ये दानवारिर्व्यसर्जयत्
तेषां शिरांसि सञ्च्छिद्य माधवं पुनरागमत्॥ ६१ ॥

मूलम्

विश्वास-प्रस्तुतिः

स दैत्यं शक्तिपातेन पातयामास वै रणे
चिरात्सञ्ज्ञां समालम्ब्य वह्निबाणेन केशवम्॥ ६२ ॥

मूलम्

विश्वास-प्रस्तुतिः

निजघान रणे क्रुद्धो हरिः कौबेरमाक्षिपत्
ततो मुमोच मायास्त्रं चासुरं चातिदारुणम्॥ ६३ ॥

मूलम्

विश्वास-प्रस्तुतिः

सिंहव्याघ्रलुलायांश्च तद्वद्द्विप सरीसृपान्
जघान समरे विष्णुं हिरण्याक्षः प्रतापवान्॥ ६४ ॥

मूलम्

विश्वास-प्रस्तुतिः

ततो मायास्त्रसम्भूतान्शस्त्रास्त्रौघान्रणे हरिः
प्रचिच्छेद शरैरेव शूलेनैवमताडयत्॥ ६५ ॥

मूलम्

विश्वास-प्रस्तुतिः

स विह्वलित सर्वाङ्गस्तत्क्षणं लोहितोक्षितः
विचकर्ष हरन्विष्णुरसृग्विप्लुतविग्रहः॥ ६६ ॥

मूलम्

विश्वास-प्रस्तुतिः

तच्छूलं च त्रिभिर्बाणैः प्रविव्याध सुराधिपः
वरूथं सध्वजं केतुं रथं चैवातपत्रकम्॥ ६७ ॥

मूलम्

विश्वास-प्रस्तुतिः

यन्तारं च प्रचिच्छेद दशभिश्च हरिः शरैः
पातिते च रथे दैत्यः सम्प्लुत्याथ रथं परम्॥ ६८ ॥

मूलम्

विश्वास-प्रस्तुतिः

आरुरोह स दैत्येन्द्रः सम्मुखं चाकरोद्बली
ततो युद्धं महाघोरमभवल्लोमहर्षणम्॥ ६९ ॥

मूलम्

विश्वास-प्रस्तुतिः

हिरण्याक्षस्य च हरेर्लोकविस्मापनं महत्
अस्त्रयुद्धं तथान्योन्यं कृतप्रतिकृतं च तत्॥ ७० ॥

मूलम्

विश्वास-प्रस्तुतिः

ततो नियुद्धे सततं दिव्यवर्षशतं गतम्
ततो दैत्यो महासत्वो ववृधे वामनो यथा॥ ७१ ॥

मूलम्

विश्वास-प्रस्तुतिः

मुखेन जग्राह रुषा त्रैलोक्यं सचराचरम्
भूमण्डलं समुद्धृत्य विवेश च रसातलम्॥ ७२ ॥

मूलम्

विश्वास-प्रस्तुतिः

शेषाश्च विविशुर्दैत्यास्तमनु प्रीतिसंयुताः
ततो विष्णुर्महातेजा ज्ञात्वा दैत्यबलं महत्॥ ७३ ॥

मूलम्

विश्वास-प्रस्तुतिः

दधार रूपं वाराहं दैत्यराजजिघांसया
धृत्वा क्रोडतनुं विष्णुर्विवेश तमनुद्रुतम्॥ ७४ ॥

मूलम्

विश्वास-प्रस्तुतिः

तत्र गत्वा रसामूले रसातलगतां महीम्
दृष्ट्वा स्वदंष्ट्रयोर्दध्रे लोकाधारां वसुन्धराम्॥ ७५ ॥

मूलम्

विश्वास-प्रस्तुतिः

तां धृत्वा गच्छतस्तस्य विष्णोरमिततेजसः
समाजगाम दैत्येन्द्रो धृष्टं वाग्भिस्तुदन्ननु॥ ७६ ॥

मूलम्

विश्वास-प्रस्तुतिः

मायाक्रोडतनुर्विष्णुर्दुर्वचांसि सहन्रुषा
जलोपरि दधारेमां धरां भूधर एव च॥ ७७ ॥

मूलम्

विश्वास-प्रस्तुतिः

तस्यां न्यस्य स्वसत्वं च स चकार तदाचलाम्
ततः पश्चात्स संलग्नो दैत्यराट्समुपस्थितः॥ ७८ ॥

मूलम्

विश्वास-प्रस्तुतिः

क्रोधेन महताविष्टो जघान गदया हरिम्
मायया सूकरो विष्णुस्तां गदां समवञ्चयत्॥ ७९ ॥

मूलम्

विश्वास-प्रस्तुतिः

योगयुक्तो यथा मृत्युं कौमोदक्याहनच्च तम्
ततः पुना रुषाविष्टो हिरण्याक्षो महाबलः॥ ८० ॥

मूलम्

विश्वास-प्रस्तुतिः

मुष्टिना प्राहरद्देवं दक्षिणे तु भुजे प्रभोः
एवं युद्धं महाघोरं सव्यासव्यं गतागतम्॥ ८१ ॥

मूलम्

विश्वास-प्रस्तुतिः

परिभ्रमणविक्षेपं कृतानुकरणं तथा
ततो ब्रह्मादयो देवा युद्धं पश्यन्ति खे स्थिताः॥ ८२ ॥

मूलम्

विश्वास-प्रस्तुतिः

स्वस्ति प्रजाभ्यो देवेभ्य ऋषिभ्यश्चेति चाब्रुवन्
ऊचुश्च देवदेवेशं विष्णुं वाराहरूपिणम्॥ ८३ ॥

मूलम्

विश्वास-प्रस्तुतिः

मा क्रीड बालवद्देव जह्यमुं देवकण्टकम्
ततो विष्णुर्महातेजा मायावाराहरूपधृत्॥ ८४ ॥

मूलम्

विश्वास-प्रस्तुतिः

ब्रह्माद्यनुमतिं प्राप्य चक्रं प्राक्षिपदुल्बणम्
सहस्रसूर्यसङ्काशं सहस्रारं महाप्रभम्॥ ८५ ॥

मूलम्

विश्वास-प्रस्तुतिः

दैत्यान्तकरणं रौद्रं प्रलयाग्निसमप्रभम्
तच्चक्रं विष्णुना मुक्तं हिरण्याक्षं महाबलम्॥ ८६ ॥

मूलम्

विश्वास-प्रस्तुतिः

चकार भस्मसात्सद्यो ब्रह्मादीनां च पश्यताम्
दैत्यान्तकरणं रौद्रं चक्रं चागमदच्युतम्॥ ८७ ॥

मूलम्

विश्वास-प्रस्तुतिः

ततो ब्रह्मादयो देवाः शक्रमुख्याश्च लोकपाः
दृष्ट्वा च विजयं विष्णोः स्तुवन्ति स्म समागताः॥ ८८ ॥

मूलम्

विश्वास-प्रस्तुतिः

देवा ऊचुः-
नताः स्म विष्णुं जगदादिभूतं सुरासुरेन्द्रं जगतां प्रपालकम्
यन्नाभिपद्मात्किल पद्मयोनिर्बभूव तं वै शरणं गताः स्मः॥ ८९ ॥

मूलम्

विश्वास-प्रस्तुतिः

नमोनमो मत्स्यवपुर्द्धराय नमोस्तु ते कच्छपरूपधारिणे
नमः प्रकुर्मश्च नृसिंहरूपिणे तथा पुनर्वामनरूपिणे नमः॥ ९० ॥

मूलम्

विश्वास-प्रस्तुतिः

नमोस्तु ते क्षत्रविनाशनाय रामाय रामाय दशास्यनाशिने
प्रलम्बहन्त्रे शितिवाससे नमो नमोस्तु बुद्धाय च दैत्यमोहिने॥ ९१ ॥

मूलम्

विश्वास-प्रस्तुतिः

म्लेच्छान्तकायापि च कल्किनाम्ने नमः पुनः क्रोडवपुर्धराय
जगद्धितार्थं च युगेयुगे भवान्बिभर्ति रूपं त्वसुराभवाय॥ ९२ ॥

मूलम्

विश्वास-प्रस्तुतिः

निषूदितोऽयं ह्यधुना किल त्वया दैत्यो हिरण्याक्ष इति प्रगल्भः
यश्चेन्द्रमुख्यान्किललोकपालान्संहेलया चैव तिरश्चकार॥ ९३ ॥

मूलम्

विश्वास-प्रस्तुतिः

स वै त्वया देवहितार्थमेव निपातितो देववर प्रसीद
त्वमस्य विश्वस्य विसर्गकर्ता ब्राह्मेण रूपेण च देवदेव॥ ९४ ॥

मूलम्

विश्वास-प्रस्तुतिः

पाता त्वमेवास्य युगेयुगे च रूपाणि धत्से सुमनोहराणि
त्वमेव कालाग्निहरश्च भूत्वा विश्वं क्षयं नेष्यसि चान्तकाले॥ ९५ ॥

मूलम्

विश्वास-प्रस्तुतिः

अतो भवानेव च विश्वकारणं न ते परं जीवमजीवमीश
यत्किञ्च भूतं च भविष्यरूपं प्रवर्त्तमानं च तथैव रूपम्॥ ९६ ॥

मूलम्

विश्वास-प्रस्तुतिः

सर्वं त्वमेवासि चराचराख्यं न भाति विश्वं त्वदृते च किञ्चित्
अस्तीति नास्तीति च भेदनिष्ठं त्वय्येव भातं सदसत्स्वरूपम्॥ ९७ ॥

मूलम्

विश्वास-प्रस्तुतिः

ततो भवन्तं कतमोपि देव न ज्ञातुमर्हत्यविपक्वबुद्धिः
ऋते भवत्पादपरायणं जनं तेनागता स्मश्शरणं शरण्यम्॥ ९८ ॥

मूलम्

विश्वास-प्रस्तुतिः

व्यास उवाच-
ततो विष्णुः प्रसन्नात्मा उवाच त्रिदिवौकसः
तुष्टोस्मि देवा भद्रं वो युष्मत्स्तोत्रेण साम्प्रतम्॥ ९९ ॥

मूलम्

य इदं प्रपठेद्भक्त्या विजयस्तोत्रमादरात्
न तस्य दुर्लभं देवास्त्रिषुलोकेषु किञ्चन१००
गवां शतसहस्रस्य सम्यग्दत्तस्य यत्फलम्
तत्फलं समवाप्नोति कीर्तनाच्छ्रवणान्नरः१०१
सर्वकामप्रदं नित्यं देवदेवस्य कीर्तनम्
अतः परं महाज्ञानं न भूतं न भविष्यति१०२
इति श्रीपाद्मपुराणे प्रथमे सृष्टिखण्डे देवासुरसङ्ग्रामसमाप्तौ विजयस्तोत्रन्नाम पञ्चसप्ततितमोऽध्यायः७५